By continuing, you are agreeing to our Terms and conditions as well as our Use of Cookies.

50 Prutpot Geregte

uitgegee deur Lapa

50 Prutpot Geregte

Hierdie boek wys vir ons hoe om met behulp van jou prutpot of slow cooker en minimale voorbereiding heerlike bredies, sop, sappige braaistukke en selfs poeding gaar te maak, terwyl jy aandag aan belangriker dinge skenk. Al die resepte maak gebruik van bestanddele wat reeds in jou koskas is of maklik by jou plaaslike supermark bekombaar is... en al wat jy basies moet doen is dit bymekaar gooi.

Kop in die Wolke in Kromkieriefontein

geskryf deur Milan Murray

Kop in die Wolke in Kromkieriefontein

Dié boek is die derde een in hulle gewilde idioomreeks en perfek vir selflees en saamlees. Die storie gaan oor Dahlia, Bella, Tienie en Tamara wat op ’n avontuur gaan om te wys hoe wonderlik ’n wêreld vol drome en verbeelding kan wees. Die boek is pragtig geillustreer deur Marisa du Toit. 

My Lewensreis

geskryf deur Dawie de Villiers

My Lewensreis

De Villiers was Springbokkaptein, predikant, filosoof, ambassadeur, kabinetsminister, wêreldreisiger, kunsliefhebber en gesinsman. Hy is een van Suid-Afrika se ikone wat sy land dekades lank op vele terreine met groot onderskeiding gedien het. Hierdie boeiende lewensverhaal neem lesers op ’n merkwaardige lewenspad deur Suid-Afrika se sport- en politieke geskiedenis.

Around Africa on my Bicycle (Oudioboek)

geskryf deur Riaan Manser

Around Africa on my Bicycle (Oudioboek)

Dié oudio-boek vertel die storie van hierdie epiese reis wat Riaan onderneem het. Hy het 36500 km deur 34 lande gery en dit het hom presies twee jaar, twee maande en vyftien dae geneem. Dit is ’n storie van bloed, sweet en trane, maar ook van triomf en om voort te gaan al is die situasie hoe moeilik. Dit is nou die eerste keer wat hierdie topverkoper-boek van Riaan as ’n oudio-boek uitgegee word, kry hom beslis vir ‘n  lekker luister in jou motor wanneer jy op reis is... 

Knip, verf, plak: 50 prettige kunsprojekte

geskryf deur Susie Brooks

Knip, verf, plak: 50 prettige kunsprojekte

Hierdie pragtig ontwerpte handwerkboek wys jong kunstenaars hoe om vingerafdrukke, voetafdrukke en alledaagse dinge te gebruik om inspirerende, goedkoop en ekovriendelike kuns te maak. Dis ‘n versameling eenvoudige maar uitdagende handwerkprojekte wat ideaal is vir ouers met min tyd en skole met ’n beperkte begroting, en wat hergebruik en herwinning bevorder. Die boek is pragtig geïllustreer met stap vir stap instruksies en fassinerende kunswerke. 

Die Afrikaners

geskryf deur Herman Giliomee

Die Afrikaners

In dié boek vertel hy die dramatiese storie van die mense wat hulself mettertyd Afrikaners sou noem. Hierdie boek is ’n verkorte weergawe van sy boek ‘Die Afrikaners: ’n Biografie’ wat verskeie toekennings gewen het toe dit in 2008 verskyn het. Dié weergawe vat die kern van die oorspronklike vas en werk nuwe gegewens by. Gilliomee se vars styl laat die kleurryke verhaal van die Afrikaners met al sy drama, ironieë en patos leef. 

Mieke en die Meerminne reeks

geskryf deur Miranda Jones

Mieke en die Meerminne reeks

Die drie boekies in die Mieke en die Meerminne reeks sluit in, ‘Geheime onder die see, Avonture in die dieptes en Die koningin se konsert. In hierdie reeks betowerende stories maak die leser kennis met Mieke en haar meerminvriende en saam beleef hulle allerlei opwindende onderwater-avonture. Lekker boekies vir beginnerlesers. 

Blood Money

geskryf deur Johan Raath

Blood Money

Johan is ‘n oud-Recce wat sy lewe op die spel geplaas het om BBP’s en ingenieurs in Irak te beskerm wat moes help om hierdie land na die oorlog op te bou. Hierdie boek gee vir die eerste keer insae in wat dit verg om in een van die wêreld se mees oorloggeteisterde lande te werk en daar was nie net een nie, maar hoevele kere wat hy net-net oorleef het.  

Stroomop

geskryf deur Harald Pakendorf

Stroomop

Hoekom bel ’n boosaardige eerste minister ’n koerantredakteur skuins na sonop by sy huis? Waarom wil ’n kabinetsminister ’n verslaggewer met die vuiste bydam? En hoe kry ’n Afrikaanse koerant dit reg om tydens die apartheidsjare volledig oor ANC-beleidstandpunte te rapporteer?
 
Harald Pakendorf beantwoord dié vrae, en nog vele meer, in sy herinneringstog deur ’n onstuimige tydperk in Suid-Afrika se geskiedenis. Die grootkoppe van apartheid kon hierdie “liberale” redakteur van Oggendblad  (1972–1979) en Die Vaderland  (1980–1986) met moeite voor hulle oë verdra. Pakendorf moes John Vorster en PW Botha se woedebuie telkemale trotseer.
 
Vandag sal lesers hul koppe in ongeloof skud oor die scenario’s wat tydens apartheid se hoogbloei in die voorkamers van politieke mag afgespeel het. Maar vir die politieke base van destyds was Harald Pakendorf sy tyd ver vooruit. Só ver dat hulle hom sonder meer uit sy redakteurstoel verwyder het. ’n Fassinerende, persoonlike terugblik wat lesers sal boei.

God, Gay, Genade

geskryf deur Retha Benadé

God, Gay, Genade

In hierdie boek vertel Retha oor haar lang pad tot aanvaarding as gay vrou en haar stryd met die kerk en die Bybel. Daar is soveel vrae waarop gay mense nooit antwoorde sal vind nie en Retha poog met hierdie boek om die leser hoop en insig te gee... en om die wonder van seksuele diversiteit te ontdek en te besef dat die verwerping van gay mense niks met God te make het nie, maar dat dit mensgedrewe en dat jy nie jou geloof moet verloor oor wat mense en die kerk sê nie. 

Daar in die ou Kalahari... Gewilde Ghanzi Resepte en Verhale

uitgegee deur die Ghanzi Vroueklub

Daar in die ou Kalahari... Gewilde Ghanzi Resepte en Verhale

Ek het vandag ’n spesiale resepteboek, ‘Daar in die ou Kalahari... Gewilde Ghanzi Resepte en Verhale, in die weste van Botswana waar ’n gemeenskap Afrikaners hulle gevestig het. Die vroue van daar het hierdie boek bymekaar gesit met ’n bietjie Geskiedenis en interessante verhale van Ghanzi ingesluit. Met die opbrengs van die boek wil hulle graag die dorpie verfraai en die straatkinders ophef. Die resepte hierin is lekker boerekos, van voorgeregte en sop tot koeke, terte, beskuit en vleisgeregte... een van daardie juweelboekies om in jou rak te hê. 

Punt versus Komma

geskryf deur Claudine Venter

Punt versus Komma

Hierin vertel Claudine van haar stryd teen kanker wat begin het toe sy in 2011 op die ouderdom van 26 gediagnoseer is met Graad 4 Non-Hodgkins Limfoom en hoe sy geleer het dat elke asemteug en elke nuwe dag net genade van God is. Sy deel haar kankeroorlog en alles wat daarmee gepaard gaan, al die terugslae tot by remissie, in ’n poging om hoop te gee aan mense wat dieselfde paadjie moet stap. 

Stuarts’ Field guide to National Park & Reserves of South Africa

geskryf deur Chris en Mathilde Stuart

Stuarts’ Field guide to National Park & Reserves of South Africa

Hierdie baie handige gids is presies wat ons almal nodig het wanneer jy een van die land se beste bewaringsareas besoek. Dit sluit in, inligting oor die geskiedenis, ligging, landskap, geologie, plantegroei en wildlewe van elke park met gedetailleerde kaarte wat ’n mens wys waar al die belangrikste wildkykplekke is. Beslis die boek om aan te skaf as jy beplan om hierdie skoolvakansie in die bos deur te bring.  

Gifbeker

geskryf deur Irna van Zyl

Gifbeker

Die storie skop af met ’n dramatiese toneel waartydens ’n omstrede kosblogger in een van die spoggerigste restaurante op Hermanus dood neerslaan – moontlik weens vergifting. Speuradjudant Storm van der Merwe is op die toneel en is kniediep in ’n wêreld wat sy nie ken nie: een van foodies... Wat sy wel weet, is dat die blogger nie die enigste slagoffer is nie en dat die dodetal styg op die vooraand van ’n gala-ete om die land se topsjefs te vereer.

Lees en Luister reeks

Uitgegee deur NB uitgewers

Lees en Luister reeks

Twee kinderboeke in die Lees en Luister reeks, die Diere Klankboek en die Eerste lesse klankboek. In hierdie slim boekies is daar 45 prentjies wat praat. Druk op elke prentjie en luister na die dier se naam en die geluide wat hy maak. Die realistiese klanke en interessante feite sal enige kind lank vermaak.

Gevaarlike Lopies & Duskant die Doodlyn

geskryf deur Jaco Jacobs

Gevaarlike Lopies & Duskant die Doodlyn

Hierdie kinderboek bevat twee aksiebelaaide sportstories wat ’n mens lekker sal laat naels kou. In Gevaarlike Lopies ontaarde ’n heerlike kriekettoer onverwags in ’n nagmerrie toe die spelers se paaie met dié van ’n gevaarlike skurk kruis en in Duskant die Doodlyn gebeur vreemde dinge met Werner-hulle se rubyafrigter en dit lyk of iemand nie volgens die reëls speel nie... Lekker verhale om kinders aan te moedig om te lees... 

Polemieke Bekgevegte in Afrikaans

geskryf deur Gabriël J. Botma

Polemieke Bekgevegte in Afrikaans

Hierin gee die skrywer ons ’n blik op bekende en byne vergete woordtwiste wat die Suid-Afrikaanse geskiedenis help slyp het. Die waarde van gesprekke in die aanloop en nadraa van geskiedkundige gebeure soos rebellies, opstande en oorloë kan nie onderskat word nie en in hierdie boek kyk Botma na alles, van slawerny in die Kaap, die Groot Trek en Afrikaners Nasionalisme tot die Voëlvry beweging en plaasaanvalle. 

Vital Remains

geskryf deur Amos van der Merwe

Vital Remains

Hierdie boek is die verhaal van Winston Wicomb, broer van Randal Wicomb, wat as seuntjie nie wit genoeg was nie en sy ouers se pogings om die effek van apartheid vry te spring, bedreig het. Hy moes dus in die kas wegkruip wanneer die inspekteurs by die huis opgedaag het, maar ten spyte van hierdie politieke en sielkundige uitdagings het Winston saam met professor Chris Barnard mediese geskiedenis gemaak... ’n ware inspirasie... 

Stormkind

geskryf deur Riana Scheepers

Stormkind

Jana is net drie jaar oud toe haar ma spoorloos verdwyn. Op die Bolandse wynplaas Stormkloof treur KleinStorm oor sy pragtige vrou. Jana verlang ook na haar ma. Snags roep die wind haar buitentoe, maar Jana is nie bang vir die storm nie. As sy mooi na die wind luister, hoor sy die soet, hoë note van haar ma se fluit. Een so ’n stormnag ontmoet Jana vir !X’uri − ’n klein dogtertjie, bruin soos klip, met net ’n velletjie om haar heupe en ’n wit stringetjie krale om haar nek. !X’uri kom uit ’n gat in die grond waar die groot olienhoutboom se wortels eens was. !X’uri het gekom omdat dit tyd is om Jana se ma te soek.  Stormkind is ’n betowerende, liriese verhaal oor verlies, vergifnis en die kulturele erfenis van die Boesmans.
    

Spieëlbeeld

geskryf deur Franz Marx

Spieëlbeeld

'n Spieël is 'n vreemde ding, want in 'n spieël leef 'n koue leuen; alles is andersom, verkeerdom en plat. Regs is links en links is regs. 'n Spieël lieg, dink hy, want jy kan jouself nie regtig sien nie, nes mens jouself nie kan kielie nie. Tensy jy natuurlik 'n soort aap is, dan kan jy jouself kielie. En lag. Maar Dolf Eksteen lag nie. Daar's min rede die laaste tyd om te wil lag.

Joe Minnie se lewe raak verweef met dié van een van die rykste besigheidsmanne in die land. Sy opdrag is om Dolf Eksteen met sy lewe te bewaak. Dolf se weelderige bestaan word versuur deur bedelbriewe, afpersboodskappe en doodsdreigemente, en die beeldskone Belinda Eksteen, 'n opkomende vermaaklikheidster, is soos 'n emosionele en finansiële tikkende tydbom aan sy sy. 

Met 'n rolverdeling wat 'n deursnit van die Suid-Afrikaanse gemeenskap bied - die onaantasbares, die onderdruktes, die onderduimses - word Spieëlbeeld 'n intense en meesleurende, psigologiese karakterstudie wat nog vir lank by die leser sal spook. 'n Wêreldklas spanningsverhaal waartydens die leser die speurder is.   

Slym se stories

geskryf deur Fanie Viljoen

Slym se stories

Die Slym-reeks van Fanie is baie gewild en gaan oor ’n wurmpie, genaamd ‘Slym’ en al die avonture wat hy beleef. Hierdie omnibus bevat al vier die titels wat al sedert 2004 gepubliseer is en dit sluit in: Die wêreld se eerste wurm in ’n paddakonsert, Slym en die beker van geluk, Slym en die gogga-sirkus en Slym en die towertapyt. Kinders van 7 jaar en ouer sal mal wees oor dié boek. 

16 Dinge wat ek nié moes sê nie

geskryf deur Rian van Heerden

16 Dinge wat ek nié moes sê nie

In dié boek praat Rian openhartig oor hoe sy woorde hom soms diep in die moeilikheid laat beland het. Hy openbaar wat agter die skerms gebeur het en waarom hy sekere dinge kwytgeraak het. Met sy kenmerkende vlymskerp humor vertel Rian van sy moeilike grootwordjare in Randfontein, sy studentejare, sy loopbaan in die kollig en sy jarelange worsteling met gay wees.

Kalmte in die malle gejaag

geskryf deur Johannes de Villiers

Kalmte in die malle gejaag

Jy wil asem skep en die mooi dinge raaksien. Maar soms raak die lewe  dol en jy erg gestres. Bewustelikheid (mindfulness) en meditasie kan mens help om met nuwe oë na die wêreld te kyk. Johannes de Villiers vertel die stories van gewone mense wat geleer het hoe om beter interpersoonlike verhoudings te hê, 'n positiewe bydrae tot die wêreld te maak, hul woede en stres beter te bestuur en die wonderskone in elke oomblik - ook die moeilikes - raak te sien. Dit kan ook jou storie wees. 

Frogs of Southern Africa – A complete guide

geskryd deur Louis du Preez en Vincent Carruthers

Frogs of Southern Africa – A complete guide

Hierdie boek is die mees gesaghebbende en volledige gids wat beskikbaar is oor paddas in suidelike Afrika. Al 164 spesies word in detail beskryf, wat insluit die paddavis-stadia, bewaringstatus, roep, habitat en gewoontes. Identifikasie word maklik gemaak deur pragtige kleurfoto’s van elke padda.

'n Gelukkige kind

geskryf deur Pieter van Jaarsveld

'n Gelukkige kind

Die bord pap vlieg oor die tafel en die melk spat op alles. Jou oudste klap jou jongste teen die kop. En julle is al weer laat vir skool. Welkom by die klub van ouers wat soms nie meer weet hoe nie! Dr. Pieter van Jaarsveld, ’n internasionele spreker en kenner op die terrein van positiewe denke, verduidelik in hierdie omvattende ouerskapgids hoe kinders se koppe werk en hoe jý ’n gelukkige en gebalanseerde kind kan grootmaak. Dié boek wys dat dit wel moontlik is om duidelike grense te stel, terwyl jy jou kinders met liefde, respek en koestering grootmaak.

Die ou vrou en die priester en ander verhale

geskryf deur Cecile Cilliers

Die ou vrou en die priester en ander verhale

Van 1981 tot 2014 skryf Cecile Cilliers rubrieke vir Beeld, De Kat en Sa​rie. Deur die jare het sy etlike bydraes vir verskillende bundels gemaak, maar Die ou vrou en die priester is haar eerste eie kortverhaalbundel. Verskeie klassieke temas word onder die loep geneem: dit wat in ’n huwelik ongesê bly tussen man en vrou, die oorweldigende blindheid van ’n eerste liefde, die menigte vorms wat verlies kan aanneem, en bowenal die uitdagings wat met ouderdom gepaardgaan. Verskeie van die verhale bevat ’n sterk geestelike ondertoon: bewyse van ’n skrywer wat besin, wat ondersoek, en wat nie skroom om dít wat onverklaarbaar is te probeer oopskryf nie.

