4 k waatlemoenblokkies, ontpit

1 k komkommerblokkies, ontpit en afgeskil

1 klein toontjie knoffel, gekneus en gekap

100 ml Willow Creeck Cabernet sauvignon Balsemiekasyn

100 ml Willow Creek Basilie-olyfolie

Opsioneel: 

klein stukkie (1 cm) vars gemmer, fyn gekap

Vars rissie na smaak

Sout en peper na smaak

1 Skyf Dewfresh Fetakaas

125 ml vars Dewfresh Room

15 ml vars suurlemoensap

Gemaalde swartpeper

2 heel forelle, ontbeen, vel aan

4 Rooibosteesakkies

Sout 

Verpulp die sopbestanddele in ‘n voedselverwerker of versapper. Jy kan dit ook met 'n handversapper in 'n groot beker doen. Verkoel vir ten minste een uur, maar jy kan dit ook oornag laat staan. Jy behoort ongeveer 1.2 liter sop te hê, wat genoeg is vir 4 - 6  porsies.

Verpulp fetakaas en room saam met die suurlemoensap tot lig en sponserig. Plaas in n houertjie met 'n deksel en laat in die yskas.

Rook die vis: Strooi vis liggies met sout. Kies ‘n kastrol met 'n swaar boom en 'n goedpassende deksel en voer dit uit met foelie. Onthou, hou die blink kant bo! Skeur nou die teesakkies oop en plaas al die tee in 'n hopie in die middel. As jy 'n draadrakkie het wat in die kastrol pas, plaas dit binne. Indien nie, kan jy 'n meelsif of 'n alluminium vergiettes gebruik. Plaas die vis velkant na bo, daarop. Seël die kastrol so goed as moontlik met foelie en sit die deksel op. Plaas die kastrol op die stoofplaat op warmste verstelling. Die rede vir die swaarboomkastrol is sodat die kastrol goed kontak maak met die stoofplaat. Jy kan selfs iets swaars bo-op die deksel plaas vir ekstra gewig wanneer jy die rookproses begin. Skakel na 12 minute af en laat staan net so – sonder om te loer!- om af te koel. Die rook geur steeds die vis en die vis is reeds gaar. Vlok die vis na keuse, groter of fyner vlokkies nes jy daarvan hou. 

Skep ongeveer ‘n koppie (200-250 ml) sop in 'n mooi sopbord. Ek verkies bakkies wat nie so diep is nie, sodat die kaaskussinkies en die vis nie onder die sop verdwyn nie. Skep 'n hopie gevlokte forel in die middel. Maak “quenelle” vormpies met twee teelepels van die feta-roomkaas en rangskik 3 van hulle rondom die visstapeltjie.

Jy kan garneer met mikrokruie soos roket of bronkors, of self vars kruisement. Bedien met Olyfbroodstokkies.

Siedaar – waar wil jy wees!

Benodigdhede: (vir 6 klein of 1 groot tert)

3 Geskilde pere, gehalveer en pitmagie uitgesny

500 ml Merlot of ander rooiwyn

100 ml suiker

1 blikkie baba-pere in stroop

Sjokolade brosdeeg

250 ml koekmeel

125 ml koue botter

2 ml sout

50 ml strooisuiker

50 ml kakao

+- 50 ml yswater

3 Eiers

100 ml botter

100 ml strooisuiker

200 g gemaalde amandels

‘n Paar druppels amandelgeursel

200 g Albany Donker sjokolade met Geroosterde Amandel

50 ml botter

100 ml Dewfresh room

100 ml Rooiwynstroop afgekook van posjeervloeistof met 100 ml suiker en 15 ml botter bygeklop 

Bedek die halwe pere met al die rooiwyn en die stroop van die baba-pere in 'n klein kastrolletjie met 'n deksel. Posjeer oor matige-warm hitte vir ongeveer 40 minute. Die posjeertyd sal afhang van die soort en rypheid van die pere. Jy wil hulle donkerrooi en sag, dog ferm, hê. Sit die baba-pere by, ongeveer halfpad deur die posjeerproses.

Maak die tertkors. Verhit oond tot 190c. Meng al die bestanddele behalwe die yswater in jou voedselverwerker tot dit amper ‘n bol vorm en aan mekaar vasklou. Sit dan die yswater by en pols weer. Moenie die deeg te lank meng nie en werk eerder op pols in stede van een aanmekaar meng. Bedek die bol met plastiek en verkoel vir 15 minute. Voer die tertpan/pannetjies met los bodems met die deeg uit. Sorg dat die randjie netjies is. Bedek met bakpapier en bakboontjies en bak vir 12 minute teen 190 grade Celcius.

Maak die Frangipane deur die botter, eiers en strooisuiker saam te verroom. Voeg dan die amandels en amandelgeursel by. Vul die tertkors met Frangipane en plaas die pere bo-op. Hou die baba pere eenkant. Bak vir ongeveer 25-30 minute tot gaar en mooi goudbruin.

Kook die rooiwynstroop deur die posjeervloeistof vinnig af te kook met 100 ml suiker totdat net minder as die helfte oorbly. Verwyder van hitte en roer die 15 ml botter by.

Ganache: Breek die sjokolade in blokkies, plaas in n mikrogolfvaste bak saam met die botter en die room. Mikrogolf op hoog vir 2 minute en roer glad. Roer dan die rooiwynstroop by.

Plaas ‘n sny tert of individuele tertjie op 'n mooi bord met 'n babapeertjie langsaan. Sny die bodem van die babapeer gelyk sodat dit mooi kan staan. Bedruip die babapeer en die helfte van die peertert met die Rooiwyn-en sjokolade ganache. Bestuif laastens die bord met 'n bietjie kakao. Geklopte room kan apart bedien word indien so verkies.

Waar wil jy wees!

Benodigdhede: 

(vir 6 as voorgereg)

9 heel lamsniertjies of 18 oopgesnydes 

(Wenk:jy kan ook skilpadjies gebruik, braai hulle net mooi gaar en bruin en volg die resep verder vanaf stap 5)

Sap van 1 groot of 2 klein suurlemoene (ongeveer 60 ml)

Dijonmosterd

Olyfolie en botter vir braai

Sampioene na keuse, ongeveer 100 g

150 ml Sjerrie (enige na smaak, maar ek gebruik Old Brown)

200 ml vars Dewfresh room

3-6 takkies vars tiemie, gestroop

Sout en peper as geurmiddel

Maak die niertjies mooi skoon deur die vliesie af te trek. Sny hulle oorlangs deur en sny die pypies so goed as moontlik uit, sonder om die niertjie te stukkend te sny. Meng 1 teelepel mosterd met die suurlemoensap en laat rus die niertjies daarin in ‘n glas– of nie-metaal bak vir ten minste 15 minute, maar nie langer as ‘n halfuur nie. Verhit 'n klein bietjie olyfolie saam met 'n klontjie botter in ‘n swaar braaipan, medium tot goed warm. Droog die niertjies af met kombuispapier en gooi die suurlemoensap weg. Braai nou die niertjies alkant mooi bruin. Nie nodig om hulle te veel te draai nie, 2 minute op ‘n kant is goed. Laat eenkant in 'n bak met foelie oor om warm te bly.

Braai die sampioene in dieselfde pan met ‘n klein bietjie ekstra botter mooi bruin, maar nie pap nie. Onthou, sampioene wil nie in ‘n groot groep wees nie, net bietjie-bietjie op ‘n slag in die pan. Hou eenkant.

Ontglans die pan met die sjerrie, met ander woorde die sjerrie tel al die heerlikheid wat op die panbodem is, op. Wanneer die sjerrie opkook, roer bietjie met jou houtlepel en voeg dan nog ‘n teelepel mosterd by, die tiemieblaartjies en die room. Laat indamp deur dit vinnig te laat kook totdat die sous verdik en ‘n lepel mooi bedek, of totdat jy sien die borrels breek stadiger. Roer die niertjies weer deur. Gooi sout en peper na smaak by en bedien so gou moontlik op kapokaartappels of gestoomde jongspinasie, met die sampioene bo-oor.

250 - 300 g beesfilet per persoon, verkieslik heel, sodat jy dit in skywe kan sny

Olyfolie en botter vir braai

sout en peper 

500 ml vars Dewfresh room

+-25 ml grofgemaalde swartpeper

25 ml Sagte ingemaakte Groenpeperkorrels

50 ml Brandewyn

4 Mediumgroot aartappels, in die skil sag gekook

3 eetlepels Willow Creek Olyftapenade

100 ml Willow Creek Basiliegeur Olyfolie

1 blikkie gekapte tamaties

1 bossie vars basilieblare, opgesny

15 ml suiker

Sny die filet in medaljes van ongeveer 2.5 tot 3 cm dik en vryf hulle goed in met olyfolie. Gebruik 'n goeie swaarboompan of yster-riffelpan en laat word dit rookwarm. Plaas die steaks versigtig in die pan, nooit meer as 4 op 'n slag nie. Moenie aan hulle probeer oplig of draai voordat hulle maklik loskom van die pan nie. Braai hulle goed bruin en na wense gaar. Dit is altyd die beste om hulle effens ligter gaar te maak as wat hulle moet wees aangesien hulle altyd nog hitte oorhou en verder gaar word in die rusproses. Rus die steaks in 'n bakkie met foelie oor sodat die pansappe kan vergader.

Druk die gedreineerde groenpeperkorrels fyn met jou breë sjefsmes se lem op jou snyplank, of in 'n vyseltjie. Braai die peperkorrels en swartpeper in 'n klontjie botter in die steakpan. Was nou alles bymekaar met die brandewyn. Skraap gerus die bodem met 'n houtlepel om die braailekkerte in die sous in te werk. Voeg die room by, roer goed deur en laat vinnig indamp totdat die borrels blink en stadig breek. Hou die sous eenkant. Vee net die  pan met kombuispapier en hou naby vir die afronding en opwarming van die steaks. 

Vir die aartappelgereg: Verpulp die geblikte tamaties, tapenade, olyfolie en suiker goed. Sny die aartappels ongeskil, in 1 cm skywe  en plaas in 'n oondvaste bak in lae, met die tamatie-olyfsous oorgesprinkel tussen die stukke en bo-oor. Geur met sout en peper. Bak vir 30 minute. Hou warm.

20 minute voor bediening: Warm die steakpan weer goed op. Braai die steaks so 2 minute aan 'n kant tot dit weer lekker warm is. Warm die roomsous sommer in die mikrogolfoond op en roer die pansappe deur.

Bedien die steaks met sous oorgeskep of vir elke persoon 'n bietjie sous in 'n mooi bakkie, saam met die warm olyfaartappels.

