400 g vars koningklipfilette, sonder vel, grof gekap

150 g liggerookte salm of vars salm, sonder vel, grof gekap

1 klein vinkelknol, fyn gekap

100 ml witwyn

100 ml vars room

1 koppie fyn gerasperde First Choice Gouda met Sprietui of sterk Cheddarkaas 

1 Botterskorsie, gebruik net die gedeelte wat nie hol is nie, skil en sny in baie dun wiele

Willow Creek Parmesaangeur olyfolie

1 pakkie Shimeji sampioene of wit knopiesampioene

Botter vir braai van sampioene

Willow Creek Truffelgeur olyfolie

Braai eerste jou vinkel in 'n bietjie botter en roer dan albei soorte vis liggies deur. Gooi die wyn by en wag totdat dit kook. Gooi dan die room en helfte van die kaas by, roer deur en skakel af. Braai jou botterskorsieskywe oor matige hitte in botter tot net sag. Geur met sout en Parmesaangeur olyfolie. Braai die sampioene liggies in botter, geur met sout en Truffelgeur olyfolie.

Rangskik die botterskorsie-skywe in 4 borde soos Carpaccio. Deel die vis in 4 en skep in die middel van die botterskorsie Carpaccio. Sprinkel die laaste kaas oor elk en rooster dit bruin onder jou warm oondrooster. Sprinkel sampioene oor en garneer met die groen blaartjies van jou vinkel. 

Wenk: Om dit 'n romantiese voorkoms te gee, skep die vis in'n hartjievormige metaal koekiedrukker, sprinkel die kaas oor en rooster dit dan so in die drukkertjie, wat jy dan versigtig met n braaitang of 'n vadoek van die "viskoekie" verwyder.

16 - 24 gaar en skoon afgedopte pienk steurgarnale

4 - 8 vars oesters (vra die handelaar om hulle vir jou oop te maak) 

Goeie kruieslaaimengsel of 'n mengsel van jong slaaiblare, bronkors (watercress) en roket

1 vars pynappel, skoongemaak en in fyn dobbelsteentjies gesny

1 ferm, maar ryp kiwivrug, in fyn dobbelsteentjies gesny

4 radyse, in fyn dobbelsteentjies gesny

1 knol vinkel met loof en al, fyngekap

Sny twee tot 3 kiwivrugte in dobbelsteentjies, plaas in 'n kastrol en voeg 3 eetlepels suiker en 3 eetlepels suurlemoensap by. Kook liggies en laat afkoel.

Willow Creek Balsemiekasyn

Willow Creek Suurlemoengeur olyfolie 

2 lemmetjies

Gepiekelde Rooi ui

Maak jou salsa deur die pynappel, kiwi, vinkel en radys te meng met genoeg Suurlemoengeur olyfolie en balsemiekasyn. Hou in die yskas tot gebruik. 

Was die oesters skoon sodat daar geen skulp in is nie en maak seker elke oester is losgemaak van sy skulp deur die suiervoetjie los te breek. Skep 'n klein bietjie kiwi-konserf oor elke oester en drup lemmetjiesap oor. Geur met sout en swartpeper. Hou in die yskas tot net voor bediening.

Pak 'n hopie slaaiblare in 'n  mooi bakkie vir elke gas en rangskik die garnale daarop saam met die oesters. Skep van die kiwi-pynappel salsa oor die garnale en slaaiblare.

1.5 k klappermeel (kan ook amandelmeel gebruik)

Sout

2 E versiersuiker

100 g koue botter, in dobbelsteentjies gesny

1 ekstragroot eier

Klein bietjie yswater

Willow Creek Blood Orange geur olyfolie, om pannetjies te smeer

Bakboontjies en bakpapier

1.5 k volroommelk

1 kaneelstokkie

2 ekstragroot eiers, geskei

½ k versiersuiker

2 ml sout

Goeie vanieljepasta of saadjies van 1 peul

2 ml amandelgeursel

½ k room

¼ k mielieblom (Maizena)

2 E botter

Ekstra gesifte versiersuiker en fyn pypkaneel

Vye en bessies vir garnering of ander vrugte in seisoen

Pols die klappermeel, sout en botter in jou voedselverwerker totdat dit 'n growwe krummeltekstuur het. Breek die eier by en pols weer. Voeg 2 eetlepels yskoue water by en pols weer ‘n paar keer. Smeer jou losboom-tertpan of individuele tertpannetjies met Willow creek Blood Orange olyfolie. Druk die deegkrummels met jou vingerpunte vas in die pan en om die kante. Voer met bakpapier uit en vul met bakboontjies. Bak in voorafverhitte oond net vir 8 minute by 190 grade Celcius. Laat rus tot benodig maar hou die oond op 190 grade aan.

Verhit die melk saam met jou kaneelstokkie tot net onder kookpunt en verwyder dan die kaneelstokkie. Meng die room, eiergele, versiersuiker, mielieblom, vanielje en amandelgeursel goed. Giet ‘n bietjie van die warm melk by die mielieblom-mengsel en roer deur, sodat dit ‘n loperige mengsel vorm. Roer die mengsel nou stadig by die warm melk oor lae hitte totdat dit ‘n dik melkpap vorm. Roer die botter by en laat afkoel tot kamertemperatuur. Klits eierwitte goed styf en vou deur die melkpap. Vul die tertkors met die melkpap en sprinkel mildelik met die versiersuiker en kaneel.

Bak groot tert by 190 grade vir 10 minute en verlaag die temperatuur na net onder 180 en bak nog 15 minute. Individuele tertjies bak 5 min by 190 en 10 tot 15 min by 180 grade. Garneer wanneer genoegsaam afgekoel met vars vrugte of geniet hom net so.

4 dik snye beesskenkel met murgbene

Bietjie koekmeel om die vleis te besprinkel

Sout en peper

1 ui 

1 wortel

1 selderystokkie

2 vars lourierblare of 1 gedroogde lourierblaar

3 L water

2 mediumgroot aartappels, geskil en in dobbelsteentjies gesny

1 halwe koolkop, fyn opgesny

4 groot beetknolle, gerasper

1 groot ui, gekap

2 geelwortels, gerasper

2 mediumgroot tamaties, dobbelsteentjies gesny

Olyfolie vir braai en gegeurde botter soos ‘n First Choice se kruiebotter of knoffelbotter

1 vars lourierblaar

200 ml First Choice room

Sap van 1 suurlemoen

1 bossie vars dillekruid

1 bossie platblaar pietersielie

1 kg supermark brooddeeg

1 koppie gerasperde, gegeurde Goudakaas soos First Choice green onion plus ‘n bietjie ekstra vir bo-oor sprinkel

Begin deur die vleis goed te geur met sout en peper en dan te sprinkel met koekmeel. Braai die vleis bruin in ‘n swaarboomkastrol wat ‘n stewig-passende deksel het. Sny die geurgroente net grof op en sit by die vleis in die kastrol. Voeg die lourierblaar by en giet die water oor. Plaas die deksel op en kook stadig vir 1.5 tot 2 ure. Verwyder die vleis versigtig uit die aftreksel en hou eenkant. Giet die afteksel deur ‘n sif en hou net die vloeistof weer in die kastrol. Plaas nou die kool en aartappel by die aftreksel en kook vir so 20 minute. 

Intussen braai jy die gekapte ui, gerasperde wortel en beet en die gesnyde tamatie saam in ‘n pan met bietjie olyfolie en geurbotter. Stowe dit vir so 10 minute met ‘n deksel op die pan en meng dit dan by die koolmengsel. Kook nog ‘n verdere 30 minute oor mediumhitte.

Berei suurroom voor deur suurlemoensap met die room te meng. Kap die dillekruid en pietersielie fyn. Bedien deur die sop in sopbakkies te skep en vir elk ‘n goeie klompie suurroom bo-op, met vars kruie oorgesprinkel.

Berei ‘n bakplaat voor deur dit met koekmeel te sprinkel. Druk die deeg mooi eweredig plat oor die bakplaat en bedek die hele oppervlak met die gerasperde kaas. Rol van een kort kant af versigtig op, maar rol mooi styf sodat jy nie lugblase skep nie. Vorm die broodjie mooi en sprinkel dalk nog ‘n bietjie kaas bo oor.

Bak 50 minute by 180 tot 190 grade.

150 – 200 g beesfilet per persoon, geur met sout en peper en smeer met olyfolie

3 kleure soetrissie of net rooi, klein dobbelsteentjies gesny

2 E paprika

Willow Creek Knoffelgeur olyfolie

Of 2 huisies knoffel, gekneus en gekap

1 mediumgroot ui, gekap

1 mediumgroot tamatie, klein dobbelsteentjies gesny

Bietjie water

1.5 k koekmeel

1 t Sout

2 eiers

1.25 k melk

Kastrol met kookwater, gesout

60 g gesoute botter

Garnering: mooi sampioentjies

Verbruin die heel filet na jy dit gegeur en olie gesmeer het, in ‘n warm pan. Plaas dit in 'n lou oond om te rus terwyl jy aangaan.

Soteer uie en soetrissies liggies in die knoffelgeur olie. Sit die tamaties by en plaas ‘n deksel op die pan. Soteer vir ‘n paar minute en voeg die paprika by. Geur goed met sout en peper. Sit klein bietjie kookwater by en stoom die sous totdat dit alles sag is en mooi bymekaarkom. Jy kan tussendeur net loer en dalk weer ‘n bietjie water bysit.

Verhit die water tot kookpunt en hou op medium hitte. Plaas die koekmeel en sout in ‘n groterige mengbak. Maak ‘n holte in die meel en breek die 2 eiers daarin. Roer in die middel van die eiers versigtig sodat die meel van die kante af geleidelik ingewerk word. Voeg bietjies bietjies melk by. Hou ‘n bietjie ekstra meel byderhand. Wanneer die deeg lekker sag en hanteerbaar, maar nie taai is nie, kan jy ‘n rasper gebruik en die deeg oor die kokende water rasper sodat daar kein stukkies in die kookwater val. Die spatseltjies kom na die oppervlak wanneer dit gaar is. Skep uit met ‘n gaatjeslepel en braai dit liggies in botter in ‘n pan.

Wanneer die vleis mooi  ferm maar nog sag is, kan jy dun snytjies sny en bo-oor porsies spatselpasta rangskik. Braai die sampioene bruin in die pan waarin die vleis verbruin is.

Skep sous bo-oor die vleis en garneer met sampioene.

First Choice se Swartpepergeur Baby Gouda bo-oor gerasper, smaak vorentoe.