Waarom mans altyd reg is (en ander onnoselhede)

geskryf deur André le Roux

Waarom mans altyd reg is (en ander onnoselhede)

Dié boek bevat van die laaste (en skreeusnaaksste) rubrieke wat André le Roux vir Sarie geskryf het. Wat is dit met vrouens en alewig inkopies doen? En hoekom wil mans nooit dokter toe gaan nie? En vir wat moet 'n mansmens dan nou 'n huweliksherdenking onthou, of o wee, eintlik was dit haar verjaarsdag! Met dié jongste bundel sketse kry 'n mens opnuut lag vir die hemelsbreë verskille tussen mans en vroue. En waarom die liefde steeds blind is.

Maalvleis

geskryf deur Karen Hart

Maalvleis

In dié boek deel Karen meer as 100 heerlike maalvleisresepte. Sy begin by hoe jy jou eie maalvleis kan maak, basiese frikkadelle en dan gee sy 'n verskeidenheid resepte vir piekniekbederfies, pastageregte, pasteie en 'n groot verskeidenheid burgers. Met 'n hele arsenaal speserymengsels vir jou koskas, help sy jou om met die afskeepkind van die vleisfamilie iets spesiaals op te tower.

Tussen vriende

geskryf deur Derick van der Walt

Tussen vriende

Will het ’n stukkie. Iemand by die werk, jonk genoeg om sy dogter te wees. En Adriaan en Cassie weet daarvan, maar bly tjóépstil.   

Asof dít nie die vriendekring genoeg ontwrig nie, sing Cassie en Phoebie se seun skielik in ’n bedenklike nagklub en Phoebie se eksie-perfeksie ma wil kom kuier in Pretoria – dalk vir báie lank. (Phoebie eet sommer ’n éclair.) Adriaan se Ingrid het pas wéér ’n knop in haar bors gevoel, hul enigste dogter is ver oor die waters, en dan’s daar boonop Adriaan se familieplaas wat verkoop moet word noudat sy broer wil padgee Australië toe.   

En heeltyd wonder Phoebie en Ingrid: Wat skort met Will se vrou, Soekie? Sy’t onlangs aan haar gesig laat werk en sy lyk fantasties, maar iets is fout in haar oë.   

Die wel en wee van drie paartjies in hul 50’s, komies, lewensgetrou en eg. ’n Storie vir almal wat al ooit oor hul vriende gewonder het, mense nes ek en jy, almal met hul eie geheime.

Kgalagadi Self-drive – Routes, Roads and Ratings

geskryf deur Philip & Ingrid van den Berg, Heinrich van den Berg en Jaco Powell

Kgalagadi Self-drive – Routes, Roads and Ratings

Hierdie boek is die mees volledige en uitgebreide reisgids vir hierdie kant van die Kalahari wat 'n mens kan hoop om te kry. Die outeurs sluit details en inligting in wat enige besoeker se reis makliker en sonder probleme sal laat verloop. En dit natuurlik saam met kleurfoto's wat dit sommer 'n pragtige koffietafelboek maak.

Ek Lees Self-reeks

geskryf deur Wendy Maartens en Zinelda McDonald

Ek Lees Self-reeks

Dit sluit in ‘Sprinkaan leer werk’, ‘Die gans wat goue eiers kon lê’, ‘Muis red Leeu se lewe’, ‘Rooi hen bak brood’, ‘Die drie Rammetjies Rof’ en ‘Padda word kwaad’. Hierdie boekies is die perfekte wegspringplek vir beginnerlesers om vroeg al 'n liefde vir lees te kweek en ons almal weet watse goeie ding dit is.

Ontsnap! Boerekrygsgevangenes se strewe na vryheid

geskryf deur Albert Blake

Ontsnap! Boerekrygsgevangenes se strewe na vryheid

Die Boerekrygers wat gedurende die Anglo-Boereoorlog uit krygsgevangekampe probeer ontsnap het was onstuitbaar en vreesloos. Niks sou hulle keer om weer vry te wees nie. In hierdie boek bring die outeur van die mees gewaagde ontsnappingspogings byeen. Hulle verstom letterlik met hul vindingryke planne om die Britse owerhede te uitoorlê en weg te kom uit kampe in Suid-Afrika en Indië, asook die eilande van Bermuda, St. Helena en Ceylon. 

Hykie Berg: My Storie Van Hoop

geskryf deur Hykie Berg & Marissa Coetzee

Hykie Berg: My Storie Van Hoop

Hykie Berg was op die kruin van die golf - hy was 'n suksesvolle akteur en in die wêreld se oë het hy alles gehad wat 'n mens kan begeer. Tot op ’n dag dat hy iemand in ’n badkamer op stel dwelms sien gebruik het en hy so hard teruggeval het in sy ou gewoontes dat hy by die dood omgedraai het. Hierdie boek volg hom deur die dwelmhole van Hillbrow, tot in Botswana en uiteindelik waar hy tot stilstand kom, in 'n maksimum-sekuriteitsel in die Weskoppies- psigiatriese hospitaal. Hier kom red God hom van 'n gewisse dood. 'n Verhaal van God se groot genade en ‘n getuigskrif dat Hy nie opgee op ons nie.

'n Trompet vir Thomas / Thomas and the Trumpet

geskryf deur Milan Murray en geillustreer deur Marisa du Toit

'n Trompet vir Thomas / Thomas and the Trumpet

Thomas is ’n tipiese avontuurlustige seuntjie wat hou van nuwe dinge verken en ontdek, maar eendag word hy gediagnoseer met asma en hy skrik groot. Wat beteken dit vir Thomas? En hoe gaan sy lewe moet verander? Hierdie boekie is spesifiek daarop gemik om kinders te leer van asma en om hulle te wys dat hulle steeds ’n normale lewe kan lei. Die boekie word ook onderskryf deur The Allergy Foundation South Africa.  

Think Yourself Rich: A step-by-step guide to financial independence

geskryf deur Moroka Modiba

Think Yourself Rich: A step-by-step guide to financial independence

Hierdie boek is ’n stap vir stap gids tot finansiële onafhanklikheid. Die boek spreek belangrike sake aan, soos hoe om effektiewe finansiële beplanning te doen, wanneer en hoe om te begin spaar, hoeveel van jou inkomste jy moet belê, sowel as hoe om van ongewenste skuld ontslae te raak. 

Hartebreker: Christiaan Barnard en die eerste hartoorplanting

geskryf deur James Styan

Hartebreker: Christiaan Barnard en die eerste hartoorplanting

Vir die vroue wat hy met sy rolprentsterglimlag betower het, was Chris Barnard ’n hartebreker. Vir sy pasiënte ’n harteheler. Dié nuwe biografie oor Suid-Afrika se beroemdste hartsjirurg vertel nie net van Barnard se kinderjare in Beaufort-Wes, sy huwelike (en egskeidings) en flambojante lewe nie. Styan ondersoek ook die impak van die historiese eerste hartoorplanting op Barnard se persoonlike lewe en op die Suid-Afrikaanse gemeenskap oor die algemeen.

Recce-resepte: Vir kos, die bos, die lewe

geskryf deur Douw Steyn en Justin Vermaak

Recce-resepte: Vir kos, die bos, die lewe

As die Recces die dag in die bos in stap, slaan die luislange, die aasvoëls en selfs die leeus op die vlug. Wat jy kan vang, kan jy eet, sê dié manne.

Recce-resepte vir kos, die bos, die lewe is vol tong-in-die-kies resepte en stories oor die Recces se ervarings gedurende die Grensoorlogjare en tot 1997. Die boek plaas jou in die skoene van hierdie legendariese en geheimsinnige Spesiale Magte-operateurs.

Ontdek wat dit verg om vir weke aaneen uit ’n rugsak te leef, hoe om te oorleef op dit wat die natuur verskaf en selfs hoe om ’n leeu kaalhand van ’n karkas te verjaag. Aasvoëlsop, enigiemand? Of wat van vlieënde vis vir voorgereg met gebraaide luislang vir hoofgereg?

Die stories oor hul waaghalsige operasies gedurende die eerste 25 jaar van die Spesiale Magte vat jou van Durban na Langebaan en deur Phalaborwa na die res van Afrika en selfs Rusland.

Hulle verklap boonop hul unieke filosofie – bly in die oomblik, pas aan en doen jou ding!

Of staan opsy, want die Recces kom verby.

Drie vroue en ’n meisie

geskryf deur Hans du Plessis

Drie vroue en ’n meisie

Dié roman vertel die lot van drie geslagte vroue wat in die misrabelheid van die delwerye van Miersehoop, wat reeds byna uitgewerk is, begin. Dit ontbloot die bittere armoede waarmee talle Afrikaanse gesinne in die vorige eeu geworstel het, ook die menslikheid van sommige en die ontmensliking van ’n klasgedrewe situasie. Hans du Plessis is al bekend vir sy historiese romans en hierdie is ’n wonderlike verhaal van hoop en liefde. 

Op Pad, ’n Reisjoernaal

geskryf deur Dana Snyman

Op Pad, ’n Reisjoernaal

Tipies Danie, sien hy dinge op sy eiesoortige, aweregse manier. In deel een toer hy deur die land saam met ’n tv-span. Soos hulle die land deurkruis op soek na stories, beleef Dana nie net die lief en leed van die mense met wie hy gesels nie, maar ook sy eie innerlike reis. Hy kom huistoe met ’n optelhond en’n nuwe manier van kyk. In deel twee kyk hy rugby. In kroeë, township-huisies, saam met oom Frik du Preez en Joost van der Westhuizen. Die verhale is snaaks, skerp en onthutsend eerlik. 

Die Rooitamatie Storie

geskryf deur Renette Vosloo

Die Rooitamatie Storie

Renette Vosloo en haar man Mielie (Emile) het as Tukkies studente in die tagtigerjare kookboeke in plaas van handboeke begin koop. Mielie was 'n kranige gholfspeler en het graadloos, maar as Tuks Gholfkampioen uit die stryd getree.

Renette het haar BA met Staatsleer en Internasionale Politiek behaal, maar het vinnig besef die diplomatieke diens is nie haar toekoms nie.

Pasgetroud, Renette se kop vol politiek en by albei steeds 'n brandende voorliefde vir kosmaak, sit die twee huis op in die plattelandse dorp Middelburg. Die fondasies het soms gebewe soos daar gekuier en geëet is, met stringe vriende gewillige proefkonyne vir Mielie en Renette se kookvernuf.

Renette skryf politieke briewe dat die dorp laat gons en bedryf 'n klein geskenk-en antieke meubelwinkeltjie. Mielie is die dorp se sleutelmaker en steeds kranige gholfspeler.

In 1988 begin die gesin groei... Gerhard, Marja, klein Emile (oorlede) en Emily is die spruite wat die gesin kom volmaak het. Hulle kook almal vandag met oorgawe soos Ma en Pa.

Die liefde vir kosmaak spoel oor in 'n eerste volwaardige restaurant, by die Middelburg Buiteklub (nogal)... Later volg 'n klein kabaretrestaurant met die naam Whiskers, waar Nataniel en 'n hele sous bekende Afrikaanse kunstenaars kom optree het. Nog (baie) later, is die Red Tomato in Pretoria gebore. Huidiglik is die Rooitamatie Gastehuis in Muckleneuk die plek waar mense tuiskom en ook kom aansit vir bederf-aande by hul tafel.

Hierdie storie loop langs 'n lyn van passie, van goeie en swaarder tye, van groot hoogtepunte en ook hartseer laagtepunte.

Die goue draad is die kos, die passie en ook musiek.

Renette is lief om te deel. Die spyskaart word kripties neergeskryf en dan in fyn detail deur Renette met groot entoesiasme aan restaurantgaste uitgele.

As gaste iets lekker eet, word die resep net daar vertel. Sedert Facebook die lig gesien het, deel Renette ook graag woordkos met haar vriende.

Al hierdie elemente is nou 'n droom in 'n kookpot: 'n Narratiewe kosboek, wat stories, herinneringe aan reuke, liedjies en plekke van die verlede, in resepte wat die mooiste prentjies vorm, weergee. 

Hierdie boek is nie net 'n resepteboek nie, dis 'n storie. Inspirasie vir lewe met hoop en verwagting, met proe aan prentjies wat jou dadelik kombuis toe sal vat.

Renette skryf van die huiskos by haar Ma en Ouma se tafel, bring vreemde geregte en kostendense huis toe en maak dit maklik.

Enemy of the People

geskryf deur Adriaan Basson & Pieter du Toit

Enemy of the People

When Jacob Zuma took over the leadership of the ANC one muggy Polokwane evening in December 2007, he inherited a country where GDP was growing by more than 6% per annum, a party enjoying the support of two-thirds of the electorate, and a unified tripartite alliance. Today, South Africa is caught in the grip of a patronage network, the economy is floundering and the ANC is staring down the barrel of a defeat at the 2019 general elections.

How did we get here?
Zuma first brought to heel his party, Africa’s oldest and most revered liberation movement, subduing and isolating dissidents associated with his predecessor Thabo Mbeki. Then saw the emergence of the tenderpreneur and those attempting to capture the state, as well as a network of family, friends and business associates that has become so deeply embedded that it has, in effect, replaced many parts of government.

Zuma opened up the state to industrial-scale levels of corruption, causing irreparable damage to state enterprises, institutions of democracy, and the ANC itself.

But it hasn’t all gone Zuma’s way. Former allies have peeled away. A new era of activism has arisen and outspoken civil servants have stepped forward to join a cross-section of civil society and a robust media. As a divided ANC square off for the elective conference in December, where there is everything to gain or to lose, award-winning journalists Adriaan Basson and Pieter du Toit offer a brilliant and up-to-date account of the Zuma era.

Hoe supercool goed werk

uitgegee deur Lapa

Hoe supercool goed werk

Sal ons in die toekoms met vlieënde motors ry? 
Hoe werk ’n 3D-drukker?
Kan mense regtig eendag op Mars gaan woon?
Hoe lyk dit binne-in ’n PlayStation 4?

Ontdek die verstommende tegnologiese uitvindings van die toekoms in hierdie asemrowende boek. Hoe supercool goed werk is ’n splinternuwe gids wat ongelooflike nuwe tegnologie verken, en kyk na die maniere hoe dit ons moderne wêreld vorm. Kinders sal versot wees op die prettige skootrekenaar-styl-omslag en die innoverende uitleg. 

Verstommende foto’s en illustrasies verduidelik hoe enige iets van hommeltuie en superrekenaars tot onderwater-hotelle en vlieënde motors werk. Hoe supercool goed werk onthul die geheime van die heel innoverendste nuwe idees en verken ook die opwindende tegnologie van die toekoms.

Sterre en Planete

geskryf deur Hennie Maas

Sterre en Planete

Sterre en Planete is ’n voortvloeisel uit Hennie Maas se gewilde radio­program met dieselfde naam wat weekliks op RSG uitgesaai word. Een van die uitstaande kenmerke van die radioprogram is dat die vier kundige deelnemers, prof. Matie Hoffman, Willie Koorts, Kobus Olckers en dr. Japie van Zyl, dit op ’n eenvoudige, lekker geselstrant doen. Die boek Sterre en Planete poog om tussen die akademiese, sterrekundige wetenskap en sterrekunde vir die leek ’n brug te slaan. Hierdie boek sal ongetwyfeld ’n groter gehoor as net die radioprogram trek. En met die astronomiese ontwikkeling op die gebied van ruimtewetenskap sal ’n volgende boek binnekort nodig wees!

30

geskryf deur Herman Lensing

30

In hierdie boek vier Herman sy dertigste verjaardag op allerhande maniere, maar die belangrikste daarvan het natuurlik met kos te doen. Daar is byvoorbeeld 30-minute-resepte, die 30 dinge wat jy van wyn moet weet... ook 30 goeie gewoontes, 30 dinge wat sy ma hom nooit vertel het nie, 30 maniere om gesond te bly en baie meer. Maar bo alles bly dit ’n resepteboek waarin Herman sy kennis en wenke gulhartig uitdeel en lesers nooi om ’n bietjie uit sy lewe te leer.

Garden Birds in Southern Africa

geskryf deur Duncan Butchart

Garden Birds in Southern Africa

Dit is ’n baie gebruiksvriendelike gids wat die details van 101 voëls beskryf wat ’n mens die meeste in Suider-Afrikaanse tuine vind wat natuurlik kleurfoto’s van elkeen insluit. Verder gee die gids ook raad hoe jy ’n voëlvriendelike omgewing in jou tuin kan skep deur sekere bome, grasse en plante aan te plant om voëls te lok. Hierdie boek is die ideale gids vir alle voëlliefhebbers wat nie noodwendig altyd ver wil reis om voëls te kyk nie. 