180 g Bruismeel

50 g Bosbessies(Cranberries)

50 g fyngestampte karamelgrondboontjies of haselneute

15 ml lemoenskil

5 ml kaneel

2 ml neutmuskaat

2 ml sout

2 eiers

100 ml gesmelte botter

50 ml Willow Creek Blood Orange gegeurde Olyfolie of gewone kookolie

100 ml lemoensap

100 ml suiker

100 ml Dewfresh suurroom of dik Gero ongegeurde jogurt

Verhit jou oond tot 180 grade Celcius. Meng al die droë bestanddele. Meng die res van die bestanddele goed in 'n aparte mengbak. Meng dan die twee mengsels deeglik tot 'n dik mengsel. Verdeel die deeg in ses muffinpannetjies. Bak vir 20 minute of tot goudbruin en gaar. Vir garnering kan jy dun repies lemoenskil in 'n ligte suikerstroop vinnig afkook tot hulle stroperig en sag is.

6 kleinerige lemoene, versigtig afgeskil sodat daar geen wit pitvel aan die lemoene is nie

300 ml sterk swart koffie

300 ml suiker, opgelos in die koffie

30 ml dun repies lemoenskil

Kook die lemoene heel in 'n kastrol waarin die lemoene pas en die koffiestroop hulle bedek, vir ongeveer 40 minute vinnig totdat die stroop dik en taai is. 

Bedien die muffins met die koffie-lemoene daarby, saam met volroomjogurt waaroor 'n knippie fyn kaneel gesprinkel is.

1.2 kg Lamsrak, beentjies mooi skoongemaak aan die bokant

2 koppies sterk koffie

100 ml balsemiekasyn

100 ml rooiwyn

1 E vleisspesery-mengsel, soos "steak & chop"

100 ml olyfolie

Meng alles baie goed en laat vleis 3 tot 4 ure of oornag marineer.

50 g of 2 E gemaalde koffie

2 E varsgemaalde speserye: koljander, paprika, sout, swartpeper, komyn, neutmuskaat, tiemie

2 E olyfolie

Marinade waarin vleis gelê het

100 ml Balsemiekasyn

4 E taai bruinsuiker

20 ml botter

Verhit jou oond tot 200 grade Celcius. Verwyder vleis uit marinade en droog dit af. Vryf die vleis met die spesery-vryfmengsel goed in. Seël die vleis rondom in 'n warm swaarboompan. Verplaas na 'n oondvaste bak en rooster oop vir 20 minute of 'n klein bietjie langer indien jy nie van die vleis mediumgaar hou nie. Hou dit dan warm deur te bedek met foelie. Giet marinade in die pan en vermeerder met nog 100 ml Balsemiekasyn en 4 eetlepels taai bruinsuiker. Kook dit vinnig af totdat die borreltjies blink en stadig bars. Verwyder van die hitte en roer 20 ml koue botter by.

8 Vryloop-hoenderboudjies, kneukels afgekap en beentjies skoongekraap

Halwe stafie Chevin  (sagte bokmelkkaas) in 8 stukkies verdeel

Roosmaryn en Olyfgeur kruiesout 

Vars kruie vir garnering

30 - 50 ml Willow Creek suurlemoengeur olyfolie plus 'n klein bietjie ekstra vir die beetstokkies en Murgpampoentjiespaghetti 

Vars kruie soos oregano,  tiemie en basiliekruid 

50 ml Willow Creek Cabernet Sauvignon balsemiekasyn plus 'n bietjie ekstra vir die beetstokkies 

1 pak vooraf bereide Murgpampoentjie-spaghetti, ongekook

1 pakkie fyn beetstokkies, ongekook

15 ml heuning

Sout en peper vir geur

1 pakkie Chicken Rashers -  dit is 'n tipe hoenderham of kouevleis en kan vervang word met streepspek 

Botter en olie vir braai

Verhit oond tot 180 grade Celcius. Maak versigtig die hoendervelletjies effens los en stop elk met 'n stukkie bokmelkkaas. Sprinkel met die kruiesout. Giet die suurlemoengeur olyfolie in 'n oondvaste bak en rangskik die hoenderboudjies daarin. Rol hulle goed in die olie en bak tot gaar en mooi goudbruin, ongeveer 45 minute. 

Braai die hoenderham repies of streepspek liggies net mooi bruin in botter en rol hulle op, terwyl hulle nog warm, maar hanteerbaar is. Hou eenkant. 

Marineer die murgpampoentjiespaghetti in die balsemiekasyn, 'n paar druppels van Willow Creek se suurlemoengeur olyfolie en sout en peper. Breek vars kruieblaartjies by. 

Meng die beetstokkies ook met 'n paar druppels asyn en die heuning, geur met sout en peper. 

Wanneer die hoenderboudjies goudbruin en gaar is,  kan jy alles mooi bymekaar op borde rangskik. Maak seker om dit pragtig af te rond met mooi kruieblaartjies en dalk ook eetbare blommetjies soos gras-angeliertjies en gesiggies. 

4 ontbeende lamsvleis-steaks, elk so 200 g

4 groot pruimedante, ontpit en met 'n stukkie fetakaas gestop

Olie en botter vir braai

Kruiesout vir geur (Roosmaryn en olyfgeur is die heel lekkerste) 

Slagterstou om te bind

3 ferm maar soet pruime,  in skyfies gesny van die pit af

Swartbessies indien beskikbaar, opsioneel

200 ml rooiwyn

2 E suiker

Knippie kruiesout

25 ml koue botter in blokkies gesny

Sny die lamsteak se vetrand 'n paar kepe in  sodat jy die stuk vleis maklik  rondvormig kan draai, rondom jou gestopte Pruimedant. Bind goed, maar nie te styf, vas met 'n stukkie slagterstou.Geur die stukke met kruiesout en smeer olyfolie oor. 

Laat 'n riffelpan goed opwarm en braai die vleis alkante bruin so omtrent medium tot lig gaar. Hou warm in 'n lou oond of onder foelie. 

Reduseer die rooiwyn saam met die suiker en kruiesout tot ongeveer die helfte oorbly. Voeg die stukkies pruim en koue botter klontjies by en roer deur tot dit blink en effens verdik het.  Moenie weer kook nie. Roer die vars Swartbessies by indien jy dit gebruik. Bedien die Steaks goed warm,  met die sous oor en saam met Beetpuree en Geroomde fetakaas. 

Heel beet

Willow Creek Truffelgeur olyfolie 

Een fetakaas wieletjie

100 ml room of suurroom

Kook beet heel in skil tot sag en maak fyn in 'n voedselverwerker of met stok-versapper. Geur met sout en Willow Creek Truffelgeur olyfolie. Verrroom Feta met suurroom en skep lepeltjiesvol saam met die Beetpuree in die bord.

Een deel Jakkalsvlei Trop

Twee dele Droë Vonkelwyn

Bessies en stokkies vir garnering

Hou alles yskoud en skink net voor bediening. 

1 kg gemaalde wildsvleis

200 g fyngekapte ontbytspek

3 ml sout

Swartpeper

200 ml Trop

3 - 4 eetlepels Swartbessies 

50 g donkersjokolade-knopies

30 g koue botte in blokkies gesny

Kook die Trop saam met die Swartbessies af tot dit stroperig is,  roer dan die sjokoladeknopies en die botter deur,  maar moenie weer laat kook nie.  Die sous word koud bedien. 

Knie die vleis goed saam met die gekapte spek en geur met sout en peper.  Rol frikkadelletjies van ongeveer gholfballetjie grootte.  Pak hulle in 'n oondpan en bak in 'n warm oond vir net so ongeveer 10 minute,  sodat hulle bruin is,  maar  nog sappig en nie te gaar nie. Bedien op stokkies met die bessie- en sjokoladesous. 

8 ronde stukke gerookte ontbytspek

8 snye brood,  plat gerol met 'n  koekroller en korsies afgesny

Een ronde Camembert kaas,  in 8 langwerpige repe gesny

Plaas 'n sny brood bo-op 'n stuk spek,  plaas een stukkie Camembert naby die kant naaste aan jou en rol op.  Laat lê die rolletjie op die naat en steek vas met 'n stokkie. 

Bak hulle in 'n warm oond tot goudbruin. 

Een bol supermark-brooddeeg

Ongeveer 100 gdonker sjokoladeknopies 

Swart sout of ander vlokkies seesout

Rol deeg uit na ongeveer 1.5 cm en sny met  'n skerp mes in repe van 10-15 cm. Rangskik op 'n gesmeerde bakplaat of met koekmeel besprinkel.  Druk 'n rytjie sjokoladeknopies op elk en sprinkel met die sout.  Bak in 'n warm oond vir ongeveer 12-15 minute. 

8 Springboksosaties 

4 eetlepels gemaalde koffie

2 ferm pere, in blokkies gesny van so ongeveer 2 cm 

1 Sagte ryp peer 

1/2  blomkool, sag gestoom 

30 g botter

30 ml Willow Creek Parmesaangeur olyfolie 

Neutmuskaat

Sout en peper

Olyfolie vir panbraai

1 k rooiwyn

8-12 vars kersies

1 E suiker

Kruiesout 

15 g koue botter

Ryg die sosaties uit en herryg dit met die blokkies vars peer tussen in. Vryf met olyfolie. Geur goed met sout en peper en 'n bietjie Neutmuskaat. Rol liggies in die koffie. Braai die sosaties alkant in 'n lekker warm pan, lig tot mediumgaar en hou warm. 

Maak 'n puree van die sagte blomkool, peer en botter. Geur met die Parmesaangeur olie, Neutmuskaat, sout en peper. 

Reduseer die wyn, kruiesout en suiker in 'n oop pan oor hoë hitte tot amper met die helfte, sit die vars kersies by en laat nog bietjie indamp. Verwyder van die hitte en roer so 3 teelepels koue botter deur, vir ekstra glans. 

Bedien die sosaties bo-op die blomkool- en peerpuree met die glaseersousie bo oor. Die res van die blomkool kan jy in mooi "boompie"  vorms sny en in botter bruin braai en ook hierby bedien. 

1 ontbeende varklies, 800 g -1 kg, vel afgesny

Heel kruienaeltjies vir stip van vetrand, indien verkies, hulle het nogal sterk geur

4 tot 6 ryp, maar ferm vars pruime

Sout en peper

200 ml Willow Creek Balsemiekasyn

15 ml Hoisinsous

15 ml frambooskonfyt 

Kwart waatlemoen, in driehoeke of blokkies gesny

1 pakkie vars bronkors (watercress)  of vars roketblare 

Bessies soos Swartbessies, appelliefies of frambsose

1 wieletjie Fetakaas

Framboos gegeurde asyn

Willow Creek olyfolie

Sout en gemaalde swartpeper

Maak 'n  mooi patroon op die vet kant van die vleis en stip met kuienaeltjies. Plaas in 'n oondbak wat 'n deksel het of bedek met foelie en bak vir 90 minute by 150 of 160 grade Celcius. Sny die vel in repe en sprinkel goed met sout. Plaas op 'n bakplaat en bedek tot later. 

Sny die pruime in die helfte en verwyder die pitte. Hou 4 mooi halwes eenkant en sny die res in klein dobbelsteentjies. Plaas in 'n pan sonder 'n deksel en giet die balsemiekasyn by.  Kook af tot jy sien dis stroperig,  net ongeveer ‘n 1/3 moet oor wees. Roer die Hoisinsous en frambooskonfyt by en laat staan. 