1 kg beesstert

1 wortel

1 ui

1 selderystingel

Sout en peper

100 g donker sjokolade

5 ml Sjinese vyfspeserymengsel of ‘n mengsel van kaneel, steranys, koljander, naeltjies en neutmuskaat

2 jenewerbessies (opsioneel)

1 koevertjie tamatiepasta

6 selderystingels, draadjies afgetrek en in stukkies gesny

150 ml rooiwyn

100 ml sultanas

1 bossie platblaar of Italiaanse pietersielie

1 bossie basiliekruid

4 eetlepels dennepitte

200 g koekmeel

2 groot eiers

Botter of kruiebotter

Kook die beesstert sag saam met die wortel, ui en selderystingel en geur dit goed met sout en peper. Gooi die helfte van die aftreksel af, nadat jy die boonste olie versigtig afgeskep het. Hou die aftreksel eenkant indien jy later jou sous wil aanvul. Voeg die sjokolade, tamatiepasta, speserye en rooiwyn by die vleismengsel, saam met die gekerfde seldery en kook dit af totdat dit ‘n ryk donker sous vorm. Jy kan dit ontbeen of heel hou, na keuse. Maak ‘n mengsel met die sultanas, dennepitte, gekapte pietersielie en basiliekruid om laaste oor alles te sprinkel.

Maak die pastalinte, deur n deeg te vorm in jou voedselverwerker met die meel en eiers.

Rol die deeg deur die pastamasjien totdat jy mooi hanteerbare pastavelle het. Moenie tot by die dunste stelling rol nie. Skeur dan met die hand langwerpige linte ongeveer 2cm breed en kook net 3 - 4 minute in sterk gesoute kokkwater. Verwyder uit die water. Meng met botter en skep in opdienbakkies, met beesstertsous bo oor. Sprinkel laastens mildelik met die kruie en sultanasprinkel.

500 ml volroom/dubbelroom of Griekse jogurt

5 ml sout

1 mediumgroot beet, rou of gekook, in dun sirkels gesny

Katoen- of moeselienlappie van ongeveer 45 cm x 45 cm

Kombuistou of rekkie

Lang Sosatiestokkie

2 vye per persoon (vervang met nektarien of sagte perskes)

1 mediumgroot beet per persoon, rou of gaar, in papierdun skywe gesny

Avokadopuree gemaak met avokado, sout en olyfolie.

1 ekstra beet, gekook, of 2 E gebottelde beet

100 ml Willow Creek Balsemiekasyn

30 ml Willow Creek ekstra suiwer olyfolie

Meng die jogurt/room en sout goed. Voer 'n mengbakkie uit met die moeseliendoek. Plaas beetskyfies onder in die holte en giet die gemengde jogurt/room oor. Bring die punte van die doek bymekaar en maak dit in ‘n bondeltjie vas met tou of ‘n rekkie. Steek die sosatiestokkie deur die tou en balanseer die hangkaas oor ‘n beker en plaas dit in die yskas vir 5 dae. Giet elke dag die uitdrupvog af. 

Rooster die neute, besprinkel met suiker en kruiesout, tot hulle blink is en effens donkerder van kleur.

Meng die heel gekookte beet of botteltjie beet met die asyn en olyfolie en meng dit goed glad met jou staafmenger.

Sny die helfte van die vye in dun skyfies. Rangskik dit saam met die beetskywe in sirkelvorm op mooi opdienborde. Sny die orige vye ‘n kruisie oorlangs aan die bokant na jy die stingeltjie weggesny het. Druk liggies met jou vingers sodat die vy oopblom. Druk ‘n bietjie avokadopuree in die middel van die beet en vyesirkel en plaas die heel vyeblom daarop. Sprinkel met die geroosterde neute en bedruip met die beet en balsemieksous. Bedien die kaas op ‘n mooi plank of teel sodat gaste dit vir mekaar aangee. 

1.2 kg beesskenkels met murgbene of beeskortrib-stukkies en 4 murgbene met murg ekstra

1 groen soetrissie, ontpit en opgesny

1 rooi soetrissie ontpit en opgesny

1 groot ui, grof gekap

80 g koevertjie tamatiepasta

1 blikkie gekapte tamatie

30 ml paprikapoeier

200 ml rooiwyn

10 ontpitte olywe

Ongeveer ‘n handvol gedroogde perskes of appelkose

2 E pitlose rosyne

Sout en peper

30 ml Willow Creek Knoffelgeur olyfolie 

1 bossie vars tiemie

1 k rou mielierys

3 k water

1 E sout

4 repies streepspek, in klein stukkies gesny

1 mediumgroot ui, opgekap ongeveer so groot soos die spekstukkies

Genoeg vars pietersielie na smaak, fyn gesny sonder stingeltjies

Braai die vleisstukke en die murgbene bruin in ‘n swaarboom-stowekastrol wat ‘n goedpassende deksel het. Hou die vleis en die murgbene eenkant.

Braai die uie en soetrissies vinnig en plaas die vleis terug in die kastrol. Hou steeds die murgbene eenkant vir laaste. Voeg die tamatie en tamatiepasta by. Geur met sout, peper en paprika. Vul aan met kookwater totdat die mensel onder water is en stowe stadig vir ten minste een uur. Vul die water aan as die vog begin min raak.

Voeg na ‘n uur die vrugte, olywe en wyn by en stowe vir ‘n verdere halfuur totdat alles baie sag is. Sowat 15 minute voor die kooktyd verstreke is, plaas die murgbene terug in die stowegereg en sit dan die bossie vars tiemie by. Verwyder die tiemiebossie in geheel voor bediening.

Kook die mielierys in die drie koppies water vinnig vir ongeveer 12 tot 15 minute. Spoel dit dan in ‘n sif onder lopende kouewater af. Plaas terug in die kastrol en voeg net genoeg warm water by om die rys te bedek sodat daar ongeveer 5 mm water bokant die rys is. Sprinkel 10 ml sout oor en plaas met ‘n deksel terug op medium hitte om sag te stoom. Moenie roer nie. Braai spek en ui in die braaipan net net gaar en meng dit liggies deur die gaar mielierys, saam met die vars gesnipperde pietersielie.

600 g lamsmaalvleis

Willow Creek Knoffelgeur-olyfolie

1 ui, fyngekap

5 ml fyngemaalde koljandersaad

5 ml fyngemaalde komein

10 ml fyn kaneel

Sout en swartpeper

100 ml pruimedantsap

1 eier, liggies geklits

1 rolletjie bevrore skilferdeeg

1 wieletjie fetakaas, in blokkies gesny

Paar pruimedante, ontpit en gesnipper

1 bossie platblaar-pietersielie

3 E gesnyde amandels, liggies gerooster

200 g gekerfde groenboontjies

1 groot of 2 klein-medium aartappels, geskil en in blokkies gesny

1 ui, grof gekap

10 - 15 ml fyn suiwer witpeper

Sout na smaak

3 E botter

100 ml room

Braai die maalvleis bruin in knoffelgeur olyfolie en geur dit met die speserye. Voeg sout en peper by na smaak. Voeg die uie by en braai verder vir ongeveer 3 minute en voeg die pruimedantsap by. Laat dit opkook en verwyder van die hitte.

Rol die yskoue maar ontvriesde skilferdeeg op ‘n meelbestrooide oppervlak net effens uit en verdeel in 4. Sny elke blokkie in ‘n mooi sirkel. Skep vleis op elke sirkel en los ongeveer 2cm rand oop. Verf die rand met eier en knyp dit rondom die vleis in ‘n mooi randpatroon, maar los die vleis effens oop. Verf die buitekant van die deeg ook mooi met eier en bak die pasteitjies op ‘n bakplaat by 180 grade vir ongeveer 20 minute. Wanneer die pasteitjies uit die oond kom, besprinkel dit met blokkies fetakaas.

Besprinkel die pasteitjies met 'n mengsel van die pietersielie, pruimedante en neute

Kook die aartappel en ui vir 10 minute in net genoeg kookwater om dit te bedek. Voeg die gekerfde boontjies by en kook dit net sag. Geur met sout en witpeper. Maak die boontjiemengsel fyn saam met die room en botter.

4 - 8 mediumgroot varknektjops

125 ml koekmeel

2 eiers, liggies geklits

250 ml fyn droë broodkrummels

100 ml fyn Parmesaankaas of  Peccorino-kaas

Sout en Peper

Botter en olyfolie vir braai  (Willow Creek Parmesaangeur olyfolie vir ekstra geur)

100 g botter

15 ml suurlemoensap

5 ml suurlemoenskil (opsioneel)

Of

15 ml suurlemoengeur botter

1 jong vinkelknol

2 groen appels

1 klein bossie platblaar-pietersielie

3 E rou amandels, grof gekap

3 E dennesade (opsioneel)

50 ml Willow Creek Granaatgeur Balsemiekasyn

50 ml Willow Creek Ekstra suiwer olyfolie of Suurlemoengeur olyfolie

2 - 3 klein komkommers, grof gekap

250 ml witwynasyn

Knippie piekelkruie

5 ml suiker

Ontbeen die nektjops en slaan hul versigtig so dun as moontlik uit met ‘n vleishamertjie. Geur met sout en peper. Meng die kaas en broodkrummels met vingerpunte en plaas dit ook in ‘n mengbak of sopbord. Bedek die vleis goed alkante met koekmeel, doop dan in die eier, drup af en bedek dit alkante met die krummelmengsel. Verhit ‘n goeie braaipan met ‘n mengsel van botter en olyfolie tot mediumwarm. Braai die schnitzels versigtig goudbruin. Laat rus hulle in die oond op 150 grade.

Maak suurlemoenbotter deur die botter te smelt en te meng met die suurlemoensap en skil. Hou eenkant tot bediening.

Sny die vinkel in so dun as moontlik skyfies. Sny die appels in dobbelsteenjies. Snipper die pietersielie bo-oor die appel en vinkelstukkies. Meng alles goed met die neute en sade en laastens met die asyn en olyfolie. 

Maak die piekel deur die asyn saam met die piekelspeserye en suiker vinnig op te warm en die komkommerstukkies alles gelyk daarin te gooi. Verwyder dadelik van die hitte en laat staan om koud te word. 

Bedien deur die schnitzels op opdienborde te rangskik met suurlemoenbottersous en 'n stapeltjie slaai bo-op. Sprinkel laastens met komkommerpiekels.