Hartlam

saamgestel deur Gerda Taljaard en Deborah Steinmair

Hartlam

In hierdie bundel sal jy vergeefs soek na voorspelbaarheid, want die liefde het vele gesigte, en nie almal is mooi nie. Dit sluit stories in deur Kerneels Breytenbach, Christine Barkhuizen Le-Roux, Helene de Kock, Jaco Jacobs en nog baie ander. En almal skryf oor die liefde in sy vele gedaantes, van moederliefde en kalwerliefde tot verbode en erotiese liefde... ’n lekkerleesbundel vir die feestyd. 

Volmaan

geskryf deur Jaco Jacobs

Volmaan

’n Onderwyseres wat op volmaannagte in ’n weerwolf verander... ’n Speelding wat allerhande vreemde dinge begin aanvang... ’n Eksperiment wat jou in ’n insek laat verander... ’n Vakansieplaas waar reuse-vlermuise snags buite rondvlieg... en ’n grillerige monsterfliek waaruit jy nie maklik ontsnap nie. Vir die eerste keer verskyn vyf van Jaco Jacobs se gewildste grilstories saam in een boek. 

90 Rules for Entrepreneurs

geskryf deur Marnus Broodryk

90 Rules for Entrepreneurs

Marnus Broodryk is ’n sakeman en entrepreneur wat graag voornemende entrepreneurs raad gee hoe om ’n suksesvolle besigheid te bou en steeds gelukkig ook te wees. Alhoewel almal se reis tot ’n suksesvolle onderneming verskillend is, is die lesse langs die pad steeds baie dieselfde. En in hierdie boek deel hy nie net sy eie ervaring en raad nie, maar ook dié van besigheidsvriende en mede-entrepreneurs. So as jy jou sakedrome wil laat waar word... hierdie boek kan jou help om dit te doen. 

Spertyd

geskryf deur Elsa Joubert

Spertyd

Hierdie boek is die voltooiing van Elsa Joubert se outobiografiese drieluik wat ingelei is deur 'n Wonderlike geweld (2005) en Reisiger (2009). Dit fokus hoofsaaklik op die skrywer se latere jare, in die aftreeoord in Kaapstad waar sy nou al geruime tyd woon, maar haar belewenis van die hede en onlangse verlede word onlosmaaklik vervleg met herinneringe aan veel verder terug, alles geteken met die kenmerkende woordvaardigheid van een van Afrikaans se mees gevierde skrywers.

Skepelinge: Aanloop tot 'n roman

geskryf deur Karel Schoeman

Skepelinge: Aanloop tot 'n roman

Skepelinge is ’n impressionistiese betragting van die vroeë koloniale tydperk in die Suid-Afrikaanse geskiedenis, gebaseer op Schoeman se kennis van die VOC-tyd en meer spesifiek die skeepvaart. Self het die skrywer dit beskryf as ’n ‘hibriede skepping . . . wat in laaste instansie beoordeel moet word as produk van die skeppende verbeelding eerder as van navorsing’.

Tydens die boekstawing van die duisende skepelinge wat oor die eeue heen na die Kaap van Storms gereis en onderweg ook omgekom het, verweef Schoeman literêre stemme soos dié van Eliot, Auden, Eybers en Melville met dokumente uit die oorspronklike dagboeke van die 1600’s en 1700’s, soos Van Riebeeck se Dagregister, Peter Kolb se noukeurige beskrywings van die Kaap en ander reisjoernale en geskiedkundige werke van die era.

Dit is geskiedskrywing soos geen ander Suid-Afrikaanse skrywer dit nog kon vermag nie. Skepelinge is ’n unieke nalatenskap – veral waar ‘oorsprong’ nou meer as ooit vantevore ondersoek word.

My ensiklopedie van baie belangrike dinge

uitgegee deur Lapa

My ensiklopedie van baie belangrike dinge

Dis ’n fantastiese boek propvol feite, perfek vir jong slimkoppe wat nie kan wag om alles oor die wêreld te ontdek nie. Die boek verken temas soos diere, mense, planete, en baie belangrik, jy! Kinders kan uitvind wat ’n woestyn is, hoeveel kontinente daar is, leer om “hallo” en “totsiens” in verskillende tale te sê, en baie meer.

Op Vlerke, Ervarings om te koester

geskryf deur André Christof

Op Vlerke, Ervarings om te koester

In hierdie boek vat die skrywer ‘n mens op reis saam met hom en sy vrou deur die Kruger Wildtuin. Sy verhale is nie die normale vertellings van gebeure en wedervaringe nie, maar indetail skrywes wat die leser die natuur waarlik saam met hulle laat beleef... Wat ‘n skilder in die natuur met sy kwas op ‘n doek doen, doen Christof met woorde op papier. Hy het al twee ander boeke ook geskryf en dis almal beskikbaar by die winkels in die Kruger Wildtuin.

Selfies, Sexts and Smartphones, A Teenager’s online survival guide

geskryf deur Emma Sadleir en Lizzie Harrison

Selfies, Sexts and Smartphones, A Teenager’s online survival guide

Hierdie boek behoort deur alle tieners en hulle ouers gelees te word. Dit dek alles van kuberboelies, verslawing, internetveiligheid, pornografie, angstigheid, depressie, privaatheid en reputasie... en doen dit boonop binne ’n Suid-Afrikaanse konteks. Die boek is toeganklik geskryf en ’n baie belangrike onderwerp in ons hedendaagse samelewing. 

Nou, hier

geskryf deur Corné Coetzee

Nou, hier

Op die oppervlak van dié hoogs afgeronde digdebuut roer daar ‘n oënskynlike eenvoud, maar onderliggend is ’n web van deurdagtheid versteek. Coetzee put uit die veeldimensionele wêreld van die vrou, die groei en verbrokkeling, vreugde en pyn van verhoudings, die Boeddha, die aarde en die hier-en-nou soos gesetel in die durende gang van lewe en dood.

Churchill & Smuts: Die Vriendskap

geskryf deur Richard Steyn

Churchill & Smuts: Die Vriendskap

Die eiesoortige vriendskap tussen Winston Churchill en Jan Smuts is ’n studie in kontraste. In hul jeug het hulle uiteenlopende wêrelde bewoon: Churchill was die weerbarstige en energieke jong aristokraat; Smuts die asketiese, filosofiese Kaapse plaasseun, wat later aan Cambridge sou gaan studeer. Daar sou hy die eerste student word wat albei dele van die finale regskursus in dieselfde jaar neem en al twee met onderskeiding slaag. Nadat hulle in die Anglo-Boereoorlog eers as vyande, en later in die Eerste Wêreldoorlog as bondgenote byeengebring is, het die mans ’n vriendskap gesmee wat oor die eerste helfte van die twintigste eeu gestrek het en tot Smuts se dood in 1950 voortgeduur het. Richard Steyn, die skrywer van Jan Smuts: Afrikaner sonder grense, bestudeer dié hegte vriendskap deur twee wêreldoorloë aan die hand van ’n magdom argiefstukke, briewe, telegramme en die omvangryke boeke wat oor albei mans geskryf is. Dit is ’n fassinerende verhaal oor twee besonderse individue in oorlog en vrede – die een die leier van ’n groot ryk, die ander die leier van ’n klein, weerspannige lid van daardie ryk.

Life on a Table & My Hungry Heart

geskryf deur Antoinette de Chavonnes Vrugt

Life on a Table & My Hungry Heart

Twee kookboeke uit die pen van een van Namibië se bekendste kosskrywers. Albei boeke bevat heerlike resepte eie aan Namibië en sy mense asook lekker vertellings deur die skrywer oor die oorsprong van sekere resepte en die kultuur van die mense... twee pragtige kookboeke.

Geological Wonders Of Namibia

geskryf deur Michel & Anne-Marie Detay

Geological Wonders Of Namibia

Dis ‘n pragtige fotoboek van al Namibië se mooiste en belangrikste geologiese landmerke. Dis beslis ‘n ‘moet-hê’ vir enige iemand wat hou van reis of selfs die mense wat net hou daarvan om in hulle leunstoele saam te reis.

Dwarsklap: Skakerings van Swart in die Nuwe Suid-Afrika

geskryf deur Piet Matipa

Dwarsklap: Skakerings van Swart in die Nuwe Suid-Afrika

Piet is jonk, swart, gay en Afrikaans en sy rubrieke in Beeld is baie gewild omdat hy werklik ‘n sonderlinge lewensuitkyk het. As skolier aan Hoërskool Waterkloof en student aan die Pukke het Piet uitgeblink. Daarna het hy in Beeld se misdaadkantoor gewerk en is tans ‘n sepieskrywer by 7de Laan. Nie sleg vir iemand wat in ’n kinderhuis grootgeword het nie! En vir één ding deins hy nie terug nie: dit is om sy mond verby te praat. Hierdie is ‘n hoogs vermaaklike boek wat die donkerte van die lewe in ligte skakerings laat glim.

Die Anglo-Boereoorlog in 100 Objekte

saamgestel deur die Oorlogsmuseum van die Boererepublieke

Die Anglo-Boereoorlog in 100 Objekte

In hierdie boek word die volle drama van die Anglo-Boereoorlog ’n werklikheid in ‘n versameling ikoniese objekte uit die Oorlogsmuseum se versameling. Die boek volg grootliks die kronologiese verloop van die oorlog, maar lig ook sekere temas uit, waaronder Boere- en Britse wapens, mediese sorg en die vernaamste rolspelers in die konflik. Die 100 ikoniese items word aangevul deur aangrypende historiese foto’s.

Hermanus, Whales, Wine, Fynbos, Art

geskryf deur Beth Hunt

Hermanus, Whales, Wine, Fynbos, Art

As jy beplan om Desember na hierdie kusdorp te gaan, kry vir jou hierdie boek, want dit wys jou presies wat daar alles is om te doen en te sien in die omgewing van Hermanus en die dorp self.

Boereverneukers

geskryf deur Izak du Plessis

Boereverneukers

Afrikaanse swendelaars, swierbolle en swerkaters...
 
Hulle lieg, bedrieg, gee voor. Hulle verdraai, verdoesel, verduister, verwoes. Geleidelik palm hulle jou vertroue in. Dan, eensklaps, is jy jou geld, status en reputasie kwyt. Só oortuigend doen hulle dit dat selfs die slimste, mees ingeligte mense ’n rat voor die oë gedraai word en eers besef wat hulle getref het nadat grootskaalse skade aangerig is en die gladdebek soos mis voor die son verdwyn het. Maar selfs swendelaars kom hulle moses teë...
 
Boereverneukers  vertel die stories van Afrikaanses wat van ons land se grootste skelmstreke gepleeg het.
 
Van die karakters is minder bekend by die publiek, maar ander het byna mitiese status in die Afrikaanse psige verwerf, soos die kubuskoning Adriaan Nieuwoudt, die pynmasjienman Gervan Lubbe, die kamma-pediater André Esterhuizen, die Hertzogville-profeet David Francis en die Trustbank-rowers Derek Whitehead en Antonie van der Merwe.
 
Dalk het jý ook deurgeloop, maar praat tot vandag toe nie graag daaroor nie.

Karoo Hartskos

uitgegee deur die Willowmore Vroue Landbou-vereniging

Karoo Hartskos

Hierin deel die vroue nie net hulle gunstelingresepte nie, maar ook iets van hulle eie saamwees, want niemand kook of bak alleen nie... jy is altyd omring deur die ervaring van vorige kokke, die nuwe idees van huidige kokke en die entoesiasme van toekomstige kokke... en jy hoef nie ’n sjef te wees om lekker te kan onthaal nie... jy hoef net lief te wees vir ander mense en hou van saamkuier en kosbare oomblikke met familie en vriende...

Kingdom of Daylight: Memories of a Birdwatcher

geskryf deur Peter Steyn

Kingdom of Daylight: Memories of a Birdwatcher

Dis ’n pragtig geillustreerde boek met meer as 400 foto’s in wat deur Peter self geneem is van die voëls wat hy tydens sy lewenslange reis as voëlkyker gesien het.  Sy gedetailleerde en fassinerende herinneringe weerspieël ongelooflike entoesiasme vir voëls en die rol wat hulle in sy lewe gespeel het. Dis in der waarheid ‘n soort outobiografiese vertelling van sy lewe, sy navorsing en sy foto’s van die afgelope 70 jaar. 

Oepse daisy, Lulu

geskryf deur Fanie Viljoen en illustreer deur Elsbeth Eksteen

Oepse daisy, Lulu

Lulu droom daarvan om ’n modeontwerper te word, nes haar ma en pa. Niks is vir haar lekkerder as om ontwerpe in haar rooi tekenboek te teken nie.

Daarom is sy sommer baie in haar noppies toe sy hoor haar tannie gaan by hulle kom kuier. Tannie Tula-Belle dra die mooiste klere en sy sing soos ’n nagtegaal. Sy kom juis stad toe om in ’n groot operakonsert te sing. 

Toe sy Lulu se pragtige modeontwerpe sien, besluit tannie Tula-Belle op die daad dat Lulu vir haar ’n rok vir die konsert moet ontwerp. Lulu kan nie wag om met die rok te begin nie.

Maar dit lyk of tannie Tula-Belle haar moeilikste kliënt tot dusver gaan wees. En kort voor lank moet Lulu help om die operakonsert te red ... 

Tim Noakes, the quiet Maverick

geskryf deur die Daryl Ilbury

Tim Noakes, the quiet Maverick

Op 5 Februarie 2014 stuur die wêreldbekende wetenskaplike, Tim Noakes, ‘n twiet met sogenaamde dieet-advies aan ‘n jong ma en die nagevolge dreig om sy loopbaan te verwoes. In hierdie boek ondersoek Ilbury wat regtig agter die skerms gebeur het en hy ontbloot ‘n mengsel van wetenskaplike onkunde, akademiese jaloesie en ook die verval van media-etiek. Hierdie boek is amper net so kontroversieel soos Tim Noakes self...

Die Avonture van Grombeer

geskryf deur Gerhard Coetzee

Die Avonture van Grombeer

Hierdie boek vertel die storie van Hardus, ‘n vyfjarige seuntjie wat in sy droomwêreld ‘n dapper kryger, genaamd Grombeer, is. Hy word bygestaan deur sy maatjie, die twaalfjarige Saartjie. Grombeer word beskerm deur sy towerhoed en klankswaard en Saartjie deur haar wenswoord en ‘hop-en-klouter’ vermoeëns. Saam beleef die twee ongelooflike avonture en sal kinders ure lank vermaak. 

Kokkedoortjie

saamgestel deur Errieda du Toit

Kokkedoortjie

Dié boek volg in die spore van die Kokkedoor sowel as Koekedoor boeke wat na aanleiding van die gewilde reekse op kykNET uitgegee is. Dié kookboek is dus ‘n versamelstuk vir die aanhangers wat die Kokkedoortjies leer lief kry het en wil bak en kook soos hulle. Dis ‘n gesinskookboek, ‘n kinderkookboek, ‘n kookboek vir die kind in ons almal. Dit verweef elke dag se staatmakerresepte met ‘n unieke bestanddeel – die kleurvolle verbeelding van ‘n kind. 

My Wonders-Van-Die-Wereld-Atlas en My diere-atlas

uitgegee deur Human & Rousseau

My Wonders-Van-Die-Wereld-Atlas en My diere-atlas

Hierdie atlasse is vol fassinerende feite, geillustreerde kaarte, tekeninge en foto’s oor die natuurlike en mensgemaakte wonders van ons planeet en oor die diereryk. Jy kry boonop baie plakkers om op die wêreldkaart en in die boek te plak. Dis ‘n prettige manier om te leer waar die wêreld se wonders is en waar sekere diere voorkom. Kinders tussen 6 en 10 jaar sal mal wees daaroor. 

Groen soos die hemel daarbo

geskryf deur Eben Venter

Groen soos die hemel daarbo

Simon is ’n wêreldreisiger, vertroud met die reëls van vryheid en ongebonde plesier. Van Bali tot Melbourne, van Tokio tot Kaapstad, soek hy ontmoetings en ervarings op. Deurentyd keer herinneringe terug: kleintyd in die Oos-Kaap, sy pa, die plaas en voorligting aan die hand van ’n beesboerdery. In sy sielkundige se spreekkamer bind Simon die grepe van oomblikke en ervarings saam, met dr. Spiteri se insigte. ’n Vreeslose verkenning van moderne seksualiteit, intimiteit, en identiteit.