Wanneer die lies sag is, verwyder uit die oond. Skakel die oond ongeveer 20 minute voor bediening op 200 - 220 grade celcius. Plaas die lies terug in die oond sonder die deksel saam met die 4 halwe pruime en bak tot bruin en bros. Plaas die repe vel ook nou in die oond om bros te bak. Ongeveer 20 minute. 

Rangskik die slaai op elke bord en bedien die varklies in skywe met die sous oor en krakeling daarby. 

3-4 ontbeende hoenderborsies, sonder vel, grof gesny

2 eiers

100 ml vars room

Geurmiddel soos kruiesout of speserye waarvan jy hou bv. vars kruie soos tiemie, basiliekruid of Dragon

1liter ligte hoenderaftreksel as posjeervloeistof 

500 ml Tamatiesap 

20 ml suiker

10 ml kruiesout 

5 ml  Agar Agar poeier

Meng al die bestanddele vir die hoendermoeselien baie goed met 'n stokversapper. Dit moet mooi fyn wees en 'n redelike stywe mengsel bly. Pasop om die menger nie te hard aanmekaar te laat werk nie, doen eerder bietjie vir bietjie. Hou die mengsel koud. 

Bring die aftreksel tot net by kookpunt,  maar dit moenie vinnig kook nie. Vorm ewe groot bolle en dompel hul verligter in die kokende vloeistof. Posjeer stadig totdat hulle goed ferm voel.  Kook tyd sal afhang van hoe koud die mengsel is wanneer dit in die vloeistof ingaan. Laat afkoel en verkoel verder in die yskas tot dit yskoud is. 

Meng al die bestanddele goed met die stokmenger. Kook vir een minuut. Verwyder van die stoof en laat afkoel tot amper gestol maar nog loperig. Dis wanneer die mengsel net warmer as kamertemperatuur sal wees. 

Neem 'n vurk en doop elke Moeselienbolletjie in die jellie vir 2 tot 3 keer. Laat afdrup en plaas op 'n bord om te stol. Dit behoort binne minute te stol. Garneer met 'n Tamatieblaartjie of takkie. Bedien dit saam met 'n slaai van murgpampoentjies in linte gesny, vars tamaties en roketblare. 

Bokmelkkaas of fetakaas sal ook lekker saam met hierdie gereg wees.  Dit kan as 'n pragtige somer-voorgereg bedien word of as ligte maaltyd. 

24 - 32 heel swartmossels, skoongemaak 

2 cm stuk vars gemmer, gerasper of fyn gekap (ek hou die skil sommer aan) 

1 - 2 toontjies knoffel, gekneus en fyn gekap 

1 houertjie vars koljanderblare, stingels afgebreek en blare grof gekap

1 rissie, saadjies uitgekrap en fyn gekap (opsioneel en soveel as wat jy verkies)

2 E Willow Creek Persian Lime gegeurde olyfolie 

Sout en swartpeper

200 ml aangemaakte aftreksel (groente of visgeur) 

1 blikkie klappermelk 

Gekapte Soetrissie, radyse en sprietuie vir garnering, asook ekstra koljanderblare of Pietersielieblare 

Maak die gemmer,  knoffel,  rissie,  koljanderblare en sout en peper saam met die olyfolie fyn in 'n vyseltjie of voedselverwerker tot 'n romerige pasta. Plaas dit in 'n Chinese braaipan (wok) wat 'n deksel het of 'n kastrol of 'n pan wat 'n deksel het en begin liggies braai. 

Sit die Mossels dan almal gelyktydig by en maak toe met die deksel.  Stoom op medium hitte vir ongeveer 6-10 minute.  Indien enige mossel nie oopgegaan het nie (nog baie styf toegeknyp is) moet jy dit verwyder. Giet nou die aftreksel en die klappermelk by en laat sonder die deksel effens indamp vir nog so 5 minute. 

Skep in opdienbakkies en sprinkel jou gekapte garnering bo oor. Bedien saam met vars gebakte brood. 

2 k fyngedrukte Soutbeskuitjies  (salticrax) 

3 eierwitte

1/2 k strooisuiker

1 k gekapte pekanneute

Genoeg Vrugtekoekkrummels om 'n tertpan uit te voer as kors. 

Maak die Vrugtekoekkrummels met die hand fyn en voer 'n gesmeerde tertpan daarmee uit deur die krummels styf vas te druk teen die bodem en die kante. Klits die eierwitte tot skuimerig en begin dan die strooisuiker bietjie vir bietjie bywerk,  totdat dit 'n gladde,  blink meringue-mengsel is. Vou die gekapte neute en beskuitjiekrummels deur die mengsel.  Vul die Vrugtekoek tertdop daarmee. Bak by 160 grade vir ongeveer 40 minute. 

Laat afkoel en sny stafies om saam met kase van jou keuse op 'n kaasbord te bedien,  of bedien dit saam met effens versoete geklopte room of roomys. 

3 eierwitte

175 ml witsuiker

100 ml gesmelte botter

100 ml koekmeel

1 ml amandelgeursel

gemaalde koffie vir sprinkel

So maak mens:

Klits die eierwitte en suiker saam tot suiker gesmelt en die mengsel spierwit is. Klits die gesmelte botter by, dan die meel en die amandelgeursel laaste. Bedek en verkoel vir ten minste 3 ure. Verhit oond tot 180 grade celcius. Knip 'n ronde vormpie van bakpapier met ongeveer 10cm deursnee en bespuit met kleefwerende sproei. Smeer ongeveer 1 teelepel van die deeg dun oor die papiersirkel en sprinkel dit met van die gemaalde koffie. Plaas op 'n bakplaat en bak vir ongeveer 6 tot 9 minute, of totdat die kante ligbruin verkleur. Werk nou baie vinnig. Trek die papier versigtig van die deeg weg, terwyl die beskuitjie nog warm en hanteerbaar is. Drapeer dit rondom 'n houtlepel se steel of gepaste ronde houtstokkie. Verwyder wanneer koud en bros is. Plaas in 'n lugdigte houer tot benodig.

200 g Donkersjokolade (dit sal nie werk met melksjokolade nie)

80 g botter

3 Ekstra groot eiers

Breek sjokolade in blokkies in 'n glasbak en sit die botter bo-op. Mikrogolf vir 1 minuut, roer goed en mikrogolf dan weer vir 30 sekondes. Roer glad. Roer eiers een vir een by. Die mengsel sal dik en glad en mooi blink word. Op hierdie stadium kan die mengsel in die yskas gehou word  of teen kamertemperatuur tot benodig. Verdeel die mengsel in koppies of ramekin-bakkies, net net halfvol. Plaas in mikrogolfoond twee twee, of vier, indien hulle pas. BELANGRIK: MAAK GAAR WANNEER JY DIT GAAN BEDIEN. Mikrogolf net totdat die mengsel begin opblaas en stop dadelik. Die mengsel moet nog nie ten volle geset wees nie; dit moet nog "jellierig" voorkom. Skep koffieroom op elkeen, of Vanieljeroomys. Garneer met 'n Amandel- en Koffiesigaar.

150 ml vars Dewfresh room

2 ml koffiepoeier

Klits tesame tot room vorm behou

250 ml Glutenvrye "All Purpose" koekmeel

375 ml Sagte Bruinsuiker

50 g Klapper

50 g gemaalde Amandels

10 ml bakpoeier

3 ml sout

4 Eiers

200 ml olyfolie (50 ml Willow Creek Persian lime + 150 ml Willow Creek Estate Blend)

1 Blik (400g) klappermelk

6 tot 8 ryp vye, 50 ml ekstra bruinsuiker en 50 g botter, in blokkies gesny

Vir die koffiestroop: 200 ml sterk koffie, 200 ml bruinsuiker afgekook tot stroperig

Vir die klapperroom: 1 Klein blikkie Coconut Cream (nie milk), oornag verkoel. Sny die blikkie onderstebo oop, sodat jy die water kan afgooi en net die klappervet vinnig kan oppof met 'n handklitser.

Verhit jou oond tot170 grade Celcius. Meng al die droë bestanddele. Dis 'n goeie idee om die klapper en gemaalde amandels eers liggies saam te verbruin in n matige warm pan. Meng die res van die bestanddele goed in 'n aparte mengbak. Meng dan die twee mengsels deeglik tot 'n dik beslag. Sny 4 van die vye, ongeskil, in die helfte. Berei 'n losbodem-koekpan deur dit goed te smeer en ook met bakpapier uit te voer. Stip dan die pan, bo-op die bakpapier met klontjies botter en sprinkel bruinsuiker daaroor. Plaas die vye snykant na onder in 'n sirkelpatroon daarop. Giet die beslag bo-oor die vye. Bak vir 50 minute of tot goudbruin en gaar. Koel af vir 10 minute voordat jy dit uitkeer, deur jou opdienbord oor die koekpan te sit en dit dan versigtig om te keer, en daarna eers die pan los te knip. 

Sny n kruisie in elk van die oorblywende heel vye, aan die stammetjie kant. Druk effens oop en stop 'n stukkie botter en bietjie bruinsuiker liggies daarin. Plaas in 'n oondvaste bak en bak of rooster tot net net bros en die suiker en botter gesmelt is. Gebruik as garnering by die koek.

Versier die koek deur dit liggies met versiersuiker te sprinkel. Bedien dit saam met koffiestroop en klapperroom.

3 ekstragroot eiers

1 eiergeel

15 ml Willow Creek Truffelgeur Olyfolie OF Parmesaangeur Olyfolie

2 ml sout

500 ml Dewfresh volroommelk

6 gerookte forellinte plus ekstra vir garnering

botter vir smeer van ramekinbakkies, of bottergeur baksproei

Berei 6 mooi bakkies voor deur hulle goed te smeer en voer die bodem met een forel lint elk uit. Jy kan dit in n sirkelpatroon doen, of die lint opdeel en net plat oor die bodem rangskik. Klits die eiergeel en die heel eiers met die olyfolie liggies saam. Verhit die melk tot net onder kookpunt en roer dit dan stadig, bietjie vir bietjie by die eiermengsel. Roer die sout ook in. Verdeel die vla-mengsel tussen die bakkies, giet dit net versigtig oor die forellinte. Bak teen 90 grade in die stoom oond vir 30 minute. (Of teen 160 grade in 'n waterbad in 'n gewone oond). Wanneer jy hulle uit die oond verwyder, moet hulle nog 'n parmantige wikkel hê wanneer jy die bakkie liggies skud. Indien dit egter nog baie loperig in die middel voorkom, is hulle nog nie gereed nie. Laat afkoel vir ongeveer 10 minute, op kamertemperatuur. Maak die kante net versigtig los deur dit met die vingertoppe van die kante af weg te trek. Keer hulle dan versigtig uit, deur 'n opdienbord bo-oor die bakkie te plaas en dan versigtig om te draai. Laat staan net so klein bietjie, die vla sal vanself loskom en afsak.

Bedien saam met roosterbrood, ekstra gerookte forel en vars vinkel. 