400 - 600 g maer gemaalde beesvleis

1/2 Briekaas, opgekap

3 E biltongpoeier

Sout en peper

Olyfolie vir panbraai

3 mediumgroot aartappels ("boil & roast" soort)

1 klein tot mediumgroot ui

100 g botter

Neutmuskaat en sout en peper na smaak

3 E bessiekonfyt

100 ml rooiwyn

50 ml koue botterblokkies

Blaarslaai, gesnyde rooi uie, gesnyde tamatie, ekstra Brie, Biltongpoeier en piekels vir afronding 

Meng die maalvleis, geurmiddels, kaas en biltong goed. Verdeel in 4 en knie elk redelik goed. Vorm frikkadelle, druk effens plat en maak ‘n holte met jou duim in elk. Braai gaar na keuse in ‘n swaarboompan met olyfolie.

Skil die aartappels en kook hulle net sag, maar nog ferm vir ongeveer 10 minute. Dreineer en druk fyn. Rasper die ui by die aartappel in en geur met sout, peper en neutmuskaat. Smelt die botter en roer by die aartappelmengsel. Voer ‘n gesmeerde muffinpan met die aartappel-mengsel om bakkies te vorm. Bak by 180 grade vir 30 minute, tot bros en bruin. Laat effens afkoel voor uitkeer.

Kook die bessiekonfyt en rooiwyn saam tot dit met die helfte gereduseer het. Verwyder van die hitte en roer die blokkies botter deur. 

Voer elke aartappelbakkie uit met blaarslaai, ui en gesnyde tamatie. Plaas ‘n gaar burgerpattie op elkeen. Rond af met blokkies of skywe Brie en biltongpoeier en skep laastens van die bessiesous oor.

8 lamsrib-tjops

8 repe streepspek

Sout en peper 

Willow Creek olyfolie vir panbraai

4 medium groot aartappels, in die skil sag gekook

4 E First Choice gesoute botter

100 ml First Choice langleweroom

1 eier

Sout

100 ml growwe appelkooskonfyt of 8 Turkse gedroogde appelkose, gesnipper

1 klein ui, fyn gekap

2 repies streepspek, gesnipper

1 blokkie of potjie vleisaftreksel

100 ml witwyn 

50 ml koue blokkies botter

Gerasperde beet

Willow Creek Granaatgeur balsemiekasyn

Willow Creek suiwer olyfolie

Piepklein jong groente met blaarlobbe

Gebraaide uie-sprinkels

Ontbeen die tjoppie versigtig en rand die vet af. Rol dit op met vetkant na buite. Draai die spek rondom en steek vas met ‘ n stokkie. Panbraai dit liggies aan weerskante. Hou eenkant onder foelie.

Nadat die aartappels sag gekook is, koel net af tot hanteerbaar en verwyder die skil.

Jy kan ook kapokaartappel maak op jou gunsteling manier, maar ek verkies die in die skil metode omdat die aardse geur behoue bly. Druk die aartappel fyn so warm as moontlik saam met botter, sout en room. Vryf dit verder deur ‘n meelsif om dit ekstra fyn te kry, aangesien jy dit deur ‘n spuitsakkie gaan gebruik. Meng die een eier met die kapokaartappel. Spuit ‘n mooi rosie kapokaartapoel bo op elke gerolde tjop. Bak vir 8 tot 10 minute in ‘n warm oond, 180 -200 grade C.

Braai die gekapte ui en spek saam tot sag en gaar. Skep die konfyt by en roer deur. Voeg die wyn by en laat opkook terwyl jy roer. Smelt die aftreksel by en roer laastens die koue botterblokkies deur.Pak lagies gerasperde beet, wat in die granaatgeur balsemiekasyn en olyfolie geweek is en uiesprinkel in ‘n mooi potjie. Plaas babagroente bo-op asof dit in tuingrond staan.

1 tot 1.2 kg beesstert

Geurgroente: 

Ui, prei, wortel, knoffel, seldery, tamatie

1 koppie witwyn

Sout en peper

Vars roosmaryn en tiemie 

1 tot 2 biefstuk-aftreksel potjies

100 ml rooiwyn

8 tot 12 jong aartappeltjies, effe sag gekook

Pietersielie

Suurlemoenskil

Lemoenskil 

1 klein knoffeltoon

1 k koeskoes

1 potjie biefaftreksel in 'n driekwart koppie kookwater opgelos

100 g gekapte, geroosterde neute

2 E sultanas of rosyntjies, opsioneel

2 radyse, fyn gekap

Was die beessert goed af. Indien jy 'n donkerder kleur verkies, kan jy die stukke eers verbruin in olie. Verplaas die vleis saam met een grof gekapte wortel en een ui na jou drukkoker. Voeg die koppie witwyn, een koppie water en die aftrekseljelliepotjie by. Seël die deksel en laat stoom vir 45 minute. Sny die geurgroente alles mooi eweredig op en braai efens in 'n braaipan in geurige Willow Creek olyfolie. Plaas die saggekookte beesstert saam met een koppie van die kookvloeistof en die rooiwyn in 'n oondkasserol. Sprei die gebraaide geurgroente bo-oor uit. Sit die deksel op en stowe vir nog ongeveer 45 minute. Sit die voorafgekookte aartappeltjies halfpad deur die kooktyd by. Geur goed met sout en peper en sit die tiemie en roosmaryn ook by.

Kap die sitrusskil, pietersielie en knoffel alles saam fyn en meng goed om heel laaste bo-oor elke porsie te sprinkel.

Gooi die koppie koeskoes in 'n glasmengbak of opdienskottel. Giet die aangemaakte aftreksel oor die koeskoes terwyl die water nog warm is. Laat dit net vir een minuut staan en vlok dit dan met 'n vurk. Hou aan om met die vurk die korreltjies los te wikkel. Indien die mengsel te droog lyk, voeg n bietjie olyfolie of gesmelte botter by. Meng die neute, rosyne en radys deur net voor bediening. Indien verkies, kan jy die gemengde koeskoes net vir een tot 2 minute in jou mikrogolfoond opwarm.

600 g wildsmaalvleis

1 groot ui, gekap

Olyfolie vir braai

5 ml elk fyn komyn, koljander, kaneel en Masalapoeier

2 ml fyn naeltjies

1 blokkie ontpitte dadels, geweek in kookwater of pruimedantsap

15 ml bruinsuiker (as jy nie pruimedantsap gebruik nie) saam met die water by die dadels

Sout na smaak

¼ koppie grofgekapte amandels

¼ koppie korente, sultanas of pitlose rosyne

150 ml First Choice room

50 ml First Choice melk

2 eiers

5 ml Masalapoeier

1 medium groot ui, fyn gekap

2 tot 3 ferm piesangs, in dobbelsteentjies gesny

5 ml elk masalapoeier, fyn kaneel, koljander en komyn

¼ koppie rosyne, sultanas of korente

¼ koppie gekapte amandels

¼ koppie donker bruinsuiker

200 ml asyn

Braai die ui saam met speserye in olyfolie tot sag. Voeg die vleis by en braai deur. Voeg die dadels met die vloeistof by die mengsel. Roer deur en braai sowat 6 tot 10 minute. Geur met sout en vul die mengsel aan met kookwater indien dit te droog lyk. Roer die rosyne en neute deur en skep oor in ‘n oondvaste bak of individuele bakkies. Meng die eiervla-bestanddele goed saam en giet oor die vleis. Bak vir 20-30 minute totdat die eiervla mooi gevorm het en goudbruin  bo-op is.

Braai die uie en speserye in olyfolie tot sag. Voeg die piesangs, rosyne en neute by. Roer versigtig sodat jy nie die piesangs te veel laat breek nie. Voeg die bruinsuiker en asyn by en laat indamp vir ongeveer 6 tot 10 minute, totdat dit effens verdik. Onthou die mengsel sal dikker en taaier wees as dit afkoel.

1 k bruismeel

1 eier

1 k melk

1 E kookolie

1 t sout

Yswater om die beslag effens te verdun, indien nodig

Botter en olie vir bak

1 stafie bokmelkkaas

1 houertjie veelkleurige kersietamaties

Willow Creek Basiliegeur Olyfolie

Sout

Suiker

Swartpeper

125 ml First Choice langlewe room

200 g kersietamaties, fyn gekap

200 g wit suiker

2 cm vars gemmerwortel, fyn gekap

1 bossie vars oreganum, gesnipper

2 ml sout

Maak die pannekoekbeslag aan deur al die bestanddele goed te meng sodat daar geen klontjies in is nie. Bak vier mooi dun pannekoeke wat goudbruin is. Dit word die beste verkry deur ‘n mengsel van botter en olie te gebruik vir die bak van die pannekoeke. Voer vier silikoon muffinpannetjies met die pannekoeke uit.

Sny die gekleurde tamaties fyn. Sprinkel met suiker, sout, swartpeper en basiliegeur-olyfolie. Plaas dit heel eerste in elke pannekoekholte. Breek die bokmelkkaas in stukkies en verdeel dit tussen die tertjies. Verdeel ook die 125 ml room tussen die tertjies. Geur weer met sout en swartpeper. Bak vir 25 minute by 180 grade Celcius.

Plaas al die bestanddele gelyktydig in ‘n swaarboompan oor matige tot hoë hitte en roer elke nou en dan. Laat afkook totdat dit ‘n ligte stroop vorm. Onthou dat die stroop taaier sal wees wanneer dit koud is, as wanneer dit warm is. Dit behoort binne 10 tot 15 minute n ligte konfyt te gee. 

900 g binneboudstuk-bief (topside)

50 ml Willow Creek Knoffelgeur olyfolie

Sout en gemaalde peper

1 wortel, selderystingel, ui, tiemie en roosmaryntakkie

2 ansjovissies

2 E botter

2 E bistopoeier

1 E Worcestershire sous

1 E tamatiesous

Jong aartappeltjies in die skil gekook

Olie vir diepbraai

2 pakke jongspinasie

1 klein ui, fyn gekap

1 klein toontjie knoffel, gekneus en fyn gekap

Sout en peper

125 ml room

Verhit die oond tot 180 grade Celcius. Smeer die vleis deeglik in met knoffelgeur olyfolie. Sprinkel goed met sout en peper. Verbruin alkant goed  in ‘n swaarboompan. Kap die geurgroente grof op en plaas in ‘n oondskottel saam met die kruietakkies. Plaas die vleis bo-op en sit in die oond sonder ‘n deksel of foelie. Rooster vir 20 minute per 450 g plus ekstra 20 minute, 900 g dus 60 minute, vir ‘n mooi liggaar stuk vleis. Dit is sagter en sappiger op dié manier. Wanneer die vleis gereed is, plaas dit op ‘n bord met ‘n stukkie foelie oor om te rus. Roer die vleissap wat vorm in die bord, by jou sous in later.