Dagstukkies vir besige vroue

geskryf deur Christelle Webb-Joubert

Dagstukkies vir besige vroue

Van ’n vrou word in vandag se wêreld baie verwag. Ons is ma’s, beroepsvroue, huweliksmaats, vriendinne én steunpilare vir almal om ons. Hierdie dagstukkieboek is vir elke vrou wat maar alte goed weet dit is nie altyd so maklik nie. Die lewe deel soms houe uit, en ook ma’s, oumas en ware staatmakers kan moeg, moedeloos en gefrustreerd voel. In die boek, deel bekende vroue boodskappe van hoop. Hulle wil jou herinner dat jy nie alleen is nie, dat jy nie skaam hoef te voel wanneer die lewe jou oorweldig nie, en dat jy altyd maar kan vashou aan dié wete: Jou hemelse Vader ken jou, Hy weet wat jy nodig het en Hy sal jou nooit in die steek laat nie. Begin jou besige dag met ’n oomblik van troos, vrede en vreugde.

Ratels aan die Lomba: die storie van Charlie-eskadron

geskryf deur Leopold Scholtz

Ratels aan die Lomba: die storie van Charlie-eskadron

Op 3 Oktober 1987 het Charlie-eskadron – die ystervuis van 61 Gemeganiseerde Bataljongroep – die kritieke geveg tussen die Suid-Afrikaanse Weermag en die Angolese magte op die Lombarivier in die suide van Angola gelei. Dié boek plaas die leser in die midde van die groep jong dienspligtiges wat na die Grensoorlog weggevoer is om hierdie geveg te gaan voer. Op die Lomba het hulle nie net te staan gekom teen ’n Angolese mag met ’n getalsoorwig en beter wapentuig nie, maar ook teen ’n terrein wat so dig bebos was dat hul sig en beweging aansienlik ingeperk is. Die SAW se taktiese doktrine het duidelik gestel dat tenks teen tenks aangewend moes word. Tog moes die dienspligtiges die Angolese tenks aanvat in pantservoertuie met minder kragtige kanonne en dun pantser wat nie veel meer as gewone geweervuur kon afweer nie. Steeds is 47 Brigade van die Angolese magte amper uitgewis tydens die geveg op die Lomba. Scholtz se beskrywing van hierdie David teen Goliath geveg neem die leser na die hart van die aksie. Danksy onderhoude met veterane en dagboekinskrywings dra hierdie eerlike, intense hervertelling die volle drama van die geveg oor. Dit is ook ’n diep menslike verhaal oor hoe individue reageer in die aangesig van die dood.

Knapsekêrels

geskryf deur Pieter Fourie

Knapsekêrels

Pieter Fourie is 'n Hertzog­bekroonde dramaturg wat op 77 nou die oudste debutant in Afrikaanse poësie is. Die digter Johann de Lange skryf oor die bundel dat dit lanklaas is wat ‘n digter met soveel ywer met die volkstaal omgegaan het. ‘Ons ken die hardnekkige knapsekêrels wat aan mens se klere of kouse vassit. By Fourie is dit die taal self wat so hardnekkig bly klou en gaandeweg ontplooi die digter ook ander betekenisse, ander maniere waarop die titel gelees of verstaan moet word.

Soek-Soek Inkleurboekreeks

uitgegee deur NB Uitgewers

Soek-Soek Inkleurboekreeks

Dié reeks kreatiewe inkleurboeke bevat opwindende soek-en-vind prente en aktiwiteite, ideaal vir kinders tussen vier en sewe jaar. Kinders moet die instruksies volg om die regte prent te soek en dan met die regte kleur inkleur. Gewaarborg om jou kleuters sommer vir ‘n hele ruk besig te hou... 

Boerekos met 'n twist

geskryf deur Annelien Pienaar

Boerekos met 'n twist

In Boerekos met ’n twist gee Annelien ’n kwyllekker kinkel aan die eenvoudige, voedsame huiskos wat jou ma, ouma en oumagrootjie gemaak het. Dié 140 familieresepte vir soppe, souse, groente-, vleis- en nageregte én gebak en spenstreffers is getoets, bevat g’n vreemde bestanddele nie en sit die “resep-met-’n-les”-konsep voort wat haar gelyknamige blog en Facebookblad so 'n sosialemediasukses maak. Boerekos met 'n twist kan beskryf word as 'n kompakte 21ste-eeuse Kook en Geniet vir besige mense.

Hoezit 12: Die wonderwêreld van vreemde diere

geskryf deur Jaco Jacobs & Fanie Viljoen

Hoezit 12: Die wonderwêreld van vreemde diere

Waar sal jy vlieënde paddas kry? Watter soort bok het tande soos Dracula? Watter diertjie kan kilometers onder die see en selfs in die buitenste ruimte oorleef? Waar sal jy ’n verkleurmannetjie kry wat so groot soos ’n kat is? 
Ontdek van die vreemdste diere op ons planeet met hierdie boek propvol prettige feite en aktiwiteite! Met 48 bladsye vol prettige feite, volkleurfoto’s en hope aktiwiteite, speletjies en kopkrappers waarmee jy die wonderwêreld van vreemde diere kan verken, is hierdie boek gewaarborg om jong feitevrate se tone te laat omkrul van lekkerkry! Maak van naderby kennis met vampiervlermuise, ietermago’s en tapirs – en verstom jou aan van die eienaardigste diere wat jy ooit gesien het! Die temas en aktiwiteite maak hierdie reeks boeke die perfekte hulpbron vir skoolprojekte en sal sorg vir ure se prettige vermaak by die huis.


Moordhuis

geskryf deur Madelein Rust

Moordhuis

Die sewejarige Gainsford-tweeling word op grusame wyse in ’n skuur op Mooiplaats in die Bloemfontein-distrik vermoor. Binne die opstal is vier van die welgestelde Therons vermoor, die liggame grusaam uitgestal in die sitkamer. Doktor Renata Malan en die span van Malan & Coetsee Privaatondersoeke word deur die tweeling se ouers aangestel om die moordenaar aan te keer.  Die ondersoek neem Renata in onverwagse rigtings: Bloemfontein se seksbedryf, die donker web, die nasleepsels van misdaad gedurende die bosoorlog in die 
tagtigs, die wêreld van kinderpornografie en pedofilie, hebsug, haat en buite-egtelike verhoudings.  Die een geraamte na die ander tuimel uit die kas en hoewel die lys van verdagtes daagliks groei, is bewyse skaars. Wie, behalwe die Therons se erfgenaam, sou voordeel trek uit die gesin se dood? Hou die Gainsfordseuns se dood verband met ’n baba se verdrinking drie jaar vantevore? Was Jakes Gainsford dalk self betrokke by sy kinders se dood? Was hierdie dalk die perfekte misdaad? Moordhuis is die derde boek in die reeks met doktor Renata Malan as die hoofkarakter. Die eerste twee boeke in die reeks is Monstersaad en Bloedlyn. Renata is ’n profileerder met ’n donker verlede en ’n talent om in geweldsmisdadigers se koppe te klim. Die oorgeërfde boosheid wat in haar gene skuil, maak van haar ’n gedugte teenstander en ’n gehate vyand. 

Hekel teëlmotiewe met ‘n Verskil

geskryf deur Karen Adendorff

Hekel teëlmotiewe met ‘n Verskil

Hekel is deesdae baie gewild en die bekende ‘oumablokkie’ maak weer orals sy verskyning. Hierdie hekelboek bied vars en oorsponklike idees vir motiewe, wat insluit Marokkaanse, Delftse, Persiese en Mediterreense blokpatrone met interessante tegnieke. Elke patroon bevat ‘n diagram, die grootte, die aantal kleure, die moeilikheidsgraad en die volledige patroon.

Die wêreld van Charlie Oeng

geskryf deur Etienne van Heerden

Die wêreld van Charlie Oeng

Tian Kilian se ouers is voor sy oë vermoor die aand van die vuurwerke. Nou reis hy Amsterdam toe, Ooste toe, oral op die spoor van Charlie Oeng, om daardie tyd se pyn uiteindelik te kan verstaan. Feit en verdigsel is goed verweef in hierdie roman met verskillende verhaallyne en dis beslis ‘n lekker boek vir die literêre fundi’s onder ons...  

My Ballerina Droom

geskryf deur Michaela en Elaine de Prince

My Ballerina Droom

Michaela was ‘n driejarige oorlogwesie in Sierra Leone toe sy op ‘n dag ‘n windverwaaide tydskrif optel met ‘n foto van ’n glimlaggende ballerina op die voorblad. Daardie dag het haar obsessie met ballet begin. Sy is kort daarna deur Elaine de Prince, ‘n Amerikaanse skrywer, aangeneem en toe Elaine bewus word van haar dogter se belangstelling in ballet het sy haar dadelik vir klasse laat gaan. Sedertdien het sy nog nooit ophou dans nie en vandag is sy ’n hoogs suksesvolle ballerina. Hierdie storie sal enige jong kind inspireer om groot te droom en is ook beskikbaar in Engels, Xhosa en Zoeloe.  

Vreedsame Revolusie

geskryf deur Niël Barnard

Vreedsame Revolusie

Niël was destyds Suid-Afrika se spioenbaas en senior onderhandelaar by die Kodesa samesprekings toe die NP-regering hom vasgeloop het teen die ANC. Hy was daar die dag toe die altyd-kalm Nelson Mandela sy humeur verloor en teen FW de Klerk uitgevaar het en hy het gesien hoe die morele hoë grond deur die NP se vingers glip en die ANC die oorhand kry. In dié boek gee hy dus ‘n indringende blik op wat presies agter die skerms gebeur het gedurende dié spanningsvolle oorgangstyd wat Suid-Afrika se toekoms sou bepaal. 

Field Guide to Succulents in Southern Africa

geskryf deur Gideon Smith, Neil Crouch en Estrela Figueiredo

Field Guide to Succulents in Southern Africa

Suidelike Afrika is die tuiste van die grootste en mees diverse verskeidenheid vetplante in die wêreld. Hulle kom letterlik in elke vorm en kleur en hierdie gebruiksvriendelike gids is met meer as 1700 kleurfoto’s in, wys ons 700 van hierdie vetplante. HIerdie boek sal enige tuinier inspireer om terug te keer na inheemse, waterbesparende plante in hulle tuin. 

How to become a Millionaire At 22

geskryf deur Albert van Wyk

How to become a Millionaire At 22

Albert Van Wyk has an interesting story to tell and he has done just that. His book, How To Become a Millionaire At 22, has just recently made it into book stores and is generating quite the buzz. It tells of his journey to wealth and success at a very young age. He made his first million at 22 and continues to grow in stature and influence in the world of business. 

Albert describes himself as a serial entrepreneur dating back to when he was 10-years-old and painting street numbers on his neighbours’ pavements for a few rands. He has come a long way since then, he is now 24, a UP industrial engineering graduate and looking to empower up and coming entrepreneurs with his business incubation programme.

Albert believes there is a huge gap in financial education in South Africa and he feels his book will contribute in filling the void. He said “My dad told me if you want to be the best cricket coach and if you want to become a millionaire you need to learn from millionaires”. 

Rooi Haring

geskryf deur Schalk Schoombie

Rooi Haring

Dit is ’n baie snaakse verhaal en speel af in die Suid-Afrikaanse restaurantbedryf. Die vooraanstaande celebrity-sjef, Hartman Swiegers word vermoor tydens die openingsaand van Tydloos, sy nuwe restaurant in Pretoria. Wat volg is ’n dolle vaart op soek na die moordenaar. Hierdie roman is vlymskerp met verskeie kinkels geskryf deur ’n veelbekroonde skrywer. 

’n Wolf in Skaapsklere en ander Afrikaanse Idiome

deur Kobus Galloway

’n Wolf in Skaapsklere en ander Afrikaanse Idiome

Kobus Galloway is die skepper van ‘Idees vol Vrees’ spotprente en in hierdie boek bring hy 150 idiome byeen, elkeen geïllustreer met ’n grappige volblad-spotprent en ’n kort verklaring van elke idioom se betekenis.

My bruidsboek

geskryf deur Christine Ferreira en Marielle de Vos

My bruidsboek

Dit is die ideale, omvattende trougids vir elke gelowige bruid. Hierdie pragtige bêreboek is vol raad oor praktiese dinge soos die voorhuwelikse kontrak, jou trourok en skoene, jou gevolg, blomme en dekor, foto’s en videos en die onthaal. Dit berei ook die bruid op geestelike vlak voor oor die huwelik en troubeloftes. 

JAN SMUTS – VAN BOERSEUN TOT WÊRELDVERHOOG

Hoofredakteur: Prof. Kobus du Pisani

JAN SMUTS – VAN BOERSEUN TOT WÊRELDVERHOOG

Jan Smuts, een van die bekendste Suid-Afrikaners van die twintigste eeu, bly 'n omstrede figuur. Was hy een van die uitstaande staatsmanne van sy tyd of dalk 'n verraaier van Afrikanerbelange en moontlik 'n rassis? In hierdie boek word generaal J.C. Smuts herwaardeer. Smuts se rol as intellektueel (onder meer vader van holisme), militêre strateeg (hy het 'n leidende rol tydens drie oorloë gespeel), politikus (vir 'n halwe eeu in die "era van die generaals" was hy prominent) en staatsman (hy was 'n dryfkrag agter die vorming van die Unie van Suid-Afrika, die Britse Statebond, die Volkebond en die Verenigde Nasies) word beoordeel. Altesaam 20 outeurs het help skryf.

Paaie van Hoop

Nadia Beukes-De Villiers

Paaie van Hoop

In hierdie boek vat Nadia ’n mens saam as passasier op die paaie wat sy al geloop het. Dit was nie altyd reguit maklike paaie nie... daar was kronkelpaaie, snelweë, bergpasse en ompaaie en sy deel haar hartseertye, maar ook haar vreugdetye. Sy skryf prontuit oor die dinamika van mens-wees, die kuns van die lewe en hoe mense reageer op foute en teleurstellings.

Deeg

geskryf deur Theresa de Vries

Deeg

Hierdie boek word beskryf as die enigste boek oor deeg wat jy ooit sal nodigkry. Alle soorte deeg om terte of pasteie te maak word berspreek. Dit sluit in broskors, blaarkors en skilferskors om maar net ’n paar te noem. Dit dek ook algemene foute wat by deeg kan voorkom en die oorsake daarvan. En om die terte of pasteie te laat pronk gee Therese wonderlike aanwysings oor hoe om dit alle te versier. Word ’n bobaas-bakker met hierdie boek wat selfs moeilike deegresepte maklik maak.

A man of Africa, The Political thought of Harry Oppenheimer

geredigeer deur Kalim Rajab

A man of Africa, The Political thought of Harry Oppenheimer

Hierdie boek is ’n samevatting van Oppenheimer se standpunte as dit kom by Liberalisme, Apartheid, Sosialisme, Sanksies, Unies, Opleiding, Geo-politiek en die nalating van Cecil John Rhodes. Dit is saamgestel deur middel van uittreksels uit sy toesprake en dit gee ’n mens insig in hoe een van die magtigste en komplekse besigheidsmanne van die vorige eeu gedink het en wat die rol van beginselvaste besigheid in ’n politieke ekonomie was. 

Oor Berge en Dale - Op reis met 'n monumentjagter

geskryf deur Jackie Grobler

Oor Berge en Dale - Op reis met 'n monumentjagter

Daar is nie ’n grondpad te sinkplaat, plaasdraad te hoog of aanwysings te gebrekkig om Jackie Grobler te keer nie. As hy eers ’n monument in sy visier het, sal hy dit vind. In hierdie boek reis hy oor berge en dale van Lichtenburg in Noordwes tot die heuwels van Tabankulu in die Oos-Kaap op soek na interessante monumente en gedenkplekke.

Van die monumente is bekend en vertel van groot keerpunte in ons geskiedenis. Ander is weggesteek en bring onbekende verhale in die lig. Grobler reis onder meer op die spoor van Voortrekker Carel Trichardt deur Mpumalanga en in KwaZulu-Natal gaan hy na die slagvelde van die Anglo-Zoeloeoorlog en hy besoek ook struggle-gedenkplekke. In Gauteng vind hy monumente ter ere van twee van Suid-Afrika se grootste leiers: Nelson Mandela en Jan Smuts.

In die Vrystaat soek hy na oorblyfsels van twee konsentrasiekampe en in Limpopo kom hy af op monumente aan ’n Anglo-Boereoorlogkanon (die Long Tom). Sy reise na die Oos-Kaap neem hom na gedenkplekke vir Steve Biko en in die Wes-Kaap gaan hy op die spoor van die Portugese ontdekkingsreisigers.

Elke provinsie sal ’n kaart hê wat die monumente aandui. ’n Boek vir liefhebbers van die langpad én vir leunstoelreisigers.