1 x Lamsblad

125 ml sagte bruin suiker

3 E fyn sout

Rookgoed:

2 sakkies elk Rooibostee en Swart tee,

2 eetlepels rou ryskorrels,

3 eetlepels bruinsuiker, 

1 kaneelstokkie, 

gebreek, 

1 teelepel koljandersade

Smeer die blad goed met ‘n mengsel van die sout en bruinsuiker, plaas dit in 'n digsluitende plastiekbak  en laat vir ten minste 48 uur in die yskas, draai ten minste 4 keer om want hy vorm ‘n oplossing waarin hy later lê. 

Berei ‘n rookpan voor deur die tee, ryskorrels, kaneel, koljander en suiker op die bodem van ‘n swart oondroosterpan te sprinkel. Verhit jou oond se onderste element tot hoogste verhitting, 230 grade Celcius en plaas die rookpan heel onder in die oond en die oondrak in die middel. 

Vee die lamsblad af en maak hom redelik droog met 'n vadoek of kombuispapier. Plaas dan die blad op die oondrak, bo-oor die rookpan in posisie.

Maak die oonddeur toe en moenie weer oopmaak nie. Wanneer die rookgoed begin smeul, neem tyd en hou die oond op hoog vir nog 15 minute en bring dit dan af na 110 Grade. Laat die vleis nog 40 minute so bly en skakel dan die oond af, maar moet nog nie oopmaak nie. Haal die vleis eers so 'n halfuur later uit. Maak toe met kleefplastiek en verkoel. Bedien in dun skywe saam met mosterd of uie- of olyfkonfyt.

600 g lamsmaalvleis

1 ui, fyn gekap

2 t kerriepoeier

2 E appelkooskonfyt

2 t sout

100 g pitlose rosyntjies

100 g Amandelvlokkies

2 eiers plus 1 koppie melk en 2 t kerriepoeier vir die eiervla

suurlemoenblare en piesang vir garnering

Meng die gekapte ui en al die speserye saam met rosyne en amandels met die vleis. Knie dit goed vir ten minste 4 tot 5 minute. Verdeel die vleis in die helfte en elke helfte dan in 3 dele. Verdeel weer elke stuk in 2 dan kan jy 12 Frikkadelle rol. Druk met jou vinger ‘n diep holtetjie in elke frikkadel en maak hulle staan in ‘n oonpan. Giet van die eiervla in elke gaatjie en druk ‘n suurlemoenblaar in elke holte. Giet ongeveer 1 koppie water om die frikkadelle in die pan. Ek hou ook daarvan om ‘n bietjie Willow Creek Suurlemoen gegeurde Olyfolie rondom en bo-oor te spat, vir ekstra geur. Bak hulle in die oond op 180 grade tot goudbruin. (Hulle gaan eers bietjie stoom, totdat die water opraak en dan sal hulle bruin bak.) Garneer elk met n dungesnyde piesangskyfie en geroosterde amandel.

Bestanddele:   

1 x geknakte lamsrib - goed gesout, na smaak

Dun doek soos 'n moeseliendoek, asook tou om vas te maak voor ‘n waaier

Metode:

Sout die ribbetjie goed aan beide kante. Hy moet nogal wit van die sout wees. Draai hom goed toe met ‘n teedoek of moeseliendoek en knip vas met wasgoedpennetjies. Hang hom aan ‘n stoel voor ‘n waaier waar die kat of die hond hom nie kan kry nie. Draai nou en dan die ander kant na die waaier. Hy kan oornag so hang.

Plaas die rib op ‘n roosterrak in ‘n oondpan en braai bros so by 180 grade vir 30-40 minute.

Skenkelpastei:

Bestanddele:

1 x kleinerige skenkel per persoon, besprinkel met koekmeelblom en sout

1 groot geelwortel, gerasper

4 heel kruienaeltjies

1 groot ui, grof gekap

2 tamaties, grof gekap

2 takkies roosmaryn en ‘n bossie vars tiemie, aanmekaar vas as bouquet garni

1 koppie witwyn, 1 koppie water, 1 koevertjie tamatiepasta (opsioneel)

Krummel: 1 1/2 k Koekmeel, 1 E Ina Paarman Roosmarynsout, 1 takkie vars roosmaryn, gestroop en gekap, 80 ml Willow Creek olyfolie (koud)

Verbruin die vleis alkante in ‘n swaarboomkastrol met olyfolie. Sit die voorbereide groente by (tamaties, ui, wortel). Jy kan ‘n bietjie knoffel bysit as jy wil. Sit die kruienaeltjies en die kruiebossie by. Meng die tamatiepasta met die wyn en die water as jy dit gebruik. Giet die wynmengsel oor en plaas die deksel op die kastrol. Stowe op lae hitte amper die hele dag. Maak weer nat met bietjie water en bietjie wyn elke keer as dit naby droogkook kom. Wanneer die vleis baie sag en die groente ‘n dik sous gevorm het, kan jy die skenkels staanmaak in ‘n oop pasteibak. Skep die groente en sous oor die skenkels. Vryf die koekmeel, saam met die kruiesout, fyngekapte roosmaryn en die koue olyfolie met jou vingerpunte tot dit soos growwe broodkrummels lyk. Pak dit versigtig bo-op die skenkels en bak dit oop vir ongeveer 40 minute in 'n 180 grade oond.

6 tot 10 Lamstertjies

Een groot geelwortel

Een groot ui

Knoffel na smaak

4 kruienaeltjies

Sout

Plaas die stertjies in ‘n drukkoker, saam met die geelwortel, kruienaeltjies, ui en sout. Bedek met koue water. Stoom vir 40 minute. Verwyder die stertjies uit die aftreksel en plaas in ‘n roosterpan. Sprinkel goed met soutvlokkies en bietjie wit peper. Bak tot bros, by 190 tot 200 grade, seker so 20 minute.

Benodigdhede:

Soufflé:

45 ml (3 E) botter

100 g koekmeel

500 ml melk

100 g Gorgonzola kaas

4 Ekstra groot eiers, geskei

Vrugte:

6 ryp pruime

6 blokkies koue botter, dobbelsteentjie grootte

6 eetlepels klewerige bruinsuiker

Sous:

50 ml brandewyn

4 eetlepels Fruit Mince

100 ml Muscat de Frontignan of ander soet wyn soos Madeira

15 ml Willow Creek Blood Orange gegeurde olyfolie

Bestanddele:

Smelt die botter oor matige hitte in 'n kastrol en roer die koekmeel daarby, braai dit tot effens bruin en soos growwe broodkrummels lyk. Roer die melk bietjie vir bietjie by met 'n ballonklitser en roer dit elke keer tot 'n pasta voor die volgende byvoeging. Roer die kaas deur totdat dit gesmelt is. Verwyder van die hitte en roer die eiergele by. Wanneer heeltemal afgekoel, vou styfgeklitste eierwitte in. Verdeel in gesmeerde soufflé bakkies. Moenie meer as halfvol maak nie.

BAIE BELANGRIK. 45 MINUTE VOOR BEDIENING:

Warm oond op tot 190 grade Celcius. Plaas die bakkies in 'n oondpan met n bietjie louwarm water in. Bak vir 10 minute en verlaag dan die oondtemperatuur tot 180 grade en bak 'n verdere 25 minute. Alternatiewelik kan jy die soufflé vir die eerste 10 minute in 'n stoomoond bak teen 100 grade en dan verplaas na die konvensionele oond. Bedien dadelik saam met die pruime en vrugtesous.

Pruime:

Sny 'n kruisie aan die bokant van elke pruim en druk met jou vingers effens oop. Plaas 'n blokkie botter en 'n eetlepel suiker op elkeen. Rangskik hulle in 'n oondvaste bak en bak hulle 20 minute.

Vrugtesous:

Roer die gemaalde vrugte, wyn en brandewyn in 'n matige warm pannetjie totdat dit mooi gemeng en warm is. Roer laastens die gegeurde olyfolie by.

4 Ontbeende hoenderborsies, jy kan die vel aanhou as jy daarvan hou

8 groot swart sampioene

1 komkommer, in dun linte geskraap met ‘n groenteskiller, hou dit in ‘n verseëlde houer in bietjie koue water en ‘n paar druppels suurlemoensap.

1 bossie vars koljanderblare

1 stukkie (2 cm) vars gemmerwortel, fyn gekap of gerasper

2 knoffelhuisies, gekap

150 ml sojasous

100 ml Willow Creek Suurlemoengeur olyfolie

2 E Willow Creek Thai Olyfpesto

olyfolie en botter vir braai

Maak 'n marinade deur die gekapte knoffel, die helfte van die gemmer, helfte van die koljanderblare, 100 ml van die sojasous en 50 ml suurlemoenolie in jou versapper saam te meng. Marineer die hoenderborsies vir ten minste ‘n uur, of selfs oornag daarin.

Maak die sous vir die komkommerlinte:  versap die orige knoffel, gemmer, koljanderblare, 50 ml sojasous en  50 ml suurlemoenolie. 

Trek die velletjies van die sampioene versigtig af. Braai hulle in ‘n klein bietjie olyfolie tot sag. Sprinkel liggies met sout en dreineer op kombuispapier.

Haal die hoenderborsies uit die marinade en vee hulle liggies met kombuispapier af. Stoom dit vir 10 minute. Maak droog en braai dan in ‘n bietjie olyfolie en ‘n klontjie botter bruin alkante. Verwyder van hitte en smeer hulle met die Thai Olyfpesto.

Plaas ‘n hoenderborsie bo-op  een swart  sampioen. Meng die komkommerlinte goed met die sous en plaas ‘n hopie linte bo-op die vleis en bedek met die ander sampioen. Bedien saam met groente tjippies of ‘n vars tamatieslaai.

600 g Volstruismaalvleis 

2 Eetlepels Willow Creek Tapenade

1 ui, fyn gekap

olyfolie vir braai

4 broodrolletjies, liggies in Willow Creek se knoffelolyfolie gerooster op snykante

Roketblare 

Vir die uiekonfyt:

2 groot uie, in fyn ringe of repe gesny

1 k ligte bruinsuiker

1 kleinerige rou beet, gerasper, of 2 eetlepels ingemaakte  beet

1 teelepel sout

Maak die uiekonfyt, deur die uie op stadige hitte in ‘n klein bietjie olie te verbruin. Sit die ander bestanddele by en laat stadig prut vir  ‘n uur totdat ‘n taaierige konfyt vorm. As jy daarvan hou, kan jy ‘n eetlepel balsamiese asyn inroer teen die einde. Skep in ‘n flessie.

Vir die Burgers:

Meng die tapenade, gekapte ui en vleis goed. Die tapenade behoort sout genoeg te wees, maar jy kan sout bysit indien verkies. Knie die mengsel 'n bietjie en verdeel dan in vier. Vorm ronde frikkadelle en druk hul effens plat. Maak met die duim 'n holte in die middel van elke pattie. Braai die patties op mediumhitte in ‘n bietjie olyfolie tot goed bruin aan een kant en draai dan om. Braai so gaar as verkies. Medium tot lig is baie lekker, veral omdat volstruismaalvleis nie vetterig is nie. 