Gebruik die pan waarin die vleis verbruin is om sous te maak. Giet al die sous wat gevorm het in die braaipan na jy die vleis en geurgroente uitgehaal het. Maak ansjovis, souspoeier en botter saam fyn, en roer dit deur alles wat nou in die pan is, oor mediumhitte. Roer die Worcestershire-sous en tamatiesous by. Voeg ongeveer een koppie kookwater by en roer glad. Laat effens kook.

Was spinasieblare in koue water. Skud liggies droog. Plaas die nat blare sonder enige ekstra water in n groot genoeg kastrol wat ‘’n deksel het. Voeg die gekapte knoffel en ui met sout en peper by en laat stoom vinnig tot net sag. Giet meeste van die vog af so goed jy kan. Voeg net genoeg room by om ‘n sagte romerige mengsel te vorm wanneer jy met ‘n vurk deurroer. 

Trek die aartappelskille met ‘n vurk af wanneer die aartappeltjies nog  effe warm is sodat die vurktandjies die aartappels effe growwerig maak. Braai hulle goudbruin in warm olie.

800 g - 1 kg rou hoendervleis, ontbeen

10 - 15 ml Korma kerriemengsel

1 ui fyn gekap

1 cm stuk vars gemmerwortel, fyn gekap

15 ml botter

30 ml Willow Creek Koljandergeur olyfolie

2 wortels, fyn gekap

1 ander groente, fyn gekap ( eiervrug/ murgpampoentjies)

1 klein koevertjie tamatiepasta.

1 blikkie klappermelk

100 ml room

Sout en peper na smaak

Opsioneel: vars gesnyde rissie na smaak

Poppadums, in 180 grade Celcius olie opgepof

150 ml volroom ongegeurde jogurt

1 halwe komkommer, ontpit en fyn gekap

1 bossie vars kruisement

Sout en swartpeper

Meng alles goed saam. 

2 tamaties, baie fyn gekap 

1 medium ui, baie fyn gekap 

15 ml suiker 

50 ml Willow Creek Cabernet Sauvignon balsemiekasyn

Genoeg sout en peper

Meng alles goed saam. 

Opsioneel: vars koljanderblare, Geelperske blatjang, Neute soos kasjoe of amandels

Begin altyd deur die speserye in olie en botter saam te verhit. Braai die gekapte uie daarin en hou eenkant. Verbruin die vleis in dieselfde pan. Plaas vleis, gebraaide uie en groente saam in die pan, roer tamatiepasta deur en geur met sout en peper. Giet die klappermelk oor en plaas ‘n goedpassende deksel op die pan. Stowe vir ongeveer 30 minute. Roer heel laaste die room deur net voor bwdiening.

6 hoenderborsies of ontbeende dye, fyn gesny

1 driehoek bloukaas

Botter en Willow Creek knoffelgeur olyfolie  of First Choice knoffelbotter en natuurlike olyfolie vir braai

250 ml First Choice langlewe room

1 pakkie Penne of Rigatone pasta

1 E of 15 ml van elk:

Heel komynsaadjies, koljander, sesamsaad (lig gerooster)

10 ml fyn kaneel

5 ml sout

5 ml donker bruinsuiker

2 E heel neute (amandels of haselneute)

Stamp alles saam fyn of maal in speserymeultjie of voedselverwerker.

Kook die pasta gaar in goed gesoute kokende water en hou eenkant met ‘n klein bietjie olyfolie geskud. Hou die pastawater. Braai hoenderstukkies bruin in ‘n lekker warm pan met die olie- en bottermengsel. Geur liggies met sout. Sit ongeveer ‘n derde van die bloukaas  (of meer, na smaak) by en laat dit insmelt. Voeg die room by en laat kook. Verdun die sous effens met van jou pastawater. Roer die pasta deur en maak goed warm. Skep in opdienborde en sprinkel dukkah oor of laat elkeen self dukkah oorsprinkel na smaak.

4 Kassler steaks of tjops

2 ml neutmuskaat

Geurige Willow Creek Nuyvalley olyfolie

4 groot swart sampioene

1 pak gekapte spinasie

50 ml First Choice room

2 wiele fetakaas

First Choice Gouda of Cheddar, fyn gerasper

1 geel soetrissie

50 ml olyfolie

4 ryp tamaties of 1 pakkie kersietamaties

Halwe pakkie gekapte ontbytspek

1 ml First Choice room

Sout en peper na smaak

Vryf die vleisstukke met olyfolie en sprinkel liggies  met neutmuskaat. Braai alkante bruin in olyfolie en hou eenkant. 

Braai die sampioene in dieselfde pan effens gaar. Hou eenkant.

Sny die tamaties in groot  stukke en sprinkel die  gekapte ontbytspek oor, saam met olyfolie. Rooster dit goed gaar in die oond. Meng met die 100 ml room  en maak fyn met staafmenger. Hou die sous eenkant.

Was die spinasie goed en stoom  dit onder 'n deksel met slegs die water wat aan die blare  kleef na die was. Geur met sout en peper. Hou die helfte eenkant en meng met een fyngebreekte feta wieletjie. Verdeel die spinasie en fetamengsel op die 4 sampioene. Breek die ander feta wieletjie fyn en sprinkel die kaas oor die helfte van die sampioen en die gerasperde Gouda  oor die ander helfte. Bak in die oond totdat die kaas goed gesmelt het.

Plaas die ander spinasie helfte in 'n diep houer waarbinne jy kan meng met 'n staafmenger. Voeg die 50 ml room by en maak baie fyn tot 'n groen sous.

Sny die geel soetrissie op en stoom sag in 'n bietjie water. Geur met sout en peper en sit 50 ml olyfolie by. Maak goed  fyn met jou staafmenger. 

Plaas 'n poeletjie tamatieroomsous in die middel van elke opdienbord en sit 'n vleisstuk daarop. Plaas 'n spinasie sampioen bo-op elk en speel dan met die geel en groen souse rondom in strepe en kolletjies.

4 groot stukke hoender met vel

5 ml kaneel

16 Heel naeltjies 

8 E botter

Parmesaangeur Willow Creek Olyfolie of gewone olyfolie 

Sout en peper

2 heel Camembert kase, gehalveer in 2 sirkels elk

1 bakkie bloubessies

150 ml rooiwyn

80 g koue botter in blokkies gesny

Opsioneel:

Eiervrugskywe gesout en in kaneelbotter gebraai

Wikkel die hoendervelletjies versigtig los en stop botter onder die vel in. Steek vas met vier naeltjies. Sprinkel die vleis met kaneel, sout en peper. Besprinkel liggies met olyfolie. Braai die hoenderstukke bros en gaar in die oond en hou warm.

Giet meeste van die hoendervet uit die pan en gooi die rooiwyn in die pan om die pansappe los te maak. Giet dit oor in ‘n kastrolletjie en laat effens opkook om in te damp. Verwyder van die hitte en klop die koue botterstukkies by.

Druk bloubessies op die gesnyde kant van elke Camembert wiel. Sprinkel liggies met kaneel en rangskik in ‘n oondpan. Net voor bediening, plaas die kaas naby aan ‘n vuurwarm oondrooster en laat hulle net begin smelt en opborrel. Drapeer nou versigtig ‘n Camembert-wiel bo-op elke hoenderstuk, wat bo-op gebraaide eiervrug neergesit is, of dalk aartappelskywe of selfs koeskoes. Rond af met rooiwynsous rondom die gereg.

3 - 4 Eendborsies, vet netjies afgerand en oorlangs deurgesny tot teen die vleis

Roosmaryngeur kruiesout

1 Framboosbier of Cider

100vg koue botter in blokkies gesny

2 ferm, maar ryp rooi pruime, in wiggies van die pit af gesny

Vars kersies

2 lemoene, in ronde plat skywe gesny

Jong groente 

Willow Creek Blood Orange geur olyfolie 

Pêrelsout (opsioneel) 

Plaas die Eendborsies velkant na onder in 'n swaarboompan en skakel die plaat aan om mediumwarm te word. Braai die vleis stadig totdat die vet uitbraai en die vel bros en bruin is. Hou eenkant warm. 

Maak die sous:

Giet die eendvet af. Gebruik die helfte van die Framboosbier en ontglans die pan daarmee deur dit vinnig te laat kook en sodoende ook indamp. Geur met die kruiesout. Verwyder van die plaat en klits die koue botterblokkies met 'n ballonklitser in die sous in. Hou eenkant tot benodig. 

Gebruik 'n klein bietjie van die eendvet en braai die lemoenskywe en die pruime onderskeidelik versigtig om ‘n mooi riffelpatroon te wys. Braai dan ook die jong groente liggies gaar en geur met sout, peper en Willow Creek Blood Orange olyfolie. 

Warm weer die riffelpan op en braai dan die Eendborsies op die vleiskant bruin en mediumgaar. Laat rus die vleis vir 'n paar minute en sny dit dan op in netjiese skywe, ongeveer 3 mm in dikte. Rangskik alles op die borde en skep van die Framboosbiersous oor alles. Rond af met wit Soutpêrels as jy dit het, anders seesoutvlokkies. 

600 g gehalte maalvleis

Sout en peper

Een groot koolblaar per frikkadel, in kookwater geweek tot dit sag is

Willow Creek Koljandergeur olyfolie

4 jong preie of 1 ui, gekap (gebruik net die wit gedeelte van die preie)

2 E Bobotie- of Kaaps Maleise kerriemengsel of maak die volgende mengsel: 5 ml borrie, 5 ml kerriepoeier, 2 ml koljandersaadjies, 2 ml vinkelsaad, 2 ml mosterdsaad, 2 ml komynsaad en 2 ml karwysaad (stamp fyn as jy nie van die heel saad hou nie) Plaas ook 1 elk steranys en kardemom in die mengsel en 4 heel naeltjies. 

50 ml sultanas

50 ml goeie appelkooskonfyt

50 ml blatjang

6 tot 8 gedroogde appelkose, grof gekap

50 ml sultanas, korente of pitlose rosyne

50 ml koue botterblokkies

50 ml gesnipperde amandels vir sprinkel

Fyngekapte Radys vir sprinkel (hou in yswater tot gebruik) 

Bietjie First Choice room (opsioneel) 

Verdeel die vleis in 8 en geur met sout en peper. Rol frikkadelle ongeveer tennisbalgrootte en vou toe met 'n koolblaar. Gebruik Willow Creek se Koljandergeur olyfolie en sprinkel effens in 'n oondvaste bak. Gooi 'n bietjie kookwater ook in die pan. Plaas die frikkadelle daarin en geur met sout en swartpeper. Giet 'n bietjie van dieselfde olie liggies bo-oor elkeen. Bedek met foelie en bak die frikkadelle ongeveer 20 minute in 180 grade oond. Verwyder die foelie na 15 minute. 