Op die spoor van

saamgestel deur Rudie van Rensburg

Op die spoor van

Dis ’n boeiende versameling kortverhale deur veertien bekende Afrikaanse skrywers, almal in die speurverhaal-genre. So, ’n reeks geslepe misdadigers kom te staan teen hul eweknieë aan die ander kant van die gereg wat insluit polisiemanne, privaaatspeurders of net doodgewone mense in ongewone omstandighede... dit in vyftien verskillende speurverhale... en met skrywers soos Karin Brynard, Kerneels Breytenbach en Martin Steyn, kan mens maar weet, hierdie gaan ’n heerlike lekkerlees Speurverhaalboek wees.

Kruie, Van Toeka tot Nou: Die Boek

geskryf deur Dr. Chris Pitzer

Kruie, Van Toeka tot Nou: Die Boek

Hierdie boek is die resultaat van Dr. Chris se jarelange navorsing en sy weeklikse radiopraatjies in sy program ‘Kruie van Toeka tot Nou’ op Rainbow Gospel Radio. In dié boek verduidelik hy die gebruik van verskillende kruie en plante in die alternatiewe behandeling van siektes en kwale, want soms is die natuur net beter as die mediese wetenskap.

Vrouekeur 50 Breipatrone

geskryf deur Christa Swanepoel

Vrouekeur 50 Breipatrone

Hierdie boek bied maklike breipatrone vir die ywerige handwerker. Die projekte sluit in babamussies, truitjies, truie, serpe en musse...selfs hondejassies en katbedjies... En as deel van die bemarking van die boek, word ‘n veldtog geloods waar mense gevra word om ‘n serp te brei as deel van Mandela-dag vieringe op 18 Julie 2017. Die serpe sal dan aan relevante organisasies in spesifieke gemeenskappe geskenk word. 

As jy meer inligting daaroor soek, kliek hieronder. 

Nie vir ma’s nie – ’n kookboek vir pa’s en kinders

geskryf deur Karin Behm-Joubert en Daleen van der Linde

Nie vir ma’s nie – ’n kookboek vir pa’s en kinders

Met dié boek word ma’s tydelik uit die kombuis verban sodat die mans en kinders agter die kospotte kan inskuif om hulle staal te wys. Hierdie prettige kookboek laat enige een toe om heerlike kos te maak wat hulle sonder hulp of te veel moeite kan voorberei. Die stap-vir-stap instruksies sal selfs ’n groentjie gemaklik laat voel in die kombuis... (wys ietsie). 


Brave Lotus Flower Rides The Dragon

geskryf deur Tracy Todd

Brave Lotus Flower Rides The Dragon

In hierdie boek vertel Tracy hoe haar lewe op 28 jaar handomkeer verander het toe sy ’n kwadrupleeg geword het as gevolg van ’n motorongeluk. Sy was ’n jong ma, kranige atleet en onderwyseres en ewe skielik is alles wat sy vanselfsprekend aanvaar het, weggeruk. Soms het sy gewonder of dit die moeite werd is om te bly lewe... maar sy het uiteindelik die lewe gekies... haar storie inspireer en wys ’n mens wat ’n sterk wil en gees ’n mens in staat kan stel om te bereik.  

Die mense langsaan

geskryf deur Elsa Hamersma

Die mense langsaan

Hierdie boek handel oor die donker geheime en dodelike obsessies van gewone mense in gewone huise. Christine wil van haar man ontslae raak. Moord maak meer sin as egskeiding, veral nadat hy baie geld op die Lotto gewen het wat hy nie met haar deel nie, maar dan trek daar ’n geskeide man en sy dogter langs haar in en voor Christine enige iets kan doen, val haar man op onverklaarbare wyse van die huis se trap af. Die speurders, sowel as Christine, is agterdogtig oor haar nuwe buurman. Klink of hierdie boek ’n paar verrassings gaan oplewer... 

Vlerke vir almal

geskryf deur Marion Erskine

Vlerke vir almal

Hierdie boek spreek die tema van boelies en kuberboelies onder die jeug aan. Dewald se ouers stuur hom na 'n nuwe skool na sy lewe omvergegooi is. Elke skool het nuwe uitdagings en elke skool het boelies, en dis nie maklik om 'n tiener te wees met 'n skielike hakkelprobleem nie. Dewald probeer weer sy balans vind, dit terwyl een van die grootste boelies in die skool sy lewe hel maak. En hy besluit: genoeg is genoeg. Dis ‘n hartroerende verhaal oor relevante tienerkwessies.

Ses blinde muise en ’n olifant

geskryf deur Jude Daly

Ses blinde muise en ’n olifant

Een warm dag kom 'n olifant vaak-vaak uit die woud en beland in 'n boer se skuur. Hy maak vir hom 'n bed en dommel weg droomland toe. Ses blinde muise sluip uit hulle gaatjie in die skuur om dié gedierte van nader te beskou. Is 'n olifant soos 'n muur? Of 'n boom? 'n Spies? Dalk 'n waaier of 'n tou? Hierin sal jou kind saam met die blinde muise die wonder van dié merkwaardige dier ervaar. 

Corli se Kombuis

geskryf deur Corli Botha

Corli se Kombuis

Hierin gee sy haar gunsteling resepte onder die volgende hoofstukke, Lank, Lank Gelede; Binne ’n uur; So ’n bietjie Frankryk; Kook saam met vriende; Suid-Afrikaans; of maak dit jou eie... en nog ’n hele paar meer. 

Dreams, betrayal & hope

geskryf deur Mamphela Ramphele

Dreams, betrayal & hope

In hierdie boek bespreek sy al die dinge wat verkeerd gegaan het in die publieke en privaatsektore sedert 1994. Sy sê dit het tyd geword om Suid-Afrika en sy toekoms te ‘re-imagine’. Ons skuld dit aan ons kinders en hulle kinders. Ons durf nie opgee nie... die land se mense moet weer begin hoop. 

Watter kleur is jou persoonlikheid?

geskryf deur Lynette de Beer

Watter kleur is jou persoonlikheid?

Almal se persoonlikhede verskil, en nadat jy hierdie boek gelees het, sal jy nie net jouself beter verstaan nie, maar ook jou medemens. En jy sal ook weet hoe om nie in jou swak eienskappe vas te val nie. Klink na iets waarmee almal van ons kan doen. 

Doodsroeper

geskryf deur Rika Cloete

Doodsroeper

Februarie, 1861. 'n Groepie trekboere maak naby die Gamagara-rivier in die Kalahari staning. Nie ver daarvandaan nie, lê Stilbos - 'n misterieuse bos sonder voëls, maar ook die skuilplek van die Doodsroeper, 'n onaardse wese wat uitroep voordat iemand sterf. Kort voor lank word die geskende lyk van een van die boere in die bos gevind. Dit is ongetwyfeld moord en Soois Bruwer, 'n verloopte wetsman, word versoek om ondersoek in te stel. Hoe dieper hy delf, hoe ingewikkelder word die saak en hoe meer besef hy dat hy eintlik maar bitter min van die mense óm hom weet. Op hul hulp kan hy ook nie juis reken nie. Daar is nou wél oom Albert Siener met sy vreemde visioene, maar daarvan verstaan Soois g'n snars nie. Dan is daar Nella Uys, 'n onkonvensionele, geheimsinnige vrou wat baie weet, maar min sê. En klein Krisjan Harmse wat die oplossing vir die raaisel ken, verraai niks. Net toe Soois dink hy is op die regte spoor, roep die Doodsroeper weer en sit hy met 'n tweede lyk op hande. Nou moet hy alles inspan om die moordenaar vas te trek, maar 'n hele klompie verrassings wag nog op hom ...

Ekseem - Jou noodsaaklike gids

geskryf deur Regina Malan

Ekseem - Jou noodsaaklike gids

Ekseem is ’n veltoestand waaraan tussen 10 en 20% van alle mense ly en dit word gekenmerk deur rooiheid en 'n gekrap. In dié boek word gekyk na presies wat ekseem is, die oorsake daarvan, hoe dit behandel en beheer kan word, asook hoe ekseem by onderskeidelik kinders en volwassenes lyk. Dit bevat nuttige wenke, gevallestudies en voorstelle en is ook beskikbaar in Engels. 

Uitgerys

geskryf deur Mareli Visser

Uitgerys

Wat is nou beter as ’n varsgebakte brood... hierin deel Mareli al haar beste suurdeeggebak-resepte. Dit sluit in resepte vir basiese brode; ontbytbrode; bolletjies, rolletjies en stokkies; brood vir braai; platbrode; gevulde brode; soetbrode en pronkbrode. Selfs vir oorskietbrood het sy wonderlike planne. Sy verduidelik ook hoe om jou eie gisplantjie te kweek en die basiese prosesse van gisting, knie, rys, vorming en uiteindelik bak. In ’n wêreld van massaproduksie is dié boek oor regte vakmanskap ’n vars briesie vir gebak.

Tracker Manual

geskryf deur Alex van den Heever, Karel Benadie en Renais Mhlongo

Tracker Manual

Hierdie boek is ’n praktiese gids om ’n mens te leer hoe om diere te volg in die bos. Dit is een van die enigste van sy soort wat beskikbaar is en maak gebruik van die wyshede van die paar oorblywende tradisionele ‘trackers’ waarvan daar nie meer baie oor is nie. Jagters sal veral die boek baie interessant vind. 

Gesloopte Lugkastele

geskryf deur Johan L. Smith

Gesloopte Lugkastele

Hierdie boek is die verhaal van die skrywer self wat na ’n amper noodlottige ongeluk sy brein so ernstig beseer het dat hy in ‘n diepe koma verval. Tien weke later word hy soos ’n pasgebore baba wakker in ’n onbekende wêreld, sy verlede verlore en sy toekoms aan skerwe. Die mense om hom is vreemdelinge, ongemaklik oor hierdie nuwe persoon wat eens hul geliefde was en nou met dooie oë na hul staar. Hy kon nie loop of praat nie en alleen moes hy opstaan en sy pad vind uit die duister, terug na die lig. Dit vertel die verhaal van ‘n lewe na so ’n ernstige breinbesering... 'n lewe waarvan bitter min mense weet....

Guide to Seabirds of Southern Africa

geskryf deur Peter Ryan

Guide to Seabirds of Southern Africa

Hierdie is die eerste boek van sy soort wat eksklusief fokus op die nagenoeg 1000 verskillende seevoëls wat langs die Suider-Afrika kuslyn voorkom.  Dit is hoofsaaklik ’n indentifikasie-gids, maar dit sluit ook inligting oor die verskillende voëls se biologie en gewoontes in en bevat ook kleurfoto’s van die verskillende voëls.

Apartheid - Britain's Bastard Child

geskryf deur Helene Opperman Lewis

 Apartheid - Britain's Bastard Child

Die skrywer is ’n sielkundige en psigo-historikus en hierdie boek is ’n poging om te probeer verstaan hoekom Suid-Afrika se verlede gebeur het, soos dit het. Die gevolgtrekking is dat ons verhaal ‘n universele verhaal is van wat met groepe gebeur wanneer hulle oor 'n lang periode verneder en getraumatiseer word - hoe dit uiteindelik tot nuwe siklusse van konflik en geweld lei in 'n poging om die kollektiewe psige te herstel, maar op dié manier net nuwe vernedering en trauma skep. Dit bly dus ’n eindelose siklus - waar gister se vernederde môre se vernederaar word. Beslis ’n insiggewende boek vir almal wat die verlede probeer verstaan...

Lekker en Vinnig Kookboek-Reeks

uitgegee deur Lapa

Lekker en Vinnig Kookboek-Reeks

Dit sluit in: Lekker en Vinnig Hoender, Souse, Yskasterte, Potjiekos, Tradisionele kos en Lekkers. Elke boek bevat 20 smulresepte waarvan die bestanddele maklik bekombaar is en dis maklik en vinnig om te maak. Heerlike boeke om in jou boekrak te hê vir enige geleentheid.

Man van Cirene

geskryf deur F.A. Venter

Man van Cirene

Hierdie klassieke topverkoper is nou weer beskikbaar. Simon van Cirene word gelas om Jesus se kruis te dra op pad na Golgota. Simon, die man wat nie glo nie. Maar hoe kan ’n mens onveranderd gelaat word deur ’n ontmoeting met Christus? Hierdie is die verhaal van Christus se aanslag op ’n heidense wêreld, maar veral ‘n verhaal van verlossing: die oorwinning van die gees oor die aardse... 

Say Again, The other side of South African English

deur Malcolm Venter en Jean Branford

Say Again, The other side of South African English

Hierdie boek poog om die leser op verskeie voorbeelde van Suid-Afrikaanse Engels te trakteer. Kennis oor hoe Suid-Afrikaanse Engels van ander Engels verskil, kan nuttig wees vir Engelstaliges uit ander dele van die wêreld wat soms wonder wat op aarde ons bedoel. Die boek fokus op woorde en frases uit verskillende aspekte van die lewe – sommige is ernstig en ander minder ernstig.

History of South African cross country, middle- and long-distance running and walking

Geskryf deur Dewald Steyn

History of South African cross country, middle- and long-distance running and walking

ʼn NWU-alumnus en voormalige langafstandatleet het ʼn boek geskryf oor die opwindende geskiedenis van Suid-Afrikaanse landloop, middel- en langafstandpadwedloop.
 
Dit plaas ook die kollig op die voormalige Potchefstroomse Universiteit vir Christelike Hoër Onderwys (PU vir CHO) se gloriedae in dié sport. Dewald Steyn, alumnus van die voormalige PU vir CHO het ʼn onversadigbare dors en ʼn ontembare passie vir Suid-Afrikaanse atletiek.
 
Dit is juis sy passie en sy kommer oor die feit dat sommige van die kosbaarste en glorierykste sportprestasies nooit versamel en gedokumenteer is nie, wat hom finaal aangespoor het om History of South African cross country, middle- and long-distance running and walking te skryf. Die boek bestaan uit vyf volumes en is ’n dokumentering van prestige-geleenthede, grootse prestasies en inspirerende atlete.

Soek en Vind 3D Boek 1 en 2

uitgegee deur Human en Rousseau

Soek en Vind 3D Boek 1 en 2

Hierdie prettige boeke met plakkers sluit ‘n 3D bril in waardeur kinders na wonderlike 3D-illustrasies kn kyk wat lyk of hulle uit die bladsye spring. Op die besige en kleurvolle bladsye kan kinders eok na voorwerpe en die karakters wat snaakse goed in die verskillende tonele aanvang en ongelooflike avonture beleef asof hulle self daar is.

Skool is ’n riller

saamgestel deur Marianna Brandt

Skool is ’n riller

Die boek bevat 20 grillerige stories wat jou nekhare sal laat rys en jou laat wens dat die skoolklok vir huis-toe-gaan-tyd wil lui... Geluide in geheimsinnige donker gange, monsters, mummies, moordenaar onderwysers en vreemde wesens... is alles deel van hierdie heerlike boek vir kinders van nege tot twaalf jaar. 

The Historical Overberg

geskryf deur Chris Schoeman

The Historical Overberg

Ek het vandag hierdie boek, ‘The Historical Overberg’ geskryf deur Chris Schoeman. 
Die Overberg is geleë tussen die Hottentots Holland Berge en die Breederivier. Dis nie net ’n vrugbare landbou-omgewing nie, maar ook ’n gewilde wegbreekbestemming vir toeriste. In hierdie boek, kyk die skrywer veral na die geskiedenis van die Overberg-omgewing wat mense soos Bartolomeu Dias, Sir David de Villiers Graaff, Uys Krige en Audrey Blignault insluit. Sommige van Suid-Afrika se oudste dorpies en huise is ook daar geleë. 

Elders

geskryf deur Erns Grundling

Elders

Hierin vertel die skrywer die verhaal van sy 1025 km staptog langs die Camino, oor veertig dae, wat hy sonder ’n selfoon, kamera of horlosie aangepak het. In die proses ontdek hy die ware betekenis en beloning van om in die oomblik te leef. Hierdie is ’n ongewone boek – ’n reisverhaal en memoir wat behalwe vir ’n fisieke avontuur ook ’n deernisvolle blik bied op die ewe kosbare binnereis... miskien iets wat ons almal eendag moet oorweeg. 

Koeëlreën, Wapens, bloedspatsels en wonde

geskryf deur Japie Bogaards en Wollie Wolmarans

Koeëlreën, Wapens, bloedspatsels en wonde

Wollie Wolmarans is een van Suid-Afrika se bekendste forensiese deskundiges en hy was ook betrokke by Oscar Pistorius se saak. Gooi hierdie ongelooflike kennis saam met Japie Bogaards se vermoë om ’n spannende storie te vertel, en jy kry ‘n feiteboek wat soos ’n riller lees. Dis ’n fassinerende boek met sake wat reeds uit die 1800’s kom. Selfs die moord op John F. Kennedy word betrek, en natuurlik ook Pistorius s’n. Hierdie boek maak dit duidelik, feite is soms meer bisar as fiksie.