Bou die burgers deur 'n paar roketblare op die onderste rolletjie te sit, dan 'n pattie en laastens bedek dit mildelik met die uiekonfyt. Bedien saam met heerlike bros aartappelwiggies.

Wenk: Gekrummelde bloukaas of skyfies Camembert is heerlik as ‘n ekstra byvoeging tot hierdie burgers.

Benodigdhede:

1 heel broccoli en 1 heel blomkool, sag gestoom

1 liter hoenderaftreksel

500 ml vars Dewfresh room

50 ml Boplaas Port

Sout en Peper

4 groot murgbene, 'n paar uur in sterk soutwater in yskas geweek

1 Chorizo worsie in mooi fyn dobbelsteentjies gesny

1 rooi ui fyn gekap

Vir die kamma brioche: 

1 deegbol, by supermark gekoop

1 wiggie Simonzola bloukaas

1 eier en deegkwassie

Metode:

Voorverhit jou oond na 200 grade Celcius. Berei 6 muffinpannetjies voor. Klits die eier liggies en hou eenkant om oor die broodjies te verf. Verdeel die deeg in 6 ongeveer tennisbalgrootte bolletjies en sny die kaas op in 6 stukke. Trek elke bolletjie plat en vou 1 blokkie kaas binne-in toe. Vorm ‘n mooi ronde broodjie met 'n puntjie bo. Plaas dit met die puntjie na bo, in die pan. Verf elkeen met eier. Bak die kamma brioche vir 20 tot 30 minute, klop aan die onderkant om te hoor of dit 'n hol klank het, dan is hulle gaar.

Stoom die murgbene liggies deur hulle net in ‘n klein bietjie water te laat staan en in 'n pan met deksel vir 3 minute te stoom. Laat koel af en stoot die stukkies versigtig uit. Sny in klein wieletjies en hou eenkant. 

Puree die broccoli en blomkool apart mooi fyn en verdeel die aftreksel en room tussen die twee mengsels. Verhit tot kookpunt, maar moenie weer kook nie. Geur die twee soppe elk met 25 ml Port en sout en peper na smaak.

Braai die rooi ui en Chorizo net vinnig tot bros. Verwyder uit die pan en gebruik dieselfde pan om die murgstukkies net voor bediening baie versigtig net vinnig te verbruin sonder om dit weg te braai na olie

.

By opdiening, skep die sop versigtig in sopborde sodat die twee langs mekar lê, maar nie in mekaar vloei nie. Sprinkel van die Chorizo en uie oor een kant en stip die ander kant met murgstukkies. Jy kan verder garneer deur ‘n strepie in die middel af te trek met Willow Creek se Balsemiek stroop of met ‘n baie fyn beetpuree.

Bedien saam met  die bloukaasbroodjies en ‘n glasie Boplaas Cape Ruby Port.

4 Kasslertjops 

olyfolie vir panbraai

Vars salieblare

3 skywe vars pynappel, in fyn dobbelsteentjies gesny

granaatpitte

250 ml Dewfresh Fruiticool Pynappelgeur suiweldrankie

2 ml Ina Paarman Roosmaryn kruiesout

4 Aartappels

200 g botter

sout en peper na smaak

Braai die vleis in ‘n klein bietjie olyfolie mooi bruin en hou eenkant warm onder foelie. Gooi die Dewfresh Fruiticool in dieselfde pan as waarin die vleis gebraai is, sprinkel die roosmarynsout oor en laat indamp oor hoë hitte totdat dit ‘n stroperige sous is, ongeveer die helfte sal oorbly. Verwyder van die hitte en roer 20 ml koue botter by. Sny 3 tot 4 Salieblare fyn en meng dit met die pynappelstukke en granaatpitte, geur met sout en swartpeper.  Maak seker die vleis is nog warm, anders verhit dit deur vinnig weer in die pan te braai. Bedien die salsa bo-op die vleis en giet van die Fruiticool stroop rondom. 

Sny aartappels sonder om af te skil, in ongeveer 1 cm dik skywe en druk mooi sirkels uit met ‘n koekiedrukker of gebruik net so indien verkies. Smelt al die botter in 'n braaipan met ‘n deksel oor oor matige hitte en sit die aartappelskywe daarin om stadig gaar te posjeer in die botter met die deksel toe. Hou die hitte middelmatig en toets vir gaarheid met ‘n stokkie.

150 g fyn biltongpoeier

50 g sagte Deense Fetakaas

150 ml Creme Fraiche of Dewfresh suurroom

250 ml sterk rooibostee

15 ml heuning

15 ml suurlemoensap

3 ml Agar Agar poeier

1 Stafie sagte bokmelkkaas

50 g bosbessies (cranberries)

50 ml gesmelte botter

100 ml Creme Fraiche of Dewfresh suurroom

150 ml fyn beetpuree (kook beet sag en puree baie fyn of druk deur ‘n sif)

100 ml wit wyn

15 ml suurlemoensap

2 ml sout

3 ml Agar Agar poeier

400 g soutsnoek, gaar gestoom en gevlok van die grate af

100 g sagte Deense Fetakaas

100 ml Dewfresh vars of suurroom

15 ml Willow Creek Suurlemoengeur olyfolie

15 ml vars suurlemoensap

15 ml gesnipperde grasuie

Maak die drie patees deur die bestanddele baie goed te meng in ‘n voedselverwerker op polsverstelling. Verkoel vir ten minste 20 minute en vorm dan happiegrootte bolletjies met die biltong- en die bokmelkkaas patees. Hou in die yskas. Skep die snoekpatee in ‘n mooi opdienbakkie.

Maak die jellies deur die bestanddele alles saam in ‘n kastrol vinnig vir een minuut te kook. Verwyder van die hitte en wanneer die jellie begin dik raak, doop die pateebolletjies onderskeidelik in die jellie wat daarby gaan met ‘n sosatiestokkie. Laat op kamertemperatuur stol. Die jellielaag kan 'n uur voor bediening gedoen word. Garneer elke bolletjie met ‘n kruietakkie.

Bedien met Melba roosterbrood of krakerige soutbeskuitjies.

8 hoenderstukke soos boudjies en dytjies, of een heel hoender

2 knoffelhuisies, fyn gekap

150 ml suurlemoensap

50 ml witwynasyn

100 ml Willow Creek olyfolie

30 ml Braaispesery (Steak en Chop)

30 ml Paprika

5 ml Peri-Peri poeier (meer of minder na smaak)

Maak 'n marinade deur al die bestanddele vir die marinade in jou versapper of met jou stokmenger baie goed te meng. Marineer die hoenderborsies vir ten minste ‘n uur of selfs oornag in ‘n glas- of keramiekbak.

Rooster die hoender op 180 grade in ‘n oop roosterpan vir 30 minute. Verhoog dan die hitte na 200 grade en rooster ‘n verdere 10 minute.

1 medium aartappel per persoon, sag gekook, skil afgetrek, grof opgesny en hou warm

1 Mediumgroot Rooi ui, fyn gekap

10 tot 12 Kersietamaties, blokkies gesny

100 ml witwynasyn

100 ml Willow Creek Olyfolie

Sout en Peper na smaak

Meng die sousbestanddele goed saam en laat staan vir 5 minute of tot benodig. Roer die sous versigtig deur die warm aartappelblokkies net voor opdiening.

Wenk: hierdie slaai werk uitstekend by sterk visgeregte soos Sardientjies of gebraaide vis.

1 mediumgroot komkommer, ongeskil, maar saadjies verwyder. Sny in mooi klein blokkies.

80 g Sagte Fetakaas, in blokkies gesny, of gekrummel

30 ml Willow Creek Suurlemoengeur Olyfolie

Meng alles net liggies voor opdiening.

Wenk: Met ‘n eetlepel fyngesnyde kruisementblare by, is hierdie ook lekker as sambal by warm kerriegeregte.

1 heel gepekelde beestong

1 tot 2 eiers, in 'n bakkie gebreek en liggies geklits

Broodkrummels

2 E Paprikapoeier

Botter en Willow Creek Parmesaangeur olyfolie vir braai

1 Briekaas

2 vars ryp geel pere, oorlangs opgesny in plus minus 5 mm dikte

150 g koue botter, in blokkies gesny

150 ml witwyn

30 ml witasyn 

1 klein ui, gekap

Kook die heel beestong in 'n drukkoker,  heeltemal bedek met water, vir 60 minute. Geen sout of geurmiddels word benodig nie aangesien die tong gepekel is.

Meng die broodkrummels en die Paprikapoeier. Verwyder die vel en sny die tong in skywe van ongeveer 5 mm dikte. Doop elke stukkie tong vinnig in die eier en rol dan in die broodkrummelmengsel. Hou eenkant tot benodig. 

Kook die witwyn,  asyn en gekapte ui saam in 'n oop pan oor matige hitte vir ongeveer 6 minute om met die helfte in te damp. Verwyder van die hitte en giet deur 'n sif oor na 'n ander bak om die ui te verwyder. Met 'n ballon klitser,  roer die koue blokkies botter deur die wyn aftreksel,  totdat dit 'n romerige dik sous vorm.  Moet glad nie weer opwarm nie en moenie die botter alles tegelyk probeer inroer nie. 

Braai die peerskywe en die tong skywe onderskeidelik liggies in 'n mengsel van Parmesaanolie en botter. 

Sny die Brie in wiggies en rangskik tongskywe, Peer en Briewiggies in borde en bedien saam met die Bottersous en mooi groen kruieblaartjies soos ertjiespruite of mikrokruie. 

1.5 kg beesstert, mooi afgewas en onnodige vet afgesny

1 koppie koekmeel 

Speserye: 15 ml braaispesery, 5 ml kaneel,  5 ml fyn koljander,  1 ml fyn naeltjies 

10 ml sout

Olyfolie vir braai van vleis 

375 ml rooiwyn

500 ml Dewfresh Famous Stock,  biefgeur

1 koevertjie tamatiepasta

Vir die geurgroente: 

2 geelwortels

1 raap

2 preie

1 ui

1 of meer knoffeltoon,  

alles mooi in dobbelsteentjies gesny

1 blokkie dadels,  fyn gebreek

Gemengde droëvrugte soos pruimedante, droë perskes, appelkose,  appels

125 ml sjerrie

125 ml brandewyn

125 ml water of lemoensap 

Braai stukkies ontbytspek baie bros en droog goed af met kombuispapier.  Wanneer dit heeltemal koud is, verwerk tot krummels in jou voedselverwerker. 

Meng die speserye,  sout en meel en rol die afgedroogde vleisstukke daarin.  Braai die stukke mooi bruin in jou drukkoker. Bedek nou die vleis net goed met water,  voeg een teelepel sout by en stoom tot sag,  vir plus minus 50 minute. Dit sal afhang van die kwaliteit van die vleis,  asook jou drukkoker. 