Gebruik 'n braaipan en verhit 'n bietjie Koljandergeur olie oor matige hitte. Voeg die droë kerriemengsel by saam met die gekapte prei of ui. Braai liggies vir 'n paar minute. Voeg die vrugte, blatjang en appelkooskonfyt by. Geur met ten minste 5 ml sout. Vul die sous aan met 'n koppie kookwater en laat dit effens indamp. Skakel die plaat af en roer die koue botterblokkies deur. Bedien die koolfrikkadelle op Jasmyn- of Basmatirys en skep die sous mildelik oor elk. Sprinkel met amandels en gekapte Radys. Indien jy dit gebruik, skep ook 'n klein bietjie room laastens oor elkeen en bedien warm. 

600 g mooi garnale, met doppe aan (koppe is mooi vir garnering) 

150 g botter

5 ml paprika

5 ml braaispesery

5 ml fyn komynsaad

Vars pietersielie

Vars rissie (opsioneel) 

1 k growwe braaipap Mieliemeel 

4 k kookwater

2 potjies hoenderaftreksel-jellie 

50 g botter

100 ml First Choice langleweroom

1 k gerasperde First Choice Baby Gouda met Grasui 

Maak die pap aan deur aftreksel in die kookwater te smelt en dit te verhit tot net onder kookpunt. Roer die meel gelyktydig by en meng goed tot dit begin verdik. Kook die pap gaar vir 10 minute op mediumhitte en roer dikwels. Roer die botter en room onderskeidelik deur die pap en dan die kaas. Hou warm tot benodig. 

Dop die garnale uit en was dit goed. Maak die garnaalvleis mooi droog en druk ook die meeste water uit die doppe en koppe, as jy dit so gekoop het. Verhit die helfte van die botter stadig en braai eers die doppe en koppe daarin. Verwyder die doppe en skep soveel moontlik stukkies uit. Braai nou die garnaalvleis bruin op mediumhitte en voeg die geurmiddels by, asook die res van die botter. Bedien die souserige garnale op 'n poeletjie van die sagte kaaspap en garneer met vars gekapte platblaarpietersielie en vars rissie. 

1 klein varkboud- of varkskouerstuk, ongeveer 800 g -1 kg

2 steranys-sade

4 kardamomsade

4 heel naeltjies

20 ml Braaispeserye

4 salieblare 

50 ml sagte donkerbruin suiker

2 appels, grof gekap 

4 ferm Isabel’s ingemaakte perskehalwes 

4 blokkies botter

Ongeveer 'n halwe botteltjie Isabel's ingemaakte jongbeet

50 ml sagte donkerbruinsuiker

25 ml Isabel’s Kweperjellie

50 ml appelasyn

15 ml Braaispeserye 

3 blokkies koue botter

'n Halwe klein rooi koolkop, fyn gesny

1 appel, in stokkies gesny

50 ml sultanas

50 ml sagte bruinsuiker

50 ml appelasyn

5 ml sout

Plaas die vleis in 'n oondvaste skottel, saam met al die speserye, suiker en appel. Bedek met foelie of 'n goedpassende deksel en stowe stadig op 150 grade C vir 2 ure. Verwyder die heel speserye voordat jy die vleis van die been rafel met 2 vurke, terwyl dit nog warm is. 

Plaas die halwe perskes in die holtes van 'n muffinpan. Sprinkel goed met braaispeserye. Plaas ‘n blokkie botter op elk en bak in die oond vir 15 minute teen 180 grade. Of jy kan die perskepan vir die laaste 20 minute saam met die Vark in die oond plaas. 

Maak die jongbeet-blatjang deur die beet in 'n pannetjie te skep saam met die speserye, asyn en suiker. Laat dit vinnig reduseer vir 10 minute oor matige hitte,sonder 'n deksel. Roer die botter deur die warm blatjang sonder om dit verder te kook.

Meng die bestanddele vir die koolslaai. 

Bedien die Rafelvark saam met koolslaai op 'n gebraaide Ciabatta broodjie met die speseryperske en jongbeet bo-op. Vir 'n laer-kalorie ete kan jy die broodjie uitlaat. 

1 kg Gesnyde skaapskenkel-potjievleis 

Klein bietjie koekmeel

5 ml Sout

15 ml gemaalde swartpeper 

Olie vir braai van vleis

1 ui, gekap

1 kaneelstokkie

6 heel naeltjies

15 ml ingemaakte groen peperkorrels, gekneus

5 ml witpeper 

1 pakkie vars groenbone, skoongemaak

100 ml aangesuurde room of ongegeurde jogurt

6 medium tot groot aartappels, in die skil sag gekook

60 ml (4 E)  First Choice gesoute botter

100 ml First Choice Langlewe room

2 wieletjies First Choice fetakaas, gekrummel

Meng die meel, sout en peper goed en sprinkel dit oor die vleis sodat elke stukkie genoeg meel oor kry. Braai die vleis in jou drukkoker met 'n bietjie olie, of in 'n swaarboomkasserol. Plaas die kaneelstokkie en die naeltjies in die kastrol en voeg genoeg water by om die vleis net te bedek. Stoom vir 30 minute en laat afkoel (indien jy die vet wil skei van die aftreksel). Braai die uie bruin saam met die gekneusde groenpeperkorrels en voeg by die vleis. Rangskik die bone bo-op en bedek die kastrol. Geur met sout en die witpeper. Stowe nou stadig vir sowat 25 minute. Voeg die room of joghurt by en roer deur. Reduseer sonder deksel vir ongeveer 15 minute. 

Maak die feta-kapok deur die aartappelskilletjies af te trek en die aartappels dan weer op te warm. Druk fyn saam met die room, botter en fetakaas.

300 g Engelvis of Koningklip of enige ferm wit vis, baie vars, van die vel gesny en ontbeen, dan in dobbelsteentjies van ongeveer 1 cm gesny (hou ekstra skoon en in die yskas) 

50 ml vars lemmetjiesap of suurlemoensap (nie botteltjie-soort nie) 

½ elk rooi, geel en groen soetrissie, in klein dobbelsteentjies gesny

1 klein rooi ui, fyn gekap (of gebruik gepiekelde rooi ui) 

1 vrug soos kiwi of Appelliefie of pynappel, kleiner gesny, of in dobbelsteentjies 

1 klein rissie, sade uitgeskraap en fyn gesny

1 ferm ryp tamatie, sap en pitte uit, vlees in klein dobbelsteentjies gesny 

1 ferm ryp Avokado, in 1 cm blokkies gesny

1 cm stuk gemmerwortel, fyn gesny of gebruik gepiekelde pienk sushi-gemmer

Geroosterde baba-mielies (vinnig geskroei, of Mieliepitte geskroei)

Eetbare blomme opsioneel

“Cos lettuce ” slaaiblare vir bakkies

Vars koljanderblare

Vars kruisementblare

Soetpatat-skyfies

Ekstra lemmetjies, vir wiggies

“Leche de Tigre”

3 lemmetjies

50 ml sojasous

10 ml Willow Creek Jalapeño geur olyfolie

10 ml Willow Creek Koljandergeur Olyfolie 

Vars gemmerwortel

Vars rissie 

Sodra al die groente en die vis voorberei is, meng jy die 50 ml vars sap met die vis. Dit moenie langer as 15 minute voor bediening gebeur nie. Meng dan versigtig al die voorbereide groente liggies met die visblokkies. Verdeel die Ceviche tussen 4 tot 6 slaaiblaarbakkies. Garneer met vars koljanderblare, gesnipperde kruisementblare en die eetbare blommetjies. Bedien dadelik, yskoud. 

4 mooi varktjops, vetrande met 'n skerp messie ingesny

1 K sterk koffie 

2 E melasse

4 E sojasous

2 E suiker

2 E appelwyn

1 E korrelmosterd

2 t gekapte vars gemmerwortel 

Meng al die marinade bestanddele deeglik. Vryf die vleisstukke goed met sout en peper en laat dit 6 ure of oornag in die marinade lê. Verwyder die vleis, maar hou die marinade eenkant. Plaas die gemarineerde tjops sonder die marinade in 'n oop oondrooster-pan in 'n baie warm (220 grade C) oond en rooster hulle 40 minute of  mooi bruin en gaar. Giet die marinade na 20 minute oor die tjops sodat dit 'n lekker sous vorm terwyl die tjops nog verder bak.

Sny 4 ongeskilde aartappels middeldeur en braai hulle in 'n pan op die gesnyde kante in botter tot effens bruin. Giet 'n half koppie kookwater oor en plaas 'n deksel op die pan sodat die aartappels kan stoom totdat hulle sag is. Meng 'n teelepel mosterdpoeier en 'n half koppie room by die sous in die pan en laat net goed opwarm voor bediening.

Garneer met fyngekapte karamel-springmielies en vars tiemieblaartjies.

600 g lamsmaalvleis (jy kan vervang met bees-maalvleis)

50 g rou pistachios (of uitgedopte gesoute pistachios) fyn gekap

2 ml elk: fyn koljander, fyn kaneel, fyn komyn, rooipeper

5 ml gekneusde vinkelsaad

5 ml gedroogde Oreganum

5 ml sout

Swartpeper

3 E fyn gesnipperde pietersielie

12 sosatiestokkies of metaal kebablemme

Meng die vleis met al die bestanddele en knie dit goed vir ten minste 1 minuut lank. Verdeel die vleis in twee en elke helfte weer in 2 sodat jy dan uit die 4 dele elk 3 hopies vleis het. Druk een hopie vleis goed vas aan elke stokkie sodat dit 'n langwerpige worsie op die stokkie vorm. Braai dit bruin en gaar in ‘n klein bietjie olyfolie en First choice botter.

4 mediumgroot chips-aartappels, in die skil gekook tot amper sag

Olie vir diepbraai

braaispeserye

1 eiergeel

3 t vars suurlemoensap

1 t wit asyn

Knypie sout

50 ml olyfolie

200 ml goeie gehalte kookolie of Canola olie

½ t rooipeper of rissiepoeier

½ t paprika

1 vars rissie, geskraap en fyn gekap

Sny die opgekookte, ongeskilde aartappels oor die lengte van die aartappels in 6 wiggies deur

die aartappels eers in 2 en dan elke helfte in 3 dele te verdeel. Maak die kookolie medium-hoog warm (180 grade C) en braai die wiggies daarin vir 2 minute in klein hoeveelhede op ‘n slag. Laat rus op kombuispapier.