Historikus Herman Giliomee - ’n Outobiografie

geskryf deur Hermann Giliomee

Historikus Herman Giliomee - ’n Outobiografie

Hierin verweef die skrywer die verhaal van sy lewensverloop met dié van ’n land wat hom boei en besiel, ’n land waar die geskiedskrywing sentraal staan tot die hedendaagste politiek. As internasionaal gerekende historikus, was Giliomee was nog altyd uitgesproke oor landsake, voor en na 1994. Sy uitsprake is gewoonlike vars en vreesloos en enige iemand wat ’n belangstelling in ons land se geskiedenis het, sal dié boek geniet. 

Soettand

Geskryf deur Flori Schrikker en Koelsoem Kamalie

Soettand

Dis hierdie gunsteling-tannies van Bonteheuwel se tweede boek en hierin deel hulle poedings en soetgebak wat dekades lank al familiegunstelinge is, soos Ouma Rachel se doekpoeding, Mamma Rose se potpoeding, Maleise koesisters, bobaas-bollas, broodpoeding met ‘n verskil, Hertzoggies en die berugte tweegevrietjies om maar ’n paar te noem.

Sirkus

geskryf deur Irma Venter

Sirkus

Dis die laat tagtigs in Johannesburg. Adriana van der Hoon is agtien. Haar aktivis-pa is pas doodgeskiet en die veiligheidspolisie staan op haar drumpel met ’n ultimatum. As sy hulle nie help nie, sit sy en haar siek ma sonder ’n heenkome... en dis hoe Adriana in Berlyn beland en waar sy leer messe gooi.

Déan in Top Gear

geskryf deur Dick Beets

Déan in Top Gear

Dick het dié verhaal geskryf na die dood van sy seun, Déan, in ‘n ongeluk, maar hy sê dit gaan nie net oor die trauma van 'n kind begrawe nie, dis eintlik 'n storieboek. Die verhaal speel af in die hemel waar Déan daar rondry op ’n motorfiets. Alles is dus fiksie, behalwe die deel oor sy lewe op aarde. Die doel van die boek is om sin te maak uit die traumatiese dinge wat met ’n mens in die lewe gebeur en om daardeur te werk. Die boek sal ook vanaf Mei-maand in Afrikaans beskikbaar wees. 

Biografie van ’n Onbekende Man

geskryf deur Bennie Engelbrecht

Biografie van ’n Onbekende Man

In hierdie boek, skryf Bennie hy is nie ’n Donald Trump of ’n Richard Branson nie... net ’n gewone mens soos ek en jy, maar hy vertel sy lewensverhaal deurspek met lewenswyshede want sy boodskap is, jy hoef nie beroemd of bekend te wees om ’n biografie te skryf nie. 

Koljander, koljander, so deur die Bosch

geskryf deur Annatjie Melck

Koljander, koljander, so deur die Bosch

Die skrywer is die vrou wat Oom Samie se winkel op Stellenbosch bekend gemaak het en vir Annatjie gaan kosmaak nie oor pretensie nie, maar wel oor liefde en beskerming. Sy is lief daarvoor om haar kos in mooi en interessante houers te bedien, maar verkies dat die kos natuurlik lyk sodat die kwaliteit en smaak behoue bly. In hierdie boek is meer as 100 resepte wat wissel van kerriekos en varkrib tot souskluitjiesen Pannekoeke. 

Nuwe Alles-in-Een Voorskoolse Aktiwiteitsboek en Handleiding

saamgestel deur Mart Meij, Rina Erasmus en Amorie van Straaten

Nuwe Alles-in-Een Voorskoolse Aktiwiteitsboek en Handleiding

Hierdie boeke moedig kinders aan om te speel en bied prettige en interaktiewe aktiwiteite aan sodat leerders hulle vaardighede en koordinasie kan ontwikkel. Die klem is op speel-terwyl-jy-leer.

Die Suid-Afrikaanse Melktert-versameling

geskryf deur Mari-Louis Guy en Callie Maritz

Die Suid-Afrikaanse Melktert-versameling

Daar is ’n melktert vir elke okkasie en na elkeen se smaak: met ’n skilferkors-kraag, krummelrige broskors, koekiekrummelkors of sonder kors; gegeur met kaneel, naartjieskil, perskeblare, neutmuskaat of vanielje, amandel, karamel, sitrusskil of kardemom; gebruik as ’n tert (gebak of ongebak), nagereg, skommeldrankie, “shooter”, melkskommel of as vulsel vir ander gebak soos doughnuts: melkterte van oor die hele wêreld – Nederland, Portugal, Spanje, Amerika, Frankryk, Engeland en selfs China. Die boek is beskikbaar in Engels en Afrikaans. 

Megaboere

geskryf deur Wynand Dreyer

Megaboere

Megaboere, kykNET se gewilde reeks oor suksesvolle boere in Suid-Afrika, het kykers reeds vir drie seisoene vasgenael gehou. In hierdie boek neem Wynand Dreyer, medevervaardiger van die reeks, en sy produksiespan jou na die plaaseienaars op wie die kollig tot dusver in die reekse geval het. Hy bied nie net interessante profiele oor gevestigde en opkomende boere met uitsonderlike ondernemingsgees nie; hy probeer die suksesresep ontrafel wat hedendaagse boere in staat stel om die aarde op volhoubare wyse te benut. Of jy self aan die stuur van ’n boerderyonderne¬ming staan en of jy bloot nostalgies voel oor jou voorgeslagte se geskiedenis wat op boereplase beslag gekry het, een ding is seker: jy sal verwonderd staan oor die kreatiwiteit en vernuf wat dit verg om Suid-Afrika se voedselmandjie vol te hou. Volg vir Wynand op paaie wat lei tot die verste uithoeke van die land en ontdek die grond¬beginsels wat van boere pro-aktiewe entrepreneurs en sakemanne met visie maak.

Ena Murray Oordenkings

geskryf deur Ena Murray

Ena Murray Oordenkings

Hierdie boek bestaan uit Christelike dagstukkies vir ’n hele jaar. Dis die ideale boek vir private stiltetyd of vir die hele gesin wat saam oor die dinge van God wil besin. 

Aspoesterskoene

geskryf deur Kristel Loots

Aspoesterskoene

In hierdie boek ontdek Sarah, ’n doodgewone voorstedelike huisvrou met ’n man in sy middeljarekrisis, weer die wonder van die liefde. Die humoristiese skryfstyl maak hierdie roman soveel meer as net ’n gewone liefdesverhaal. Dis ‘n lag-met-‘n-traan ervaring wat lesers nog lank daarna sal bybly. 

Liefde is ’n Sprokie

saamgestel deur Santie Nel

Liefde is ’n Sprokie

Dis ’n bundel kort liefdestories wat tienerlesers sal wegvoer na ’n moderne sprokieswêreld vol aantreklike helde en romantiese heldinne. Elke verhaal is op ’n bekende sprokie gebaseer, maar met ’n moderne kinkel.

Of course you Can

geskryf deur Brian Adams

Of course you Can

Hierdie boek is ’n praktiese gids oor hoe om jou eie besigheid te begin en te bestuur in Suid-Afrika. Die skrywer is passievol oor entrepreneurskap en glo dat die groei en ontwikkeling van klein besighede uiters belangrik is vir ons land.

Marga en Henriëtte: in die skadu van Skisofrenie

geskryf deur Marga van Rooy en Henriëtte Boot

Marga en Henriëtte: in die skadu van Skisofrenie

In hierdie boek vertel ma en dogter elkeen vanuit hulle eie hoek watse worsteling hulle ervaar het nadat Henriëtte op agtien met skisofrenie gediagnoseer is. Die boek bied ook ‘n baie insiggewende blik op die aard van hierdie siekte en die verskillende behandelings wat daarvoor beskikbaar is. 

Tannie Poppie kook weer

geskryf deur Poppie Coetzer

Tannie Poppie kook weer

Hierdie nuwe kookboek deur Tannie Poppie Coetzer se naam is ‘Tannie Poppie kook weer’ en hierin deel sy al haar gunsteling versamelresepte. Die boek bied heerlike resep-idees vir liplekker hoender, brode, smaaklike poedings, lekkernye vir die teetafel en baie meer. Hierdie is staatmakerresepte wat jy keer op keer sal gebruik, ideaal vir beginners in die kombuis sowel as ervare kokke.

Skilder in my Taal

geskryf en saamgestel deur Tokkie du Plessis

Skilder in my Taal

Die boek is 'n handleiding vir mense wat wil leer skilder met olieverf. Dit is toegerus met mooi stap vir stap verduidelikings en kleurfoto’s om ’n mens te help deur die hele proses van olie op doek, so as jy nog altyd ’n nuwe stokperdjie wil probeer, nou is daar ’n gebruiksvriendelike handleiding in Afrikaans om jou te help. Die boek is beskikbaar by Tokkie self. 

Fotostaatmasjien

Geskryf deur Bibi Slippers

Fotostaatmasjien

Bibi Slippers se debuutbundel vier die mens en kultuur as fotostaatmasjien en die gedig as foutiewe fotostaat. Die digter neem die rol van monnik in die middeleeuse skriptorium aan, maar dié oorskrywer is gelyktydig ook ’n boorling van ’n digitale wêreld waar perfekte kopieë met die druk van ’n knoppie geskep kan word, en emoji’s, youTUBE-videos en Instagram-foto’s werklikheid word.  Fotostaatmasjien dokumenteer die skeppingsproses in afdrukke, en maak só oorspronklike fotostate.

Hekel saam met Vrouekeur

saamgestel deur Christa Swanepoel

Hekel saam met Vrouekeur

In elke boek is daar 10 splinternuwe moderne hekelpatrone en al die items is met Saprotex-draad gehekel wat oral beskikbaar is. Elkeen van hierdie boeke bied beslis ’n hekelbonanza vir die ywerige handwerker.

Die Natuurlewe van Suider-Afrika

met die redakteur Vincent Carruthers

Die Natuurlewe van Suider-Afrika

Hierdie boek is die eerste veldgids waarin diere en plante van die streek in een gerieflike volume gedek word. Dit is die ideale gids vir elkeen wat die natuur in Suider-Afrika betree hetsy as besoekers aan natuurreservate, voetslaners, vakansiegangers, voëlkykers en wildkykers.

Oepse Daisy, Lulu

geskryf deur Fanie Viljoen

Oepse Daisy, Lulu

Lulu droom daarvan om ’n modeontwerper te word. Daarom is sy baie in haar noppies toe sy hoor haar tannie Tula-Belle gaan by hulle kom kuier. Sy dra die mooiste klere en kom juis stad toe om in ’n operakonsert te sing. Toe sy Lulu se pragtige ontwerpe sien, besluit sy Lulu moet vir haar ’n rok vir die konsert ontwerp. Maar dit lyk of tannie Tula-Belle haar moeilikste kliënt tot dusver gaan wees. En kort voor lank moet Lulu help om die operakonsert te red...

Moenie hierdie boek eet nie! 'n Rympie vir elke dag van die jaar

geskryf deur Jaco Jacobs

Moenie hierdie boek eet nie! 'n Rympie vir elke dag van die jaar

Dit bevat 365 rympies (en ’n bonusrympie vir ’n skrikkeljaar) wat kinders (én grootmense!) heeljaar sal laat skaterlag! 

Clover Ekonomiese Gesinskos

Clover Ekonomiese Gesinskos

En ek het vandag hierdie boek, Clover Ekonomiese gesinskos. Dis die ideale boek vir mense met ’n streng begroting wat wil kosmaak sonder om geur en voedingswaarde in te boet. Hierin is 100 smaaklike resepte, wat nie net maklik en goedkoop is om voor te berei nie, maar ook die hele gesin sal laat smul. En ‘n persentasie van die boek se verkope word aan die Clover Mama Afrika-projek geskenk. 

Graad R Werkboeke

Graad R Werkboeke

Vir dié van julle wie se kinders vir die eerste keer skool toe gaan volgende jaar het ek vandag die ideale boeke om hulle te help. Dit is die Nuwe Alles-in-Een Graad R Werkboeke vir Lewensvaardighede, Wiskunde en Huistaal. Hierin is verrykingsaktiwiteite waarmee ouers en onderwysers 5 tot 7 jarige kinders se kennis en vaardighede kan ontwikkel en speel-speel gereedmaak vir skool. 

Hoe verklaar jy dit?

saamgestel deur Danny Fourie

Hoe verklaar jy dit?

Hierdie boek is gebaseer op die RSG-program met dieselfde naam wat al 37 jaar lank aan die gang is. Dit bevat ’n keur van honderde vrae van nuuskierige luisteraars wat deur kundiges verduidelik is om die wêreld minder vreemd te maak. Dit sluit antwoorde op die vrae in, ‘Is gaap aansteeklik?’ of Hoekom vlieg voëls in ’n swerm nie teen mekaar vas nie? Met hierdie boek sal jy beslis ’n lang pad kort kan maak in Desember... 

Guide to Birds of the Kruger National Park

geskryf deur Warwick Tarboton en Peter Ryan

Guide to Birds of the Kruger National Park

In hierdie gids word meer as 500 voëlspesies bespreek wat al in die Kruger Nasionale Park opgemerk is. Dit sluit in die meeste gevalle volkleurfoto’s en unieke verspreidingskaarte om aan te dui waar die spesifieke voëls die meeste gesien kan word. 

Die Klassieke Suid-Afrikaanse Kookboek

geskryf deur Melinda Roodt

Die Klassieke Suid-Afrikaanse Kookboek

Hierdie resepteboek bevat heerlike maaltyde vir familie en vriende. Dit beeld ons moderne diverse Suid-Afrikaanse kultuur uit met invloede uit Ouma se kombuis, Meditterreense kulture, die Indiese Kultuur en Afrika-kultuur. Die boek bevat 180 gunsteling- en nuwe innoverende resepte waarin die skrywer daarop fokus om vars, plaaslik beskikbare bestanddele te gebruik. 

Liewe Heksie se Groot Omnibus

geskryf deur Verna Vels

Liewe Heksie se Groot Omnibus

Hierdie stewige boek bevat al 41 van die oorspronklike ‘Liewe Heksie’ stories met pragtige illustrasiesvan Vian Oelofsen wat al hierdie klassieke stories en karakters weer laat leef. 

Anti-Ageing Tissue Salts

geskryf deur Margaret Roberts

Anti-Ageing Tissue Salts

Weefselsoute is minerale wat ons liggaam nodig het vir optimale gesondheid en hierin bespreek Margaret die 12 Essensiële soute wat help om balansversteurings en allerhande skete en kwale wat gepaard gaan met die ouderdom aan te spreek. Sy gee raad hoe om die verouderingsproses deur middel van hierdie weefselsoute te beperk en om algemene gesondheid te bevorder. 


Vroue na aan my hart

geskryf deur Hannes van Wyk

Vroue na aan my hart

Hierin laat val hierdie bekende akteur en Kwela-aanbieder die kollig op vroue wat sy lewe aangeraak en inspireer het. Dit sluit talle bekende vroue in, sowel as Hannes se hartsvroue, sy ma, oumas, vriendinne en hulle wat hom help grootmaak het. Onder die bekendes tel Shaleen Surtie-Richards, Lizz Meiring, Wilna Snyman en Rina Hugo, om maar ’n paar te noem. Dit sluit staaltjies en humoristiese vertellings in, soms selfs lekker stout en is ‘n Heerlike boek vir opkrul en lekker-lees... 

Die dood van ’n goeie vrou

geskryf deur Chris Karsten

Die dood van ’n goeie vrou

Dit is ’n spanningsroman waarin die hoofkarakter, Ella Neser, ’n raaiselagtige moord ondersoek. Ella is ook die hoofkarakter in Karsten se Abel-trilogie en ‘Die verdwying van Billy Katz’. Die storielyn is weereens briljant aanmekaargesit, wat die slimste leser sal fnuik. So as jy hou van misdaad- en speurromans, hierdie een is vir jou. 

Hetta Elizabetta en die wêreld op haar skouers

geskryf deur Milan Murray

Hetta Elizabetta en die wêreld op haar skouers

Hierdie boek, uit die pen van ons voormalige aanbieder, Milan Murray, in samewerking met Charmaine Nolte en illustrasies deur Marisa du Toit is al die tweede een in hulle idioomreeks waarvan die eerste boek, ‘Pieter Kokkewieter en die hart op sy mou’ is. Albei boeke is ’n vreeslike oulike manier om kinders bewus te maak van idiome. Dis pragtig geskryf in digvorm met die mooiste prentjies.

Zuptas Must Fall and other rants

geskryf deur Fred Khumalo

Zuptas Must Fall and other rants

Fred Khumalo is ’n gesoute joernalis en soos julle seker van die naam kan aflei, nie een van die Guptas se aanhangers nie. In hierdie boek skryf hy op ’n humoristiese manier oor sake wat tans die meeste Suid-Afrikaners warm onder die kraag maak. Dit sluit natuurlik die Guptas in, maar hy skryf ook oor ander politieke aangeleenthede, geskiedkundige sake en selfs skindernuus van bekendes. 