Braai die geurgroente (mirepoix) in 'n bietjie botter en olie en sit die vleisstukke sonder die kook vloeistof, wat jy eenkant sal hou tot later,  by.  Voeg die rooiwyn,  dadels, tamatiepasta en die Dewfresh aftreksel nou by en stowe verder stadig op 'n stoofplaat of in die oond vir plus minus 40 minute. 

Stowe die vrugtemengsel in die sjerrie en brandewyn saam met 'n klein bietjie water en 'n knippie sout in 'n klein kastrolletjie vir ongeveer 20 minute tot sag.

Bedien saam met romerige kapokaartappels waarby geroosterde knoffel ingeroer is. 

12 ekstra groot Alzu Vryloopeiers, ouer is beter as vars

2 x 200 g Crème Fraîche 

Sout en peper 

Korrelmosterd of skerp Engelse Mosterd

Geroomde Peperwortel 

Wasabi 

Tamatiepasta 

Alternatiewelik gebruik gegeurde roomkaas van keuse

Verskeidenheid mikrokruie 

Klein radyse in baie dun skyfies gesny

Swart sesamsaadjies

Biltongpoeier 

Eetbare blommetjies soos dié van roosmaryn en tiemie

Dun repies gerookte salm

Plaas die eiers in 'n groot kastrol en vul tweederdes vol met koue water. Bring tot kookpunt en laat die water tot 'n rollende kook kom. Skakel af en verwyder van stoofplaat. Neem tyd en laat staan vir 10 minute. Giet die warm water af en bedek die eiers met yskoue water. Verwyder die doppe en sny oor die lengte in twee. Meng nou die eiergele met al die crème fraîche. Verdeel die mengsel in sowat 4 verskillende bakkies en geur elk met jou geure van keuses soos mosterd, Peperwortel of Tamatiepasta. 

Skep in spuitsak en vul die holtes van die witte. Garneer met jou "speelgoed". 

4 tot 6 Vars Alzu vryloopeiers 

4 Gerookte salmlinte

Avokado in blokkies gesny

Vars rissie, indien verkies

Sout en swartpeper 

Soutbeskuitjies 

Breek 4 eiers in 'n mengbak en klits goed.  Moet geen melk, room of water byvoeg nie. Verhit 'n goeie nie-kleef pan tot matig warm en smelt sowat 2 eetlepels botter daarin. Giet die eiers in en stoot dit stadig vanaf die kante na die middel met 'n houtlepel. Wanneer die eier soos dik room word,  trek die pan onmiddellik van die hitte af, roer net nog effens en laat staan tot nodig vir happies of bedien dadelik. 

Verdeel die Romerige roereier tussen die Soutbeskuitjies en Garneer elk met 'n repie van die gerookte salm, blokkies Avokado en laastens rissie en sout en swartpeper. 

200 g skoongemaakte bieffilet,  fyn gesny en gekap sodat dit amper soos fyn maalvleis lyk. 

3 t gekapte kappertjiesaad 

3 t fyngekapte rooi ui

3 t fyngekapte agurkies

10 ml boereworsspesery (mengsel van koljander, naeltjies, komyn en braaispesery) 

15 ml tamatiesous

15 ml balsemiese asyn

15 ml Worcestershire sous

Tabasco na smaak

1 fyngekapte hardgekookte eier, of 1 eiergeel liggies geklits met 'n vurk

Meng alles goed,  behalwe die gekapte eier of eiergeel. Plaas hopie op Soutbeskuitjies en Garneer met die eier en 'n sprinkel fyngekapte pietersielie of ander vars kruie. 

Karamel: 

60 ml louwarm water waarby 120 g wit suiker gevoeg is.

Kook oor matige hitte in 'n klein kastrolletjie totdat die stroop 'n mooi karamelkleur aanneem. Verdeel die mengsel tussen ramekin bakkies wat bespuit of gesmeer is. 

3 heel Alzu vryloopeiers plus 2 eiergele

600 ml Dewfresh volroommelk of 400 ml Dewfresh melk aangevul met 200 ml Dewfresh room

100 g wit suiker

5 ml vanieljegeursel

Knippie sout

Strooisuiker vir bo-oor 

Blaasvlammetjie 

Verhit oond tot 140 grade celsius en berei 'n oondbak voor as bain marie (maak een derde vol met water). Klits die eiers en gele goed saam,  voeg die vanieljegeursel, sout en suiker by. Verhit die melk tot amper kookpunt en klits dan bietjie vir bietjie by die eiermengsel. Verdeel die vlamengsel bo oor die karamel in die bakkies. 

Plaas in die bain marie en bak vir sowat 30 minute. Dit moet net net gestol wees,  maar nog wikkel wanneer jy die bakkie effens skud. Laat afkoel en sprinkel goed met strooisuiker,  waarna jy die suiker versigtig verbruin met die Blaasvlammetjie. 

Jy kan dit uitkeer en garneer met 'n blommetjie of 'n sprinkel versiersuiker of in die bakkies bedien. 

4 mooi Ribeye steakskywe, ongeveer 200 - 300g elk

Olyfolie 

Sout en peper 

4 mooi groterige stukke hoender- of eendlewertjies, skoongemaak van vliese en stringe

Olyfolie en n klontjie botter vir braai

sout en peper

500 ml Merlot of ander goeie rooiwyn

1 ui, fyngekap

1 toon knoffel, fyn gedruk en gekap, opsioneel

50 g koue botter in blokkies gesny

15 ml Willow Creek Truffelgeur olyfolie

Sout en peper

1 houertjie eksotiese sampioenverskeidenheid of bruin sampioene

botter vir braai

klein knippie sout

Donker sjokoladeskaafsels (opsioneel)

Maak ‘n goeie swaaryster steakpan, verkieslik met riffels, goed warm (rookwarm). Smeer die vleis goed met olie. (Moenie olie in die pan sit nie, dit rook onnodig.) Braai die steak mooi bruin aan elke kant. Moenie die vleis lostrek van die pan voordat dit nie maklik vanself loskom van die pan as jy dit wil omdraai nie. Voel aan die sagtheid van die vleis om te besluit hoe gaar dit is; hoe “stywer” die vleis voel, hoe gaarder is dit. Vir mediumgaar steak, moet jy ophou braai wanneer dit nog medium-lig gaar is, vir die steak om te rus. Geur met sout en peper en hou warm onder foelie, in ‘n dieperige bak, sodat die sappe wat loskom, opgegaar word. Jy wil dit later in die rooiwynsous inroer.

Braai die eendlewer ook net tot bruin, maar nog heel sag en pienk, in ‘n ander pan met ‘n bietjie olyfolie en botter. Geur met sout en peper en hou saam met die vleis warm onder foelie. (Verkieslik nie in die oond nie, jy wil nie hê die vleis of die lewer moet verder gaar word nie.)

Braai nou die uie en knoffel, indien jy dit gebruik, in dieselfde pan as waarin jy die lewertjies gebraai het, tot net sag. Gooi die wyn by en skraap die bodem met ‘n houtlepel. Laat die sous indamp totdat net die helfte oor is. Verwyder van die hitte, geur met sout en peper en roer die koue botterklontjies en die truffelolie by.

Braai die sampioene net vinnig in botter, hulle word gou mooi goudbruin. Hou eenkant tot opdientyd.

Wanneer jy bedien, warm weer die steakpan goed op en sit die steaks terug om net weer goed warm te raak. Roer nou die vleissappe wat in die bakkie opgegaar het, deur die Merlot sous. Plaas ‘n stukkie lewer op elke steak, giet sous oor en laastens sampioene bo-op en ‘n paar skaafsels sjokolade indien gebruik.

800 g Steak soos kruisskyf of Sirloin,  met 'n lekker vetrand

50 g droë broodkrummels 

1 eiergeel

Sout,  peper en vars knoffel, indien verkies

750 ml Pinotage

5 ml gekneusde,  geskroeide koljandersade 

3 lourierblare

1 ui of 'n paar salotte,  fyn gekap

50 ml appelkooskonfyt of Blatjang

200 ml Willow Creek Olyfolie

250 ml Bruismeel

1 Ekstra groot eier

150 ml Dewfresh melk

5 ml Sout

Maak die Pinotagesous eerste. Kook die wyn in 'n wyebasis kastrol saam met die geurmiddels en die ui tot daar ongeveer 250 ml oor is. Giet deur 'n vergiettes en gooi die ui en lourierblare weg. Klop nou die olyfolie en die appelkooskonfyt/blatjang by met 'n stokmenger of 'n ballonklitser. 

Sny die Steak in repe, al kleiner en kleiner totdat dit soos growwe maalvleis lyk.  Meng die vetgedeeltes goed met die vleis. Meng dan die broodkrummels en eiergeel by en geur met sout en peper. Knie die mengsel effens en vorm patties. Onthou om elk 'n duikie bo-op te gee, sodat jy mooi ronde gaar patties het. Panbraai soos verkies, dit kan lekker pienk binne bly aangesien daar slegs Steak in is en geen vark by nie. Braai hamburger rolletjies op die snykant liggies goudbruin in 'n bietjie botter. Maak burgers met vars roketblare, vars ui en die patties en Pinotagesous. 

Verhit ongeveer 600 ml kookolie in 'n kastrol tot goed warm maar nie rokerig nie.  Toets deur 'n druppel deeg in te laat val, as daar borreltjies ontstaan is die olie gereed. Gebruik groot uie en sny dik ringe. Maak 'n deeg met die bruismeel, eier en melk en doop die uieringe een vir een daarin. Laat effe afdrup en sak versigtig in die olie in. Braai net goudbruin en doen net so twee op 'n slag. 

1 koppie saggestoomde botterskorsie,  fyngedruk (effens warm) 

125 g sagte roomkaas (kamertemperatuur) 

1 ekstra groot Vryloopeier

3 eetlepels Psylliumdoppies

3 eetlepels amandelmeel of glutenvrye koekmeel

Bietjie ekstra glutenvrye meel vir rol

Olyfolie vir panbraai

Ongeveer 100 g botter

Parmesaankaas vir afronding

Willow Creek Parmesaangeur olyfolie

100 ml Dewfresh Room

Gesnipperde basieliekruid 

Meng die pampoen, roomkaas, eier,  doppies en meel goed. Vorm 'n lang dun worsie van so ongeveer 2 cm in deursnee. Sny dan in klein stukkies met 'n mes en rol dit liggies in meel. Verhit 'n braaipan met 'n klein bietjie olyfolie en 'n paar klontjies botter.  Braai dan Gnocchi-stukkies tot alkante goudbruin. Hou warm. 

Plus minus 500 g bees-kookvleis

Plus minus 500 g beesstert

Gekapte Geurgroente: preie,  wortels, uie, knoffel

250 ml wit wyn

1 blikkie tamaties

1 koevertjie Tamatiepasta 

'n paar takkies elk vars tiemie en roosmaryn 

Braai die vleis en die geurgroente in 'n swaarboomkastrol in 'n klein bietjie olyfolie mooi bruin. Dit help om 'n klein bietjie koekmeel oor te sprinkel, so onderwyl jy braai en met houtlepel roer. Voeg nou die wyn,  blikkie tamatie,  die Tamatiepasta,  vars kruie en sout en peper by. Maak goed toe met foelie en 'n deksel. Stowe baie stadig vir ten minste 3 ure. Koel af tot dit hanteerbaar is. Skraap van die vet wat bo-op vergader het,  so goed as moontlik af en ontbeen die vleis. Verhit weer goed net voor bediening. 