Net voor bediening: Maak die olie nou hoogwarm (200 grade Celcius) en braai die wiggies bros

en goudbruin. Sprinkel mildelik met braaispeserye.

Plaas die eiergeel, suurlemoensap, sout en asyn in 'n diep bekertjie waarin jou stokmenger pas. Meng goed en drup dan met 4 tussenposes ‘n druppel olyfolie by terwyl jy meng. Meng nou die res van die olyfolie en dan die gewone olie daarmee saam. Die mengsel moet nou al begin dik word. Meng totdat al die olie gebruik is. Meng die res van die bestanddele met die mayonnaise.

4 tot 8 Skilpadjies (lewer in netvet) 

150 ml rooiwyn 

2 takkies vars tiemie, blaartjies gestroop en behou

5 ml Roosmarynsout

80 g koue First Choice botter in dobbelsteentjies gesny

1 k growwe mileliemeel

2 tot 4 k water

80 g First Choice botter

½ First Choice baby Gouda met Swartpeper, fyn gerasper

swart knoffel in fyn dobbelsteentjies gesny vir ekstra sprinkel

Vars tiemie of kruieblommetjies vir garnering

Begin deur die Skilpadjies in 'n pan stadig te verbruin sodat die vet begin uitkom en die pan geur kry. Verwyder die Skilpadjies uit die pan en plaas in 'n geskikte oondvaste bak of pan in 'n warm (180 grade C) oond. Voeg die vars tiemieblaartjies en roosmarynsout in die pan waarin die Skilpadjies gebraai is en voeg dan die wyn daarby. Laat dit vinnig afkook (indamp) totdat dit ongeveer met die helfte verminder het. Verwyder van die hitte en klop die koue botter blokkies by. Moenie die sous dan weer laat kook.

Bring 3 koppies kookwater (indien jy van 'n stywer pap hou, gebruik minder water of meer indien jy van 'n baie slap pap hou) tot by kookpunt en trek dit dan van die hitte af. Voeg 2 teelepels sout by die water asook die botter. Roer die meel met 'n ballonklitser of houtlepel vinnig by die water en roer dit glad. Plaas die pap terug oor lae hitte en laat dit gaar stoom vir ongeveer 20 minute. Roer die kaas deur net voor bediening. 

1 mooi skoongeskropte skaapafval sonder kop (pens en pootjies)

1 klein en 1 groot ui 

2 lourierblare 

2 suurlemoenblare 

4 mediumgrootte wortels, geskil en grof gekap 

4 mediumgrootte aartappels,geskil en in kwarte gesny

30 ml (2 E) Kerriepoeier 

10 ml Maleisiese kerriemengsel, heel (koljandersaad, komynsaad, kaneelstok, kardemom, steranys, vinkelsaad, mosterdsaad)

Willow Creek knoffelgeur olyfolie vir braai 

Sout en peper 

Asyn

Brooddeeg vir dompelinge 

Was die afval weer mooi skoon as jy dit uit die pakkie verwyder. Laat staan in die yskas oornag in sterk asynwater. Was die asynwater af en plaas in jou drukkoker saam met 15 ml van die kerriepoeier, die klein geskilde heel ui en 1 wortel se stukke. Vul die kastrol met water tot 5 cm bokant die afval. Drukkook vir 45 minute (wanneer die stoom-springknoppie aandui die druk is bereik, skakel die plaat na laer hitte). Laat afkoel en maak oop. Giet die vloeistof af. Sny die pens in fyn repe.

Braai die gekapte ui, kerriemengsel en die laaste 15 ml kerriepoeier in 'n pan tot die uie net sag raak. Voeg die pensvleis by en roer deur. Braai nog 2 minute. Verplaas nou alles, insluitende die pootjies, na 'n oondvaste kasserol met 'n deksel. Sit die aartappels en wortels by die vleis. Voeg genoeg sout en peper by. Vul die kasserol met water tot ongeveer halfvol. Bedek met deksel en stowe in die oond by 180 grade Celcius vir 40 minute.

Maak bolletjies met die deeg en sit dit bo-op die afval. Smeer elk met 'n bietjie olie of botter.

Plaas die deksel terug en stowe verder vir 20 minute. 

Bedien saam met rys.

4 koppies koekmeel

2 groot eiers

+- 5 koppies water

Groot kastrol met goed gesoute kookwater

1 groot pak gesnyde bruin sampioene (400 g)

1 pakkie sampioen-verskeidenheid

1 toontjie knoffel gekneus en gekap

2 tot 3 salieblare, gesnipper

1 k rooiwyn

Sout en peper 

80 g koue botterblokkies

Beleë Cheddar of Parmesaankaas

Vars pietersielie

Meng die eier en meel tot 'n stywe pasta en werk dan water by tot 'n redelike taai maar effe loperige beslag. Bring die gesoute kookwater tot net byna kookpunt en begin dan met 2 teelepels vet druppels van die beslag in die water skep terwyl die kastrol op die warm plaat gehou word. Die beslag ruppels sal na die bodem sak en opkom soos dit gaar word. Verwyder met 'n gaatjieslepel en laat effe uitdroog in 'n vergiettes wat met kombuispapier gevoer is. Hou aan met die proses totdat al die beslag op die manier gaargemaak is.

Braai die gesnyde sampioene in 'n bietjie botter saam met die knoffel. Voeg sout en peper en die salieblare by. Voeg die rooiwyn by en laat afkook tot dit ongeveer die helfte minder vloeistof oorhet. Skakel die plaat af en roer die koue botter deur. Braai die mooi sampioentjies net so heel effens bruin in botter. Geur met sout en peper. Sny die groter variëteite in mooi dun skywe en braai hulle goudbruin. Geur met sout en peper. Skep die pasta by die sampioensous en roer versigtig deur. Verdeel tussen 4 opdienbakkies en skep die gebraaide sampioene mooi dekoratief bo-op elkeen. Sprinkel laastens met gerasperde sterk kaas en gekapte platblaar pietersielie.

600 g monnikvis of ferm witvisfilette

Speserymengsel: paprika, rooipeper, swartpeper, witpeper, oreganum, sout

Willow Creek knoffelgeur olyfolie 

1 koppie koeskoes

pynappelstukkies

1 pomelo 

rooi sprietuie 

4 kersietamaties 

4 radyse

langsteel-broccoli

Maak die vis droog met 'n skoon doek of kombuispapier. Meng die speserye en genoeg sout. Vryf die vis alkante goed in met 'n bietjie van die gegeurde olyfolie en die speserye. Laat staan vir ten minste 15 minute in die yskas. 

Berei die koeskoes deur dit met ongeveer 1 koppie kookwater te laat swel. Geur goed met sout. Stoom die langsteel-broccoli in 'n klein bietjie kookwater en sout net-net sag, maar nog ferm. Laat onmiddellik afkoel in yswater. Sny die sprietuie in klein stukkies op. Ontpit die tamaties en sny dit in klein blokkies. Sny die pynappel ook in baie klein blokkies. Sny die radyse in papierdun skyfies en hou dit in yswater. Skil en segmenteer die pomelo. 

Braai die vis alkante stadig in 'n mediumwarm pan tot die vis gaar en ferm is. Meng die vrugte en sprietuie met die koeskoes. Sny die vis in mooi skywe en rangskik bo-op die koeskoes op 'n mooi opdienbord of in 4 aparte borde.

Garneer met die radysskyfies en langsteel  broccoli.

2 k koekmeel

2 ekstra groot eiers

1 k melk

1 t sout

1 E kookolie plus ekstra vir bak van pannekoeke

100 g gerookte salm afsnystukkies

4 x 200 g houers ongegeurde roomkaas

1 groot knol vars vinkel met die groen toppe nog aan 

2 E groen peperkorrels

Ekstra gesnyde gerookte salm en dillekruid of vinkeltoppe.

Meng die meel, sout, eiers en ‘n klein bietjie van die melk tot ‘n gladde pasta. Voeg die eetlepel kookolie by en verdun die mengsel met die res van die melk. Bak 6 dikkerige pannekoeke wat so groot is soos ‘n losboom knip-koekpan. 

Meng die gerookte salm met 2 houers roomkaas met ‘n stokmenger tot baie glad. Sny die vinkeltoppe van die knol af en kap dit so fyn as moontlik. Kap ook ‘n bietjie van die knol fyn sodat jy 2 eetlepels daarvan het. Meng die gekapte vinkel met 1 ½ houer roomkaas tot ‘n gladde, mooi liggroen smeer. Voer die bodem van ‘n losboom knip-koekpan met ‘n pannekoek. Smeer ‘n laag van die salmsmeer oor die pannekoek met ‘n derde van die smeer. Plaas ‘n pannekoek bo-oor en smeer dan ‘n laag van die vinkelsmeer daarop met die helfte van die smeer. Bedek die groen laag met ‘n volgende pannekoek. Smeer weer ‘n laag salmsmeer eweredig oor met ‘n volgende derde van die smeer en bedek met ‘n pannekoek. Smeer  die ander helfte van die vinkelsmeer oor en bedek met ‘n pannekoek. Smeer dan die laaste salmsmeer oor en bedek met ‘n pannekoek.

Bedek met kleefplastiek en plaas in die yskas vir ‘n paar uur. Knip die koekpan los en plaas die koek op ‘n mooi opdienbord. Meng die groenpeperkorrels met die laaste halwe houer roomkaas en smeer ‘n dun laag oor die kante en die bokant van die koek. Garneer met vars vinkeltoppies en rolletjies gerookte salm.

Wenk: jy kan ook hierdie maak as jy nie roomkaas het nie deur 1 houer (200 g) First Choice fetakaas met 600 ml First Choice room glad te meng met ‘n stokmenger wat ‘n 800 ml mengsel sal gee. Jy sal 400 ml van die mengsel met die salm meng, 200 ml met die vinkel en 100 ml met die groenpeperkorrels. 

100 ml wyn van jou keuse

1 ml kleursel van jou keuse

1 ml Agar Agar poeier

Meng die wyn, kleursel en agar-poeier. Verhit in ‘n klein kastrolletjie en kook dit vir 1 minuut. Giet in ‘n geskikte vorm en laat stol. Die jellie stol by kamertemperatuur.