Wat die hart van vol is: Herinneringsreise van ’n fynkok

geskryf deur Peter Veldsman en Elmari Rautenbach

Wat die hart van vol is: Herinneringsreise van ’n fynkok

Peter Veldsman het ’n fyn waarnemingsvermoë en goddelose sin vir humor. Die resultaat is vermaaklike stories en staaltjies oor die kos en mense in sy lewe. Dit sluit in van sy dae as kosredakteur van Sarie, kosskrywer van Rapport  en, uiteindelik, eienaar van Emily’s, waar hy hom amper 20 jaar lank beywer het om van streekskos fynkos te maak en só ’n formidabele restaurant-nalatenskap gevestig het. Die boek is nostalgies, humoristies en hartroerend... dit vat jou terug na Ouma se kombuis, maar ook na die wye wêreld daar buite. 

Make or Break, How the next three years will shape South Africa’s next three decades

geskryf deur Richard Calland

Make or Break, How the next three years will shape South Africa’s next three decades

In hierdie boek bespreek Calland moontlike scenarios in die politieke arena wat kan bepaal of Suid-Afrika op die lang termyn suksesvol of ‘n mislukte staat gaan wees. Die volgende paar jaar gaan krities wees  in ons land se toekoms en dit is regtig ’n maak of breek situasie. 

Die Koekiefles

geskryf deur Lisa Clark

Die Koekiefles

Dis ’n versameling van meer as 90 resepte vir koekies en beskuit wat spesiaal vir die tuisbakker saamgestel is. Die resepte is getoets en geskik vir enigiemand wat nie kan wag om hul koekieflesse en -blikke vol te maak nie. Die resepte is gebruikersvriendelik – enige iemand kan dus die koekies bak, nie net ervare bakkers nie. Die Koekiefles herinner aan die dae toe ‘koekiebak’ terapeuties en ’n belangrike deel van die lewe was.

Africa’s Top Geological Sites

geskryf deur Richard Viljoen, Morris Viljoen en Carl Anhaeusser

Africa’s Top Geological Sites

Hierdie gedetailleerde, kleurvolle koffietafelboek bevat die kontinent se mees ongelooflike en interessante geologiese terreine, van Tafelberg in die suide tot die vulkaniese eilande in die Atlantiese Oseaan, die kontinentale fragmente van Afrika se ooskus en als tussenin. Die teks is geskryf dat almal dit kan verstaan en verduidelik al die vrae wat ’n mens rondom hierdie geologiese wonders mag hê. 

Asem

geskryf deur Jan Vermeulen

Asem

Dit is 'n boeiende roman vir tieners oor verslawing, tweede kanse en wat dit beteken om jouself waarlik te vind. ‘Asem’ was die eerstepryswenner van LAPA Uitgewers se jeugromankompetisie vir 2015 en hoort eintlik op elke tiener se boekrak. Die beoordelaars het gesê dis ’n uitdagende, maar hoopvolle jeugverhaal wat jou tot op die laaste bladsy boei. 

What happens on the ship, stays on the Ship, NOT

deur Charlotte du Toit

What happens on the ship, stays on the Ship, NOT

Hierdie boek handel oor Charlotte se vier jaar op ‘n luukse passasierskip. Dit poog om vir mense wat so iets oorweeg die volle waarheid te vertel oor wat op sulke skepe gebeur. Dit sluit in interessante staaltjies, komiese situasies en ook meer ernstige gebeure en is ‘n lekkerlees, voelgoed-storie met foto’s na elke hoofstuk. Dit sal ‘n aanwins wees vir enige iemand se boekrak wat belangstel om so iets te doen.  

Pretkos – Gesonde Maaltye vir Kinders

geskryf deur Samantha Scarborough

Pretkos – Gesonde Maaltye vir Kinders

Die meeste ma’s word daagliks uitgedaag om hul kinders aan te moedig om gesonde maaltye te nuttig wat lewenskragrig en voedsaam is. Hierdie boek bied ’n skatkis van idees om gesonde, inspirerende etes vir kinders te berei, met groot pret! Dis ’n moet vir elke ma se boekrak. 

Wildlife of the Okavango

geskryf deur Duncan Butchart

Wildlife of the Okavango

Hierdie boek is ’n baie interessante fotografiese gids oor die diere wat in die Okavango Delta voorkom. Dit beskryf die geologie, klimaat, habitat en sleutelrolle wat verskillende diere in daardie gebied speel van die termiete tot die olifante. Dis ’n heerlike boek om op jou rak te hê as jy ’n natuurliefhebber is. 

Die waarheid oor verhoudings

geskryf deur Stefan Blom

Die waarheid oor verhoudings

Met hierdie boek wys die skrywer jou hoe om jou verhoudings te verbeter, hesy met jou lewensmaat, familie of vriende. Dit is ’n praktiese gids wat jou help om slimmer te werk te gaan in verhoudings, jou leer hoe om daardie hegte band, liefde, kommunikasie, vertroue en intimiteit terug te kry en te versterk. 

Tussen die Klippe

geskryf deur Hans du Plessis

Tussen die Klippe

’n Dekade ná die Groot Trek word ’n vrou voor die hof gedaag vir veelmannery. Of ’n misdaad en sonde dieselfde saak is, is nie altyd duidelik nie, maar die hof het tyd, stompe om op te sit, iemand wat kan skryf,  en getuies. En wanneer die waarheid openbaar word, is dit nie die waarheid wat mens verwag het nie. Uit al hierdie dinge probeer dominee Johannes sin maak van wat die liefde is. Lê die liefde nie dalk iewers tussen daardie twee klippe wat Moses van die berg af gebring het nie? Hierdie boek is ’n anderste soort liefdesverhaal en word gereken as een van die skrywer se heel bestes.

Indeks

geskryf deur Joan Hambidge

Indeks

Joan Hambidge is een van die bekendste literêre figure in Suid-Afrika en in hierdie bundel verken sy die aard en semantiek van digkuns en openbaar ’n feitlik mistieke bewondering en respek vir die ‘woord’. Die digbundel is meer liries van aard as haar voriges en ook meer toeganklik so kenners reken dit is beslis ’n hoogtepunt in Hambidge se digkuns.   

Broedertwis

geskryf deur Albert Blake

Broedertwis

Meer as ’n honderd jaar ná die laaste skote in die Anglo-Boereoorlog geklap het, word genl. Christiaan de Wet steeds bewonder as onverbiddelike bittereinder, die held wat tot die einde toe volhard het. Sy jonger broer, Piet, word onthou as die joiner.

In Broedertwis probeer Albert Blake verstaan waarom hulle lynreg in stryd met mekaar gekom het.

Wie was reg? Christiaan, wat ten alle koste die vryheidstryd wou voer, of Piet, wat ’n einde aan die smart en lyding van die oorlog wou bring?

Springbok Coaches

geskryf deur Gavin Rich

Springbok Coaches

In hierdie boek vra die skrywer tereg, is dit Heyneke Meyer se skuld dat die springbokke nêrens gekom het nie in die 2015 Wêreldbeker Rugbytoernooi? En wat hou die toekoms vir die huidige afrigter, Alister Coetzee in? Hierdie boek gee antwoorde en vertel ook die verhale van vorige Springbokafrigters sedert 1994. Dit bevat onderhoude, artikels en statistieke en hierin kan mens presies agterkom wat dit werklik beteken om ’n springbokafrigter te wees. 

Emily Hobhouse, Geliefde Verraaier

geskryf deur Elsabé Brits

Emily Hobhouse, Geliefde Verraaier

Hierin vertel die skrywer die verhaal van dié Anglo-Boereoorlogheldin met die hulp van Emily se eie handgeskrewe notas, dagboeke en plakboeke. Só gee sy ’n vars blik op ’n buitengewone vrou wat voortdurend in die spervuur was. Sy het wêreldwyd betrokke geraak by die stryd teen onreg en oorlog en het in twee oorloë duisende lewens gered. Tog is sy in haar eie land onbekend en alleen dood. 

Koekedoor 2

saamgestel deur Errieda du Toit

Koekedoor 2

Die boek vang die hoogtepunte van die Koekedoor 2 kompetisie vas wat vroeër vanjaar op kykNET te sien was. Daar is resepte vir beginnerbakkers asook fyngebak en pronkgebak om ervare bakkers te inspireer. Net die beste resepte is gekies vir die boek en al die wenners van elke episode, asook fyngebak deur die beoordelaars.

Storiemuis: Boek 4

geskryf deur Leon Rousseau

Storiemuis: Boek 4

Hierdie splinternuwe reeks bevat pragtige volkleurillustrasies en wemel van stories, rympies, liedjies en leersame elemente. Die boek word vergesel deur 'n oudio-CD. In Boek 4 is daar boonop ook liedjies, syfer- en letterpret, kleure, vorms, prentstories, geluide, rympies, sowel as heerlike stories. 

Huilwater – 30 stories in die langpad

geskryf deur L.J. Bothma

Huilwater – 30 stories in die langpad

Die skrywer is veral bekend vir sy militêre geskiedenisboeke maar hierdie boek is ’n versameling lekkerlees-stories met baie humor. Hiernin vertel hy van sy kindertyd in die Boesmanland, studentejare, sy loopbaan as dosent in ekonomie, sowel as sy toere saam met vriende en interessante karakters wat sy lewenspad gekruis het. 

Inspirasiejoernaal

geskryf deur Lizelle de Bruin

Inspirasiejoernaal

Hierdie boek dien as terapie vir die siel en is ‘n joernaal wat ‘n uitstekende uitlaatklep kan wees vir jou gevoelens en om spanning te verlig. Dit gee jou die vermoë om ingewikkelde ervarings in relevante, nuttige brokkies inligting op te breek en uiteindelik samehangend te rangskik. Dit bevat ook prettige en kreatiewe aktiwiteite saam met toeganklike leesstukkies wat die leser lei op’n pad na heelheid en herstel. 

Vroue uit die Bybel

geskryf deur Esté Geldenhuys

Vroue uit die Bybel

Die boek handel vertel van Eva, wat haarself uit die tuin redeneer het, tot Rebekka, wat nie noodwendig een kind wou voortrek nie, en Maria, ’n doodgewone meisie wat moes instem tot ’n buitengewone versoek en baie meer. Die skrywer gee dan duidelike toepassings vir vandag se lewe en vra die vraag: Wil jy ware nabyheid met God ervaar? 

Kaptein Verdwyn

geskryf deur Fanie Viljoen

Kaptein Verdwyn

Kyle is moeg daarvoor dat die skoolboelie op hom pik. Toe hy 'n nuwe selfoon kry, laai hy ‘n app af wat belowe om jou onsigbaar te maak! Dan verander Kyle in 'n superheld: Kaptein Verdwyn! Dis 'n aksiebelaaide storie met 'n positiewe boodskap wat kinders kan bemagtig om hul man te staan teen boelies. 

Al wat ek weet

geskryf deur Marita van der Vyfer

Al wat ek weet

Hierdie boek, deur een van ons gewildste skrywers is spesiaal vir tieners. Dit gaan oor ‘n sukkelende pa-en-seun-verhouding en die hoofkarakter, Gabriel, se pogings om ná sy ma se dood, sin te maak van die wilde draaie wat die lewe partykeer met 'n mens gooi. Hierdie boek was die naaswenner in LAPA se jeugromankompetisie vir 2015.

1795

geskryf deur Dan Sleigh

1795

Hierdie boek handel oor die Britse beleg van die Kaap en is die wenner van NB Uitgewers se Groot ­Afrikaanse ­Romanwedstryd vir 2015. Dit speel af in die winter van 1795 in die Kaap net voor die Engelse oorgeneem het. Sleigh skryf met 'n onfeilbare aanvoeling vir die konflikte en hartstogte van gemeenskappe en het ook ‘n verstommende oog vir detail.

Baking with Jackie Cameron

geskryf deur Jackie Cameron

Baking with Jackie Cameron

Hierin gee dié wêreldbekende sjef haar gunsteling resepte vir ‘n verskeidenheid van gebak. Dit sluit in koekies, brode, pasteie, quiches, groot koeke en ‘n verskeidenheid van lipaflek-poedings. Jackie gebruik deurgaans ‘n bekende resep en gee dit dan ‘n ‘kinkel’ van haar eie. Hierdie boek sal ‘n aanwins in enige iemand wat hou van bak se huis wees. 

Guide to Trees introduced to Southern Africa

geskryf deur Hugh Glen en Braam van Wyk

Guide to Trees introduced to Southern Africa

Hierdie boek is ‘n gids oor die minstens 2,000 uitheemse bome wat in Suider-Afrika aangeplant is. Dit vorm ‘n belangrike deel van ons landskap, veral as mens kyk na die Jakarandas (soos ook op die voorblad te sien) en hierdie boek gee ‘n mens die besonderhede van 580 van dié uitheemse boomspesies. Dit sluit ook pragtige kleurfoto’s in sodat ‘n mens die bome maklik kan identifiseer en is ‘n handige gids om te hê as jy ‘n plant of tuinmaak-entoesias is. 

Mishandel, misbruik, misken, Joey Haarhoff was my ma

geskryf deur Carla van der Spuy

Mishandel, misbruik, misken, Joey Haarhoff was my ma

Amor van der Westhuyzen se kinderjare was ’n riller. Sy is die dogter van die Joey Haarhoff, wat saam met die pedofiel Gert van Rooyen ses jong meisies ontvoer het. Joey het Amor fisiek, verbaal en emosioneel mishandel, verder ook toegelaat dat Amor se eie pa haar seksueel misbruik. Joey, die beheervraat, wou vir dekades lank haar dogter se lewe manipuleer en oorheers. Sy wou selfs by geleentheid dat Amor met Gert van Rooyen trou. Gelukkig is daar ’n positiewe einde vir hierdie traumatiese storie. Amor het die trauma, danksy pure vasberadenheid, oorleef. 

Sy is ’n diep gelowige mens wat die siklus van haat en geweld kon stopsit en sy wil nou dieselfde doen vir ander vroue wat deur hul naastes verniel is. Danksy haar geloof, sielkundige behandeling, wilskrag en die groot omgee van haar man, het Amor geleer hoe om liefde te gee en te aanvaar. Dit is hoegenaamd nie ’n maklike boek nie, maar die leser kan dit toemaak met hoop in die hart.

Reeks: Wat maak so?

Uitgegee deur NB Uitgewers

Reeks: Wat maak so?

Hierdie kinderboekies, Troeteldiere, Wouddiere, Wilde diere en plaasdiere in die Wat maak so? Reeks is ideaal vir peuters. 'n Mens druk die knoppie en dan maak die dier sy geluid. 

Eet gesond, voel goed

geskryf deur Jeske Wellmann en Adele van der Merwe

Eet gesond, voel goed

Hierdie boek is spesifiek daarop gemik om kankerlyers, hul versorgers en families op te lei en te bemagtig sodat hulle die kanker optimaal kan beveg met die regte voeding, maar dit kan natuurlik oor die algemeen ook gebruik word om gesond te lewe. Die skrywers is albei geregistreerde dieetkundiges en die boek is goed nagevors met resepte om te help. 

Kikkie Anderemanskind - ’n Lewe

geskryf deur Chris de Weerdt

Kikkie Anderemanskind -  ’n Lewe

Hierdie boek is ’n kombinasie van biografie en avontuur. Die die skrywer se lewensverhaal, waarin hy, onder andere, vertel van sy skikwekkende wedervaringe as lid van die heel eerste Suid-Afrikaanse Antarktiese ekspedisie van 1960. Ruda Landman het gesê: “Wat ’n verhaal, goed geskryf, met net genoeg ligtheid en humor om die donkerte te verlig. Ek het Vrydagmiddag oor koffie met die boek gaan sit en toe sommer dwarsdeur gelees.”

Gesprek sonder einde

geskryf deur Chris van der Merwe

Gesprek sonder einde

In hierdie boek vra Chris, waar pas ek, as mens, in by God se verhaal? En watter keuses kan ons maak in hierdie drama waarvan ons medeskrywers is? Die skrywer tree op ’n baie toeganklike wyse in gesprek met sy lesers hieroor. Hy bespreek van die vrae wat ons gereeld pla oor die kerk, die mense om ons en die ideologieë oor dit wat is, wat was en wat kom.

Dagboek van ’n Wimpy Kid

geskryf deur Jeff Kinney en vertaal deur Tinus Horn

Dagboek van ’n Wimpy Kid

Hierdie boek is deel van ‘n gewilde reeks jeugboeke, ‘Diary of a Wimpy Kid’, wat nou in Afrikaans ook te kry is. ’n Nuwe skooljaar begin vir Greg en hy moet by baie nuwe goed aanpas. Sy beste vriend is weg en sy ma het besluit om verder te studeer, maar die ergste is... hy het nog nie eers een puisie nie... so daar is geen sprake van grootword nie.