Rond die Pampoen Gnocchi met die beesvleissous af,  deur, as jy wil,  'n klein bietjie room onder in jou pasta bakkies te giet, Parmesaangeur olyfolie,  Parmesaankaas en gesnipperde basiliekruidblare bo-oor. 

4 Wildebees of ander wildsfilet Steaks,  elk 250-300 g

Olyfolie en botter vir braai

16 pitlose pruimedante (week in whisky) 

100 ml whisky 

1 ui, fyn gekap 

15 ml Willow Creek knoffelgeur olyfolie of een klein toontjie knoffel,  gekneus en gekap 

250 ml vars Dewfresh room

Sout en peper na smaak

Gekrummelde bloukaas,  na smaak

Bykos:

2 tot 3 mediumgrootte soetpatats,  effens sag gekook en in skywe gesny 

Olyfolie en botter vir braai

Verhit 'n yster-steakpan tot rookwarm. Smeer Steak goed in met olyfolie. Braai die vleis alkante goed bruin.  Onthou om nie die vleis los te torring van die pan,  alvorens dit nie maklik vanself loskom nie. Dit breek onnodig die weefsel en laat die vleissappe uit. 

Hou die Steaks eenkant in 'n bord onder foelie -  nie in die oond, nie want dit moenie verder gaar word nie. 

In dieselfde pan,  braai die gekapte ui en gedreineerde pruimedante liggies saam met 'n klontjie botter. Voeg die whisky by en laat vinnig kook.  Voeg dan die room by en reduseer effens,  totdat die sous bly kleef aan 'n lepel se agterkant. 

Braai patatskywe in geurige olyfolie en 'n klontjie botter in 'n matig warm braaipan. Giet die vleissappe wat vergader het in die bord waarin jy die vleis warm gehou het,  by die roomsous en roer deur.  Hou die sous in 'n bakkie. Verhit die Steaks en braai hulle na wense verder gaar. 

Bedien op opgewarmde borde met die sous bo-oor en sprinkel bloukaaskrummels oor indien verkies. 

1 tot 2 goeie kwaliteit varkworsies per persoon

Vars kruie: salie, vinkel en pietersielie, gekap

1 tot 2 soetpatats, geskrop en in skywe gesny

1 botterskorsie, gewas en in skywe gesny,  pitte verwyder

3 E botter

3 toontjies knoffel,  gerooster tot goudbruin

Sout en peper 

2 groot uie, in fyn ringe gesny

150 ml Jakkalsvlei Rooi Muskadel 

2 groen appels

1 knol vinkel

1 lemoen se sap

'n Paar Koemkwats, gesny met skil en al

Begin eerste met die uiemarmalade.  Plaas die gesnyde uie in 'n swaarboompan op lae hitte saam met 'n klein bietjie van die Muskadel.  Los dit op lae hitte sodat die uie stadig begin braai en verbruin.  Giet deurentyd weer 'n bietjie Muskadel by totdat dit opgebruik is en die uiemarmalade goudbruin en taai is. Geur met sout en peper. 

Druk die vleis van die Worsies uit die derm en meng goed met die vars kruie. Vorm klein frikkadelletjies  en panbraai in matige warm pan met 'n klein bietjie olyfolie tot mooi bruin en gaar. 

Kook die botterskorsie en patats saam tot sag en verwerk tot 'n mooi fyn moes terwyl dit nog warm is. Geur met sout en peper en die botter. 

Sny die appels in skywe en giet die lemoensap dadelik oor.  Sny die vinkelknol in mooi dun skyfies en kap dit fyn.  Meng dit en die fyngesnyde Koemkwats met die appels.  Geur met sout en peper. 

Bedien die frikkadelletjies op die botterskorsie/patat-moes met die bros appelslaai aan die kant. 

+- 1 kg wildswors 

250 ml rooiwyn 

1 houertjie Beef "stockpot" jellie 

1 pak bruin lensies 

1 ui,  gekap 

Halwe pakkie songedroogde tamaties,  fyn gesny 

1 E Willow Creek Blood Orange olyfolie 

1 soetrissie, geel, rooi, groen of gemeng,  fyn blokkies gesny 

Gremolata : 

Klein bossie Pietersielie 

1 E gerasperde lemoenskil 

1 E gerasperde suurlemoenskil 

1 klein toontjie knoffel,  gekneus en gekap 

Braai die wors in 'n warm pan net mooi bruin.  Verwyder uit die pan en hou  warm in jou lou oond. Plaas die rooiwyn in dieselfde pan en laat oor hoë hitte indamp tot ongeveer 100 ml (minder as die helfte moet oorbly). 

Hou eenkant.  Kook die lensies in genoeg kookwater,  sonder sout,  vir 15 minute.  Gooi die water af. Braai die uie,  soetrissie en songedroogde tamaties net liggies en roer die lensies daarby. Giet dan die rooiwynaftreksel en die lemoengeur olyfolie oor en roer die aftrekseljellie deur.  Laat dit 'n klein bietjie stoom onder 'n deksel vir so 4 minute. Bedien dan saam met die wors en die Gremolata,  wat die sitrusskil, knoffel en gekapte pietersielie is, bo-oor gesprinkel. 

4 groot swart sampioene,  trek velletjies af

4 klein blokkies botter

Sout en peper

8 krapstokkies, grof in stukke gesny

1 toontjie knoffel,  gekneus en gekap 

2 E botter

1 k wit wyn

250 ml vars room

1 k gerasperde Cheddarkaas 

Stip die sampioene elk met 'n klontjie botter en bak hulle in die oond (180grade) vir so 10 minute sodat hulle sap uitlaat. Hou eenkant. 

Smelt die 2 eetlepels botter in 'n braaipan en sit die krapstokkies en knoffel by.  Braai net so 2 minute saam en voeg dan die wit wyn by.  Laat opkook en sit die room by. Sodra alles mooi verdik het,  verwyder van die hitte en verdeel die vulsel eweredig tussen die sampioene.  Verdeel ook dan die kaas bo-op elkeen.  Bak in die oond  tot die kaas mooi gesmelt het en effens verbruin. Bedien as voorgereg of saam met 'n slaai as ligte middagete. 

As garnering, plaas ' n gebraaide garnaal op elkeen,  of pikante klein mikrokruie of koljanderblare. 

800 g Bieffilet,  in groterige blokke gesny

1 klein brandrissie, of soveel soos verkies, na smaak

1 ui, fyn gekap

1 toontjie knoffel, gekneus en gekap

50 ml Worcestersous 

50 ml Suurlemoensap 

50 ml Balsamiese Asyn

2 E Steak & Chop spesery 

2 E suiker

1 E paprika

1 potjie Bief "Stock Pot"  jellie

1 koevertjie Tamatiepasta of so halfkoppie tamatiepuree

250 ml Rooiwyn

2 lourierblare 

Braai die vleis in olyfolie bietjie vir bietjie mooi bruin aan alkante, maar nie gaar, in 'n lekker warm swaarboompan. Hou eenkant onder foelie. 

Braai uie en knoffel net liggies in dieselfde pan. Sit al die bestanddele by en laat lekker dik kook. Sit dan die vleis weer by net voor jy bedien saam met al die sap van die vleis wat in die bakkie vergader het. Moenie weer kook nie laat net goed opwarm.  Jy kan die geur verder verbeter deur so ongeveer 50 ml van Willow Creek se Jalapeño gegeurde olyfolie net voor bediening deur te roer. 

Bedien met Portugese broodrolletjies of net opgekookte aartappels wat met sout,  peper en olyfolie gegeur is. 

1 heel hoender

4 groot uie of 6 medium uie,  gekap

100 g geblansjeerde amandels

Olyfolie

Versiersuiker

1 pakkie Kaneel

5 ml Komein 

5 ml Gemaalde Koljandersaad 

2 ml Neutmuskaat 

Sout en peper

1 stukkie vars gemmer so 1.5 cm lank,  gerasper of fyn gekap met skil

200 g botter

3 velle Phyllo-deeg

6 eiers

Braai die gemmer, 10 ml kaneel en die ander speserye (koljander, Komein en Neutmuskaat)  saam met ongeveer 'n kwart van die uie in 'n groot kastrol (waarin die hoender sal pas) vir so 2 minute.  Plaas die hoender in die kastrol en bedek met water.  Sit so 10 ml sout by.  Kook die hoender sag en koel af. Hou die aftreksel. Ontbeen die hoender en hou ook die velletjies saam met  die vleis. Vlok die vleis. 

Braai die res van die uie tot net deursigtig in 'n bietjie olyfolie in 'n braaipan. Voeg driekwart van die aftreksel by en laat stadig afkook tot 'n dik mengsel. Voeg dan die eiers daarby en roer tot amper gestol. Hou eenkant. 

Rooster die amandels in 'n klein bietjie olyfolie tot net mooi goudbruin. Laat afkoel op kombuispapier. Plaas in 'n voedselverwerker saam met 2 eetlepels versiersuiker  en maal fyn. Hou die poeier eenkant. 

Smelt die botter. Verf 'n groterige braaipan goed met gesmelte botter. Voer die pan uit met die 3 velle Phyllo-deeg en verf elke vel mildelik met die gesmelte botter. Hou dit onder 'n klam doek totdat  jy die pastei bou. 

Begin deur eerste die amandel poeier oor die pan bo op die Phyllo te sprei. Plaas dan die uiemengsel daarop en sprei dit mooi uit oor die bodem. Plaas laastens die gevlokte hoender bo-op en stip met 'n paar lepels van die oorblywende aftreksel. Vou die kante van die deeg oor en keer dan die pastei om op 'n gesmeerde  bakplaat. 

Bak vir 25 tot 30 minute by 180 Celcius of totdat dit mooi bros en goudbruin is. 

Bestuif die pastei met versiersuiker. Vryf kaneel tussen jou duim en voorvinger en trek strepies in 'n ruitpatroon oor bo oor de versiersuiker. 

Individuele klein Bastilla-pasteie is ook baie mooi. Vorm hulle in 'n platterige sopbakkie of dieper kleinbordjie of selfs in 'n klein pannekoekpan.