400 g mooi dik skywe vars tuna of ander roofvis 

150 ml sodawater of bruiswater

1 k volgraan bruismeel

1 t sout

Genoeg olie vir diepbraai

300 ml melk 

1 E botter

1 k mieliemeel 

½ k koekmeel

1 t bakpoeier 

1 t sout

Botter en olie vir panbraai

Sojasous

Pruimblatjang of enige soet blatjang 

Bring die melk en botter tesame tot kookpunt. Roer die sout by en dan die mieliemeel. Roer oor die hitte vir 1 minuut en roer dan die koekmeel en bakpoeier by. Verwyder van die hitte.

Bak plaatkoekies in ‘n bietjie botter en kookolie. Hou warm.

Sny die vis in dik repe of brokke. Maak ‘n beslag van die bruismeel, sout en water. Dit moet 'n dun beslag vorm so gebruik gerus meer water indien nodig. Verhit kookolie maar nie te warm nie, ongeveer 189 grade C. Doop die vis vinnig in die beslag en dadelik in die olie. Verwyder sodra die deeg pof en bros en goudbruin is. Dreineer op kombuispapier. Bedien saam met vars groenigheid soos roketblare en blatjang of Tartare-sous.

500 g eendwors /afgekookde, gerafelde eendvleis

1 ui, gekap

4 groot bruinsampioene, heel, steeltjies versigtig uitgedraai en fyn gekap

1 klein houertjie bloubessies 

15 ml Willow Creek Blood Orange gegeurde olyfolie 

50 g First Choice Botter 

50 g gesoute neute van jou keuse

100 ml First Choice Room

1 pakkie roket, bronkors en jong spinasie

1 pakkie dun gerookte eendborsrepies 

Willow Creek Olyfolie

Willow Creekb Balsemiekasyn

Braai die uie en sampioenstammetjies effens in ‘n klein bietjie botter en olyfolie. Druk die worsvleis uit en braai dit bruin saam.met die uiemengsel. Voeg die bessies en die room by. 

Verdeel vleismengsel in 4 individuele oondvaste pasteibakkies. Maak die botter en neute saam fyn tot ‘n growwe pasta. Plaas ‘n sampioen bo-oor die vleis in elke bakkie en verdeel die neutbotter bo-op elke sampioen. Stip die kante dalk met nog ‘n bietjie botter as jy het. Bak die pasteitjies by 180 grade vir 25 tot 35 minute. 

Pak vir elke pastei ‘n kantslaaitjie met die blare en ‘n snytjie of twee van die gerookte eendbors. Rond af met Balsemiekasyn en olyfolie.

6-10 ferm ryp pruime, ontpit en in wiggies gesny

30 ml (2 E) First Choice botter

90 ml (4 E) strooisuiker

100 ml rooiwyn

10 ml Blood Orange gegeurde Willow Creek olyfolie

200 g donker sjokolade

100 g First Choice botter

4 eiers

75 g strooisuiker

250 ml (1K) amandelmeel of makadamia-meel

1 L First Choice Vanielje Nageregvla

50 g bosbessie en neutemengsel

80 g donker sjokolade

50 ml First Choice Room 

(smelt saam in mikrogolfoond en meng goed)

Rangskik die pruimwiggies in sirkels in 'n geskikte braaipan waarvan die handvatsel in die warm oond kan gaan. Sprinkel met die strooisuiker en Blood Orange Willow Creek olyfolie en plaas ook die botter in die pan. Giet die rooiwyn bo-oor en skakel die plaat aan op hoë hitte. Sodra dit begin borrel, kan jy die hitte effens afdraai. Stowe die vrugte sonder deksel totdat die sous stroperig raak en die borreltjies stadiger bars. Skakel dit af en koel die pan effens af sodat jy die boonste kant kan smeer of spuit met kleefwerende middel.

Smelt die sjokolade en botter in die mikrogolfoond vir ongeveer 2 minute. Roer die drie heel eiers deur die sjokolademengsel en roer die suiker by. Meng die neutmeel goed deur. Skep die beslag versigtig op die middel van die vrugte, nog net so in die pan en sprei dit versigtig oor die vrugte. Bak dit net so in die pan by 180 tot 190 grade vir 35 tot 40 minute. Laat afkoel vir 5 minute en keer versigtig uit in 'n opdienbord.

Bedien dit saam met die ganache en First Choice vanielje nageregvla en sprinkel met bosbessies en neutmengsel.

6 eiergele

100 ml suiker 

2 druppels Roos-olie

5 ml vanieljegeursel of Vanieljesaadjies van een peul

500 ml First Choice room 

100 ml First Choice volroom melk

+-60 ml strooisuiker

1 houertjie bloubessies 

100 ml suiker

2 Kardamomsade

2 naeltjies

1 kaneelstokkie

5 ml gerasperde lemoenskil of 2 ml Willow Creek Blood Orange gegeurde olyfolie

100 ml Zandvliet Muscat

Klits die suiker, eiergele, vanielje- en roosgeursel goed saam. Meng die room en melk in 'n kastrol en verhit totdat dit amper kookpunt bereik. Meng 'n klein bietjie van die warm roommengsel met die eiermengsel. Roer dan die eiermengsel versigtig met die res van die warm roommengsel. Verdeel die mengsel in 6 oondvaste bakkies. Bak dit in 'n waterbad by 150 grade Celcius vir 45 minute of totdat dit gestol lyk, maar nog sag is met 'n parmantige wikkel as jy dit liggies skud. Verkoel die Creme Brûlée en sprinkel ongeveer 2 teelepels of 10 ml wit suiker oor elkeen. Skroei die suikerlaag versigtig met 'n blaaasvlam sodat dit karamelliseer en vloeibaar, goudbruin maar krakerige hard is, wanneer dit koud is. Bedien binne 2 ure anders smelt die karamel weer. Indien jy die suiker onder 'n oondrooster wil karamelliseer moet die Creme Brûlée yskoud wees, maak jou rooster rooiwarm, plaas die bakkies reg onder die rooster en hou hulle dop. 

Verhit die speserye versigtig in 'n pan. Voeg die wyn, bessies, skil of olie en suiker by. Kook af totdat dit effens stroperig is. Bedien apart by die Creme Brûlée. 

500 g beesmaalvleis

1 ui, fyn gekap

1 - 2 t kwaliteit kerriepoeier 

Koljandergeur Olyfolie 

Fyngesnyde gemengde groente soos wortel, aartappel, boontjies

1 koppie kookwater

Sout en peper

15 ml suiker of meer na smaak 

100 ml volroom ongegeurde joghurt 

2 E kruisementblare, fyn gekap

1 bol supermark brooddeeg

Koljandergeur Olyfolie 

4 blikkies, oopgesny, skoon gewas en goed ge-olie

1 klontjie botter vir elke broodjie

4 Poppadums, in die mikrogolfoond gaargemaak vir 45 sekondes 

1 ui en 1 tamatie, fyn gekap vir sambals

Asyn, suiker en sout vir tamatie sambals

Koljanderblare vir garnering 

Braai die gekapte uie en die kerriepoeier in Koljandergeur olyfolie, Hou eenkant en braai die maalvleis bruin in dieselfde pan. Roer die uie en kerriemengsel deur die vleis en meng ook die groente daarin. Geur met sout, peper en suiker en voeg die kookwater by. Plaas 'n deksel oor en stowe die kerrie liggies vir 20 minute. (die kerrie is eintlik lekkerder die volgende dag) 

Meng die kruisementblare met die joghurt. Berei die tamatiesambals voor. 

Maak tennisbalgrootte bolletjies met die deeg en sit dit versigtig in die voorbereide blikkies. Smeer elke bolletjie goed met 'n klontjie botter. Bak vir 35 tot 40 minute by 180 grade Celcius. Sny die potbroodjie se kop oop en hol net 'n stukkie van die sagte brood uit. Skep mildelik vleis oor. Skep 'n bietjie kruisement-joghurt bo-op en garneer met vars koljanderblare. Bedien saam met die sambals

4 heel kwartels, ontbeen en gehalveer, hou die beentjies en vlerkiepunte vir aftreksel

Sout en peper

Olyfolie vir braai

1 houertjie vars bloubessies

50 ml suiker

100 ml rooiwyn

100 ml aftreksel, van die afsnybeentjies gekook, nadat jy die kwartels gebraai het

2 kaneelstokkies

4 heel naeltjies

80 g koue First Choice botterblokkies

8 stukke ingemaakte kwepers

1 koppie gevriesde ertjies

1 skyf First Choice Fetakaas

50 g First Choice botter

Sout 

Begin deur die kwartels in 'n baie warm pan met olyfolie te verbruin. Hou hulle eenkant in 'n bord warm, deur met 'n stuk foelie te bedek. Die sous wat vorm, sal jy later in die rooiwyn-bessiesous terug giet. Braai nou in dieselfde pan al die afgesnyde beentjies en rugstukkies van die kwartels goed bruin. Vul op met 1 koppie kookwater en plaas die kaneelstokkies en kruienaeltjies ook daarin. Kook dit vinnig af tot ongeveer 100 ml. Gooi die aftreksel deur 'n siffie en gooi die beentjies en speserye weg. Meng nou die wyn, aftreksel, suiker, 4 kweperstukke en die bessies weer in die pan en kook dit af vir ongeveer 6 minute. Geur met sout en roer laastens die koue botterblokkies deur om die sous effens te verdik.

Plaas die fetakaas en oorblywende kwepers saam met die ertjies in 'n klein kastrolletjie. Stoom dit effens en voeg die 50 g botter daarby. Maak dit goed fyn met ‘n staafmenger. Geur met swartpeper.

Giet die sous uit en gebruik die braaipan om die kwartelstukke weer te braai en sodoende verder gaar te maak en ook op te warm. Die vleissappe wat uitgelaat is tydens die warm hou van die kwartelstukkies roer jy net goed deur die rooiwyn-bessiesous.

Bedien die warm kwartelstukkies bo-op die kweper-en-ertjie puree as ‘n substansiele voorgereg en skep van die sous bo-oor en rondom.

6 Geurige Varkworsies, uitgedruk en in klein frikkadelletjies gerol

2 stokkies salami snoepworsies of Cabanossi, in klein stukkies gesny

Olyfolie en botter vir braai

5 ml vinkelsaadjies

1 elk geel en rooi soetrissie, in ringe gesny

1 k gekleurde klein tamaties, elkeen in die helfte gesny

1 blikkie tamatiesap

1 k Polenta-meel

2 k kookwater

5 ml Sout

3 E botter

100 ml room

100 ml gerasperde Parmesaankaas of Pecorinokaas

Ekstra gerasperde Parmesaan of Pecorino vir bediening

Braai die frikkadelletjies liggies goudbruin in ‘n mengsel van botter en olyfolie. Hou eenkant warm. Skroei die vinkelsaad effens in die braaipan en plaas die frikadelle dan terug in die pan saam met die gesnipperde salamiworsies. Rangskik die soetrissies en tamaties bo-oor die vleis. 