Afkop

geskryf deur Fanie Viljoen

Afkop

Trent se ouers is die naweek weg en los hom alleen by die huis... Na ’n rowwe partytjienag saam met sy vriende wat met ‘n wilde jaagtog en ’n motorongeluk eindig, word Trent met ’n moeilike besluit gekonfronteer: Wat moet hy doen met die geld wat hy op die ongelukstoneel gekry het? In hierdie naelbyt spanningsverhaal loop dinge omtrent skeef en die leser moet behoorlik aan sy sitplek vasklou om by te bly met al die aksie.

Dis koue kos, skat

geskryf deur Marita van der Vyfer

Dis koue kos, skat

Die verhaal gaan oor Clara Brand, wie se man haar verlaat vir een van haar beste vriendinne en al die prosesse waardeur sy gaan om te herstel na die gebroke hart. Hierdie boek is ook nou te sien as rolprent met Annamart van der Merwe en Deon Lotz in die hoofrolle. 

Springbok-Rugby Vasvra

geskryf deur Pierre Francois Massyn

Springbok-Rugby Vasvra

Dié boek is nou ’n rugby-vasvraboek vir ware rugbyliefhebbers aangebied op ’n hoogs vermaaklike manier met die mees verregaande staaltjies in, sowel as koue, harde feite en statistieke oor dié geliefde Suid-Afrikaanse sportsoort.

Moordlys

geskryf deur Henk Breytenbach

Moordlys

Hierdie is nog een van die skrywer se aflewerings in sy Vic Nel misdaadverhale. Vic is terug, hy het ’n vaste werk, selfs ’n meisie, maar steeds soek die moeilikheid hom uit. Eers word ’n man by sy werk vermoor en Vic help die polisie, een van sy kolegas neem ’n video en pos dit op Youtube en skielik is Vic ’n internetheld, die laaste ding wat hy nodig het... toe word ’n aantal sakemanne skielik wreed vermoor en by elke toneel word ’n foto gelos... en net Vic weet wie die man op die foto is.

Anderkant Vergeet

geskryf deur Santie van der Merwe

Anderkant Vergeet

Hierdie boek vertel die verhaal van Anneleen Gericke wat in ’n ernstige motorongeluk beland en toe sy bykom met ’n geswelde brein, het sy geheueverlies en die laaste 24 jaar van haar lewe is net weg. Sy onthou nie haar man of kinders nie en sy ken ook nie die mens wat sy voorheen was nie. En hoe meer sy agter die kap van die byl kom, hoe meer wonder sy, wat het van al haar drome geword? 

Koekedoor Bakboek

deur Errieda du Toit

Koekedoor Bakboek

Met hierdie bakboek as kameraad kan jonk en oud by die Koekedoor bakrevolusie aansluit. Die blaaie vang die hoogtepunte van die eerste Koekedoor kompetisie vas. Die tuisgebak-resepte is bekend en is ’n goeie afskopplek vir beginnerbakkers en die die fyngebak-resepte se vernuwende idees en tegnieke sal jou gou-gou bakfiks kry. Koekedoor wil gebak terugbring as iets sinvol wat die gesin kan saamdoen om nuwe herinneringe – en ’n bruisende nuwe Suid-Afrikaanse bakkultuur – te skep.

Die groter en Beter Moeg-gesoek Blokraaigids

deur Adri Burger

Die groter en Beter Moeg-gesoek Blokraaigids

Hierdie derde, hersiene uitgawe van hierdie gewilde naslaanbron vir liefhebbers van Afrikaanse blokraaisels bevat sowat 300 bladsye meer as die vorige uitgawe. Dit is volledig herbewerk en bied oplossings vir duisende internasionale en plaaslike feite volgens agt temas gerangskik onder andere, Bybelkennis, geografie, die kunste, politiek, sport, skoonhede en enige ander wetenswaardige feite. 

Ek. Frankryk. 246 Dae.

geskryf deur Olivia Loots

Ek. Frankryk. 246 Dae.

Olivia is 'n derdejaarstudent in Visuele Studies en Tale aan die Universiteit van Pretoria en in hierdie boek gee sy nuttige reiswenke aan jongmense wat so 'n oorbruggingsjaar soos sy gedoen het, beplan. Dis 'n joernaal met kleurvolle foto's, sketse en stories waarmee sy jou uitnooi om haar 2013 ervarings in Frankryk te deel, te geniet en daaruit te leer.

Vlegsels, Stap vir Stap en Gunsteling Vlegsels

Marie en Laura

Vlegsels, Stap vir Stap en Gunsteling Vlegsels

Om lang hare in 'n vlegsel te dra is 'n groot tendens onder jong meisies regoor die wêreld en in hierdie boeke kry jy meer as 20 verskillende soorte vlegsels wat stap vir stap beskryf en met behulp van kleurfoto's geïllustreer word. Laura en Marie, twee skoolmeisies, gee ook wenke oor hoe om hare te krul sonder enige stileerapparate. 

Daar is 'n Eiffeltoring in sy boedel

geskryf deur Tobi Jooste

Daar is 'n Eiffeltoring in sy boedel

’n Roerende verhaal van ’n oupa wat in genadetyd op sy sterfbed lewe, en die kleinseun wat soveel moontlik van sy oupa se wysheid wil leer voor hy nie meer daar is nie. Sy oupa deel met hom sy avonture, stories, staaltjies en moderne gelykenisse wat die jongman se lewe onherroeplik verander. Hy stuur sy kleinseun ook op twee onvergeetlike vakansies waar hy blootgestel word aan plekke, kleurryke karakters en situasies wat hom meer oor homself en die lewe leer. Dis ’n hoogs vermaaklike ontdekkingstog na buite én binne. Sy oupa se stories inspireer hom om sy volle potensiaal te bereik, sy grootste drome te volg en wysheid te vind wat gewoonlik net met die grysheid kom. Sy oupa se dood het vir hom lewe gebring. ’n Jongman herontdek die dinge wat werklik saak maak in ’n boeiende storie wat jou laat skaterlag en soms ook ’n traan laat wegvee. Dis ’n hartsreis van Parys, Frankryk tot in die skone Karoo, ’n avontuur wat oorloop met wysheid, humor en wêreldkennis.

die na-dood

geskryf deur Breyten Breytenbach

die na-dood

Hierin sien ’n mens opnuut dié veteraandigter se skerpsinnige en aangrypende digterstem. Die titel verwys na die tyd digby die dood maar ook na die dood. Dit is ’n besonderse versameling verse wat ’n groot verskeidenheid bied, oënskynlik oor die alledaagse, maar byna ongemerk ook oor die groot onbeantwoorde vrae wat elke mens vir hulself stel, nader aan die einde van jou lewe.

Draai jou sente om

geskryf deur Abri Coetzee

Draai jou sente om

Dié boek bied wenke oor hoe om uit jou finansiële verknorsing te ontsnap, veral as jy afgetree of naby aftrede is en jy nie genoeg voorsiening gemaak het daarvoor nie. Die planne word in eenvoudige formaat en taal aangebied en onse eie Dawie het gesê van die boek: ‘Dis ’n uitstekende riglyn vir finansiële bestuur’... ek dink ons almal kan met so een doen en beslis nie net afgetredenes nie. 

Suster Lilian se babasorgboek

geskryf deur Lillian Paramor

Suster Lilian se babasorgboek

Sy is ‘n bekende babasorgkenner en hierin speek sy die belangrikste kwessies aan wat ouers van pasgebore babas tot driejarige kleuters raak. Algemene ouerskapskwessies word in die onderskeie afdelings beskou. Suster Lilian se benadering is om tradisionele en natuurlike genesing te integreer waar daar kommer oor die gesondheid is. Suster Lilian se boek help jou om die beste moontlike ouer vir jou kind te wees. 

Kook saam Kaaps

geskryf deur Koelsoem Kamalie en Flori Schrikker

Kook saam Kaaps

In hierdie boek kry jy die huiskos van dié twee afgetrede tannies van Bonteheuwel in die Kaap. Dit sluit in boontjiestowe, koolfrikkadelle, tamatiebredie, sagopoeding en broodpoeding, als heerlik gemaak, sonder fieterjasies en moderne byvoegings. Met die onfeilbare resepte, perfek-beproef na jare se ondervinding, kan elkeen weer kos maak soos ons ma’s dit gedoen het, met bestanddele wat maklik bekombaar is en resepte wat nie uitgerek of moeilik is nie.

Monster Rugby

geskryf deur Fanie Viljoen

Monster Rugby

Die verhaal gaan oor Ampie wat droom daarvan om sy skool se rugbyheld te word. Maar ongelukkig vaar hy nie altyd te waffers op die rugbyveld nie. Daarom weet hy hy gaan sy plek in die span verloor toe Max Swart sy opwagting in hul skool maak. Max is groot en sterk, en ’n regte boelie. Kort voor lank vind Ampie uit dat Max ’n nare geheim het ... Hoe gaan Ampie die res van sy rugbyspan oortuig dat die skool se nuwe ster-speler in werklikheid ’n MONSTER is?

Stories van die kantlyn

geskryf deur Theuns Stofberg

Stories van die kantlyn

Theuns Stofberg wie se glorieryke rugbyloopbaan van 1976 tot 1985 geduur het word in die algemeen beskou as een van die grootste Springbokke ooit. In hierdie boek neem hy lesers tot agter die skerms, na sy kinderdae as skoolseun-rugbyspeler, tot die berugte meelbom-toer in Nieu-Seeland, en ook sy Curriebeker-oorwinnings vir drie provinsies – tot vandag toe ’n ongeëwenaarde prestasie. Hy vertel  van sy persoonlike stryd met 'n spraakgebrek en gesondheidsprobleme, en hoe hy ’n tragedie in die familie hanteer het. Elke Suid-Afrikaanse rugbyliefhebber sal hierdie boek, wat soms diep persoonlik, soms amusant en partymaal nostalgies is, koester en geniet.

Hartskombuis: Boerekos van die Anglo-Boereoorlog tot vandag

Uitgegee deur NB Uitgewers

Hartskombuis: Boerekos van die Anglo-Boereoorlog tot vandag

Hierin kry jy tydlose Boerekosresepte, pragtige kleurfoto’s van artefakte uit die oorlog én fassinerende brokkies historiese inligting saam in een boek. Dit bevat meer as 100 resepte vir alles van biltong en beskuit, watertand wildspastei en pampoenkoekies tot ’n magdom gebak. Die skrywers verweef hierdie resepte soomloos met historiese feite soos oor hoe Nonnie de la Rey, vrou van genl. Koos de la Rey, moes vlug en in die veld oorleef.

Die heel mooiste Afrikaanse liefdesgedigte

saamgestel deur Fanie Olivier

Die heel mooiste Afrikaanse liefdesgedigte

Dit is ‘n versamelbundel van die gewildste en bekendste liefdesgedigte in Afrikaans. Die bundel volg op Die mooiste Afrikaanse liefdesgedigte wat oorspronklik in 1986 verskyn het en daarna ’n paar keer heruitgegee is. Die digters sluit in van ons bekendste in Afrikaan soos Boerneef, N.P. Van Wyk Louw, D.J. Opperman, Elisabeth Eybers, Ingrid Jonker, om maar ’n paar te noem.  

Murder at Small Koppie – The real story of the Marikana Massacre

Greg Marinovich

Murder at Small Koppie – The real story of the Marikana Massacre

Hierdie boek is ondersoekende joernalistiek op sy beste. Die skrywer het geen steen onaangeraak gelos om agter die waarheid te kom nie. Hierdie boek moet eintlik verpligte leesstof gemaak word vir al ons politici, staatsamptenare en natuurlik die polisie- en weermag. 

Een maal

geskryf deur Johnny Hamman

Een maal

Hy was die wenner van Kokkedoor 2 en hierin deel hy die resepte wat hy vir sy vriende voorberei met ons. Hy vertel sy idees rondom kos sonder om ooit egtheid te verloor. Hy deel ook die kos wat hy aan sy ma se tafel leer ken het, familiekos – en gee sy skeppende vernuwende weergawes. Dié boek sal almal inspireer met nuwe idees...

Bielie Bybelpretboek 2

geskryf deur Marius Greeff

Bielie Bybelpretboek 2

Hierdie boek is perfek vir liefhebbers van blokraaisels en ander woorspeletjies. Dit is ’n prettige manier om meer van die Bybel te leer en ook om jou kennis van die Bybel te toets. Die boek bevat meer as 160 pret-aktiwiteite wat insluit, blokraaie, Koderaaie, Sudoku en Woordsoek. 

Nog Maklike soet happies vir kinders

geskryf deur Janette Mocke

Nog Maklike soet happies vir kinders

In hierdie boek gee elke hoofstuk vir jou ‘n ander partytjietema wat alles insluit, va treine, monsters, skape en skoenlappers tot bye, superhelde, lappoppe en dinosourusse. Al die happies word gemaak deur maklik bekombare bestanddele en die eenvoudige aanwysings vereis nie bak- of spesialisvaardighede nie. Hierdie boek help jou om die perfekte kinderpartytjie vir jou kind te doen sonder dat dit baie geld kos of jou ure lank besighou.

Storiemuis

geskryf deur Leon Rousseau

Storiemuis

Die oorspronklike Storiemuis-reeks was baie gewild vanweë die opvoedkundige temas wat daarin behandel is en hierdie splinternuwe reeks is op dieselfde beginsels geskoei en bestaan uit nuwe materiaal met pragtige volkleurillustrasies. Die boek word vergesel deur 'n oudio-CD met 'n voorlesing, liedjies en vele meer. In Boek 3, wat dié een is, is daar liedjies, syfer- en letterpret, kleure, vorms, prentstories, geluide, rympies, sowel as heerlike stories. Sal jy kinders vir ure kan besighou... 

Pippie Langkous Omnibus

geskryf deur Astrid Lindgren

Pippie Langkous Omnibus

Pippie is daardie koddige klein heldin met die sproete en rooi vlegsels en sy vier vanjaar haar 70ste  bestaansjaar. Daarom het NB-uitgewers besluit om hierdie Omnibus-versameling uit te bring sodat ons kinders ook nou hierdie klein dogtertjie se kostelike stories kan waardeer.

SA kookboek vir allergieë en voedselsensitiwiteit

geskryf deur Hilda Lategan

SA kookboek vir allergieë en voedselsensitiwiteit

Hierdie boek bevat kundige inligting en wenke asook meer as 200 resepte vir elke maaltyd van die dag, insluitend tussenin-happies en soetgoed. Die beproefde resepte is oor die jare nog verder verbeter en aangepas vir Suid-Afrikaners se spesifieke eetgewoontes en die bestanddele is geredelik beskikbaar en bekostigbaar, en elke resep bevat ’n voedingstofanalise en voorstelle en variasies sodat jy dit kan aanpas volgens jou eie behoeftes. 

Robbie se broer se roer en ander jagstories

geskryf deur Pienkes du Plessis

Robbie se broer se roer en ander jagstories

Dié boek is ‘n bundel kortverhale oor allerhande humoristiese jagekspedisies en natuurlik ook oor alles wat verkeerd kan loop tydens hierdie ekspedisies. In een verhaal moet drie ooms afreken met ’n slang in hul bakkie en in ’n ander verhaal verloor ’n plaasjapie ’n weddenskap en sluk ’n streepmuis heel af...nou ja, julle kan net dink wat die res ook sal inhou...

Giant Steps

geskryf deur Richard Peirce

Giant Steps

Hierdie boek gaan oor twee olifante, Bully en Induna, albei olifante wat in aanhouding was en later as gevaarlik beskou is...en hierdie is die ware verhaal van hulle stories, van die uitbuiting van hierdie sensitiewe en hoogs intelligente diere tot vermaak van mense. En vandag is hulle uiteindelik albei vry op ‘n plaas hier in Suidelike Afrika... 

Proe die Klein-Karoo

geskryf deur Beate Joubert

Proe die Klein-Karoo

Beate Joubert is die eienaar van die bekende Alfresco Deli op hulle familieplaas naby Barrydale. In hierdie boek kry jy unieke resepte wat wissel van Tapas, Trooskos, slaaie, oor-die-kole vleisgeregte en ’n verskeidenheid soetgoed. Beate glo dat baie tradisionele geregte van die Klein-Karoo met ’n moderne kinkel voorgesit kan word.

1-2-3 Groei met Spel

geskryf deur Nadia Viljoen

1-2-3 Groei met Spel

Hierdie boek is ’n leersame gids vir alle ouers of onderwysers, want dit bevat 123 speletjies wat jou kind se begrip kan prikkel en so help met redenering- en syfervaardighede. Die skrywer glo kinders speel nie deesdae genoeg nie en hierdie boek is daar om dit reg te stel. 
Copyright © Ontbytsake 2018 - All rights reserved.  |  Privacy Policy  |  Terms & Conditions
 site