1 koppie Arborio-rys

Olyfolie en botter vir braai 

2 groot, goeie kwaliteit gerookte wors,  soos Bockwürst of gerookte kaaswors,  opgesny

(Chorizo wors sal ook goed werk,  of enige gerookte speserywors) 

1 stukkie gerookte varknek of Kassiertjop, gesny (ontbytspek kan ook werk) 

1 groot ui,  gekap

1 toontjie vars knoffel,  gekneus en gekap of 1 E Willow Creek knoffelgegeurde olyfolie 

Ongeveer 6 - 8 wit sampioene, fyn gekap 

250 ml wit wyn

500 ml hoenderaftreksel (2 aftrekseljelliepotjies aangemaak met 500 ml kookwater, of maak jou eie) 

Ongeveer 50 – 80 g gerasperde Parmesaankaas (of Pecorino of sterk Cheddar) 

300 ml Dewfresh vars room 

Opsioneel: halfkoppie bevrore ertjies en vars ertjielote (pea shoots) 

Smelt 'n klompie botter en olyfolie (indien jy die knoffelgeurolie gebruik,  vervang jy dit met die gewone olyfolie). Braai die rys in die oliemengsel vir ongeveer 2 minute oor matige hitte. Voeg die gekapte ui (en knoffel,  indien jy dit gebruik)  by. Braai tot die uie deursigtig is. Voeg dan die vleis en sampioene by.  Braai vir nog 'n paar minute. Teen hierdie tyd,  behoort die ryskorrels ook deursigtig te lyk. Voeg al die wyn en 'n klein bietjie aftreksel by en roer aanhoudend. Wanneer al die vog geabsorbeer is,  voeg weer aftreksel by.  Roer deurentyd met 'n houtspaan en hou op matige hitte. Indien die rys nog nie heeltemal sag is nie, kan jy 'n klein bietjie kookwater bysit en nog laat prut,  terwyl jy deurentyd roer. Wanneer die rys sag,  maar nie pap is,  roer die kaas by en die helfte van die room. Roer die bevrore ertjies deur en kry die warm opdienbord gereed. Net voor opskep,  roer die laaste room deur. Bedien dadelik met ekstra gerasperde parmesaankaas en vars ertjielote. Laastens kan jy 'n paar druppels van Willow Creek se Truffelgeur olyfolie bysit of vir elke gas gee om self na smaak by te sit. 

+-800 g Volstruiswors 

4 Portugese rolletjies

1 pakkie gedroogde Mangoskywe,  week oornag in 'n koppie sterk rooibostee 

4 kardemomsade

1 steranys

½ t Masalapoeier

½ t sout

½ t fyn komyn

½ k wit asyn 

½ k suiker

2 cm stukkie vars gemmer, fyn gekap of gerasper 

Bietjie olyfolie (Willow Creek Persian Lime) 

3 E Mayonnaise

1 t mosterd

1 of 2 lourierblare 

Vars roketblare vir afronding

Maak eerste die blatjang. Verhit die speserye en sade in die olyfolie en voeg dan die mangostukkies en die asyn en suiker by.  Laat stadig prut totdat dit 'n taaierige blatjang vorm. 

Braai die wors mooi bruin en verdeel in 4 stukke. Berei die rolletjies voor deur oorlangs 'n doppie af te sny, effens uit te hol en dan die mayonnaise en mosterd daarin te smeer.  Sit 'n klompie roketblare in,  die wors bo-op en bedruip mildelik met die Mango Blatjang. 

4 Vryloop hoenderborsies, met of sonder velletjies, maar wel ontbeen

Ongeveer 100 g gesoute botter

1 kiwivrug,  klein blokkies gekap

1 witperske,  klein eweredige blokkies gekap 

3 sprietuie,  fyn gekap 

Ongeveer 20 pistasieneute, grof gekneus

10 ml Willow Creek suurlemoengeur olyfolie

Sout en peper

1 bossie vars groen aspersies 

Klein bietjie gesmelte botter 

Stafie Bokmelkkaas

2 E gewone jogurt

Verhit die gesoute botter oor matige hitte en verbruin die hoenderborsies daarin. Draai die hitte effens laer en maak die hoenderborsies stadig gaar en goudbruin. Jy kan hulle liggies sout. 

Meng die kiwivrug, perske, sprietuie en neute goed saam en geur met sout, peper en die Willow Creek suurlemoengeur olyfolie. 

Blansjeer goed gewaste aspersies vir een minuut in kokende soutwater en koel hulle dadelik af oor 'n klompie ysblokkies. Rol hulle dan in die gesmelte botter. 

Meng die bokmelkkaas en gewone jogurt goed tot romerig. 

Bedien die aspersies saam met die hoenderborsies teen kamertemperatuur met Kiwi Salsa en bokmelkkaasmengsel bo-oor. 

4 porsies vars Geelstertfilette met vel aan

150 g botter

Sap van 2 lemmetjies of suurlemoene 

1 eiergeel

Sout 

4 mooi skywe vars papaja 

Gaar Koeskoes met lemoen en suurlemoenskil deurgeroer,  asook vars gekapte pietersielie of basiliekruid

15 ml Willow Creek suurlemoengeur olyfolie vir geur ook deur geroer

Braai die geelstert net vinnig effens bruin aan die vleiskant in botter en 'n klein bietjie olyfolie oor medium hitte in 'n lekker swaarboompan. Draai dan om en laat op velkant verder braai tot sappig en gaar,  net omtrent 5 minute,  afhangend van die dikte van die filette. Verwyder die vis uit die pan en hou net liggies warm onder foelie. 

In dieselfde pan, smelt die res van die botter en roer die lemmetjiesap by. Wanneer dit mooi gemeng is, verwyder van die hitte en roer die eiergeel vinnig met 'n handklitser by totdat dit 'n sagte geel romerige sous vorm. 

Bedien dadelik saam met die koeskoes en vars papaja. Garneer met sitrusskil,  pietersielie en kappertjiesaad as jy daarvan hou.  

4 ekstra groot eiers

400 g koekmeel of witbroodmeel

Basiliekruid, fyn gekap en in die meel ingevryf

Skil van 1 groen lemmetjie,  ook in die meel ingevryf

400 - 500 g heel Calamari buisies, ekstra tentakels as jy daarvan hou 

Gesnyde Chorizo-stukkies, indien jy dit wil bysit

Geel tamaties, gehalveer

150 g botter

50 ml lemmetjiesap

Willow Creek knoffel gegeurde olyfolie 

Ekstra vars pietersielie, basiliekruid en lemmetjieskil vir garnering

Meng die heel eiers goed met die meel waarby die kruie en skil ingevryf is. As jy dit in jou voedselverwerker doen, pols dit totdat dit amper 'n bol vorm wat jy kan hanteer. Knie die deeg op 'n koue oppervlak tot dit goed elasties is (jy kannie die deeg oorwerk nie). Maak toe met kleefplastiek en laat rus vir so 15 minute in die yskas. Rol die deeg in 2 of 4 dele deur jou Pastamasjien, twee maal op elke stelling tot by nommer 2.  Hou elke voorbereide vel deeg met plastiek of 'n klam vadoek net eenkant tot jy die pasta gaan sny.  Hou 'n diep pasta kastrol met kokende water gereed. Sout goed. Sodra jy die pasta gesny het, kook dit vir ongeveer 2 tot 4 minute net totdat dit wit en ferm voel. Sprinkel met bietjie geurige olyfolie soos die basieliekruidolie of die knoffel of selfs die Parmesaangeur olie. 

Berei die Calamari voor deur dit na keuse te sny of heel buisies te hou. Was hulle goed en droog met 'n doek af. Verhit 'n bietjie knoffel gegeurde olyfolie saam met die helfte van die botter en braai die Calamari oor matige hoë hitte, maar moenie al die Calamari gelyk in die pan sit nie. Hulle word mooi ondeurskynend wit en braai mooi goudbruin. Sit stukkies Chorizo vir 'n minuut of twee by. 

Bedien oor die vars pasta saam met die gesnyde geel tamaties en mooi groen vars gesnipperde kruie. 

800 g heel Bieffilet,  skoongemaak van senings en velletjie 

Willow Creek olyfolie

20 ml fyn kaneel

5 ml fyn Neutmuskaat 

2 - 3 mediumgrootte eiervrugte, in ongeveer 3 mm skywe gesny, liggies alkante met sout gesprinkel

250 ml vars Dewfresh room

Sout en swart peper 

2 - 3 vars lemmetjies

Smeer die heel filet met sout en sowat 10 ml van die fyn kaneel, dan mildelik met olyfolie. Seël die vleis rondom mooi donkerbruin en plaas dan in 'n matige warm oond (160 grade Celsius).

Braai die Eiervrugskywe alkant goudbruin in 'n bietjie van Willow Creek se geurige olyfolie,  soos die ‘Persian Lime’ of Suurlemoengeur olyfolie. Sprinkel met nog kaneel en Neutmuskaat. As al die skywe mooi bruin is, voeg die room by en laat net eenkeer vinnig opkook en skakel dan die plaat af. 

Sny die warm vleis in die pan in skywe en laat net so 2 minute staan. Indien jy dit gaarder wil hê, kan jy dit 'n klein bietjie braai. Druk die lemmetjiesap oor die vleisskywe uit. Rangskik dan die skywe vleis in lae met die Eiervrug op warm opdienborde en skep 'n bietjie van die roomsous bo-oor.  

Bedien saam met gestoomde groente of pangebraaide aartappels en vars slaai. 

50 g sagte botter

175 g suiker

5 ml vanieje essens / 1 ml Vanielje konsentraat

175 ml gemaalde vrugte (Fruit Mince) 

2 naartjies, sap en fyngekapte skil

Opsioneel : 2 ml Willow Creek Blood Orange geur olyfolie 

Opsioneel: 'n Bietjie ekstra gemaalde vrugte, vir onder in potjies, indien jy die blompotjie-effek wil hê, of,  om die vrugte oor te laat drup wanneer jy omkeer. 

1 stuk ferm bloukaas. 

Berei houertjies van jou keuse voor deur dit goed te bespuit of met botter te smeer.  Indien jy nie 'n stoomoond gebruik nie, verhit oond tot 190 grade celcius en berei 'n waterpan voor, waarbinne die houertjies kan staan, met water tweederdes tot die kante van die houertjies. Klits die sagte botter, eier en suiker goed tot lig en romerig. Indien jy die olie gebruik, kan jy dit hiermee saam inmeng. Roer die meel by en meng net glad. Voeg vanielje,  skil, sap en gemaalde vrugte by,  roer goed deur. Skep ongeveer een teelepel vol van die ekstra gemaalde vrugte in elke potjie, indien jy dit so verkies. Skep die deeg tweederdes vol in die houertjies en bedek met foelie of bakpapier,  wat jy met 'n tou vasmaak rondom die potjies. Bak  vir 25 tot 30minute.

300 ml Jakkalsvlei Hanepoot (of enige een van jou keuse)

Druiwe, ontpit en velletjies afgetrek. 

25 ml koue botter

Gooi al die bestanddele in ‘n pan en reduseer tot stroperig deur dit vinnig af te kook.  Roer die botter by, sonder om dit weer te kook en roer die stukkies druiwe deur. Jy kan ook geur met van die Willow Creek Blood Orange olyfolie. Keer die poedings om op 'n mooi bordjie en skep van die sous rondom en bo-oor. Indien jy die bloukaas saam bedien, maak dun skeersels van die kaas met 'n kaassnyer of groenteskiller en rangskik die kaas op die sous.