Giet die tamatiesap oor die gereg en bedek met ‘n deksel. Laat stowe liggies vir ongeveer 20 minute. Vul die vloeistof aan met kookwater indien dit te veel indamp, want dit moet souserig bly. Geur met sout en peper.

Maak ‘n sagte pap deur die water tot kookpunt te bring en die botter daarin te smelt. Voeg die sout by. Verwyder van die hitte en roer die meel met ‘n ballonklitser bietjie vir bietjie, maar vinnig in die koookwater in. Bedek met ‘n deksel, plaas terug op die stoofplaat op lae hitte en laat stadig gaar word. Roer die room en kaas deur net voor bediening.

1 k Arborio-rys

1 ui, fyngekap

3 E botter of First Choice knoffelbotter

3 E Willow Creek Olyfolie

1 k rooiwyn

3 k sterk hoenderaftreksel

50 g Peccorinokaas, gerasper

1 First Choice Baby Gouda met rissie

2 repies ontbytspek, fyn gesnipper en bros gebraai

1 eier, in 'n bakkie gebreek en effens geklits

150 ml gedroogde broodkrummels

150 ml olyfolie of kookolie

2 E botter

1 k First Choice gerasperde Cheddarkaas

250 ml First Choice Langlewe room

Braai die ui in die olyfolie en botter liggies oor matige hitte in 'n swaarboompan. Voeg die Arborio-rys daarby. Roer goed, sodat die korrels goed bedek is en liggies begin braai. Wanneer die korrels aan die punte begin deursigtig raak, kan jy die helfte van die wyn en 1 koppie aftreksel byroer. Hou aan roer totdat die vloeistof byna heeltemal geabsorbeer is. Voeg nou die ander helfte van die wyn en nog 'n koppie aftreksel by. Roer weer aanhoudend liggies rond totdat ook hierdie vloeistof ingeneem is. Roer die laaste koppie aftreksel by. Nou kan jy begin toets of die ryskorrels sag, maar nog effens "neuterig" heel in die middel is. Kookproses neem ongeveer 40 minute. Indien jy voel die rys is nog nie sag genoeg nie, kan jy nog aftreksel of kookwater byvoeg. Roer deurgaans. Die ryskorrels moet nie eintlik stil gaan lê nie. Roer laastens die gerasperde Peccorino deur en laat in die yskas koud word.

Sny van die Baby Gouda sodat jy 16-20 dobbelsteentjies het van ongeveer 1 cm. Neem dan 'n bietjie risotto in jou handpalm en druk 'n kaasblokkie in die middel. Plaas nog n klein bietjie Risotto bo-oor en rol versigtig 'n balletjie van ongeveer gholfbal-grootte. Plaas in die yskas vir 20 minute om stewig te vorm.

Meng die broodkrummels en spek goed in 'n voedselverwerker en gooi dit uit in 'n groterige bord of skotteltjie. Verhit die 150 ml olie en 2 eetlepels botter tot matig warm. Rol elke bolletjie in eier en dan in die spekkrummels. Braai hulle so 4 of 5 tesame mooi goudbruin in die botter en oliemensel.

Verhit die room tot net onder kookpunt en roer al die gerasperde Cheddar gelyktydig by totdat dit 'n gladde kaassous is.

Voorgereg: Vrugte- en Granolatertjie; 

Hoofgereg: Ontbytpotjie 

Nagereg: Sjokolade en Lemoen Kroek bakbrood met First Choice Sjokoladevla

250 g Granola of muesli

100 g sagte of gesmelte botter

Vrugte en bessies van jou keuse, asook jong worteltjies en ertjies as jy so gewaagd wil wees

Klein bietjie suiker en botter vir verglansing 

Kruisementblaartjies as garnering

Opsioneel: Volroom joghurt en heuning

300 ml First Choice room

250 g gekapte ontbytspek

1 medium ui, fyngekap

6 sampioene, fyngekap

4 eiers

Fyn gerasperde First Choice Baby Gouda met Swartpeper 

Willow Creek Truffelgeur olyfolie 

1 bol supermark brooddeeg (vetkoekdeeg) 

200 g heelneut melksjokolade of donkersjokolade

Willow Creek Blood Orange geur olyfolie 

Klein bietjie koekmeel

First Choice Sjokoladevla, yskoud verkoel en styf geklits

Maak die tertkorsies die aand voor die tyd of ten minste 2 ure voor die tyd. Meng die Granola of muesli goed met die botter en druk dit oor die boom en teen die kante van 'n losboombakpannetjies tertpannetjie of Muffin pannetjie goed vas. Plaas in die yskas totdat jy gaan opdien. Sny die vrugte mooi op en hou eenkant kant. Verglans jou worteltjies en heel ertjies vinnig deur dit in 'n warm pan te skud saam met botter en 'n bietjie suiker, indien jy dit gebruik. Pak die tertdoppies mooi vol en rond af met joghurt, heuning  en kruieblaartjies. 

Braai die gesnipperde spek, uie en sampioene in botter bruin en skep in individuele oondvaste bakkies. Deel die room in vier en gooi oor die spekmengsel in elke bakkie. Breek 'n eier in  elk en strooi genoeg kaas oor elkeen. Drup 'n bietjie Truffelgeur olyfolie oor en plaas dekseltjie op die potjie of bedek met foelie. Bak vir ongeveer 12 tot 15 minute by 180 grade Celcius. Bedien saam met roosterbrood en slaai. 

Sprinkel 'n werksoppervlak met koekmeel. Druk die deeg goed plat in 'n ronde sirkelvorm. Breek die sjokolade in blokkies en versprei oor die deeg. Drup Willow Creek Blood Orange geur olyfolie bo oor. Rol  nou die deeg van een kant af lekker styf op en probeer om nie lugblase te skep nie so druk lekker styf terwyl jy rol. Vou die kante om en plaas op 'n bakplaat met die naat na onder. Bak vir 30 minute by 190grade Celcius. Bedien saam met die opgeklitste First Choice Sjokoladevla en heerlike boeretroos. 

1  Vel skilferdeeg, rol dit om jou pan te pas. 

1 Rooi ui, in dun skywe gesny

1 pakkie rooi sprietuie, fyngekap

Botter en olyfolie vir braai van uie

8 ansjovisstukkies, elk in die lengte in twee verdeel

Ontpitte swart olywe in halwes gesny

Ongeveer 6 elk ontpitte groen en swart olywe

2 eetlepels fyn sout

1 eetlepel pienk Himalaya soutkorrels

Groenmielies nog in skille

200 g witsjokolade

100 ml room

200 g donkersjokolade

1 eier

50 g botter

100 ml room

1 pakkie Oreo of soortgelyke sjokoladebeskuitjies

50 g sagte botter

Ongeveer 12 ontpitte swart olywe

1 houertjie frambose of bloubessies

Voer 'n geskikte pan uit vir jou Pisaladiere met skilferdeeg. Braai die uie en sprietuie stadig sag en ietwat gekarameliseerd in botter. Sprei die uie oor die deeg. Lê die ansjovisrepies in 'n ruitontwerp oor die hele pizza. Plaas 'n halwe olyf in elke ruitjie. Bak by 180 grade vir 25 minute. 

Droog die olywe stadig in 'n oond deur hulle op koerantpapier op 'n bakplaat teen ongeveer 70 grade te laat lê. Plaas dit saam met al die sout in n voedselverwerker en pols tot fyn. Stoom die mielies eers gaar nog in die skil, los net een laag skille om die mielies. Trek een kant oop en braai die mielies op die vuur of in 'n pan bros. Sprinkel olyfsout oor en bedien met botter vir elke gas.

Pols die sjokoladekoekies fyn en meng met sagte botter. Druk die krummels oor die bodem van 'n broodpannetjie wat jy vooraf met kleefplastiek uitgevoer het, goed vas. Plaas in jou vrieskas terwyl jy die res maak. Smelt die witsjokolade en 100 ml room  saam in jou mikrogolfoond. Roer na elke 30 sekondes, totdat dit mooi glad is. Verdeel die witsjokolade ganache in 2 en meng die olywe met die een helfte en die bloubessies met die ander helfte. Smelt die donkersjokolade, botter en 100 ml room saam. Roer ook elke 30 sekondes sodat dit 'n gladde mengsel vorm. Roer dan die eier deur die warm mengsel. Giet die witsjokolade en olyfmengsel oor die koekiekors. Verkoel vir 10 minute. Smeer dan die donker sjokoladeganache bo-oor die eerste wit laag. Verkoel weer vir 10 minute. Verhit die oorblywende witsjokolade-mengsel effens en smeer dit laastens versigtig oor die donker ganache in die broodpannetjie. Vries oornag en hou baie koud (amper gevries) totdat jy dit met 'n warm mes gaan sny en bedien.

4 of 8 hoenderdytjies (vir 'n laevet-ete, gebruik hoenderfilette)

Willow Creek Koljandergeurolie 

Willow Creek Jalapeno-olie (opsioneel, vir 'n byt)

50 ml sojasous

Swartpeper

1 bossie groen aspersies, 4 minute gestoom en dan onmiddellik met ys of yswater afgekoel

Mooi slaaiblare

Rooi en geel soetrissies in fyn dobbelsteentjies gesny

Kersietamaties of geel tamaties

1 bossie vars groen koljanderblare

2 cm stuk vars gemmerwortel, fyn gerasper

1 toontjie vars knoffel, gekneus en grof gekap

80 ml ligte sojasous

150 ml klappermelk

1 nie te warm groen brandrissie, saadjies en nukleus mooi uitgeskraap, grof gekap

Skil en sap van 2 lemmetjies

Pak die hoenderstukke in 'n oondvaste braaipan. Geur die vleis goed met beide olies en sprinkel die sojasous en swartpeper bo oor. Bak hulle ongeveer 25 minute tot gaar en bruin in 'n matige warm oond, ongeveer 180 grade C. Hou eenkant.

Maak die sous deur al die bestanddele goed saam te verwerk in 'n versapper. Pak die slaai in 'n mooi vorm op individuele opdienborde en plaas een of twee hoenderstukke per persoon heel bo-op. Giet mildelik van die klappermelksous oor. Sprinkel die rooi en geel soetrissie dobbelsteentjies bo-oor en rondom.

500 g vars tuna-steak

Olyfolie 

Sout en Peper

Sous

1/2 pynappel, fyn dobbelsteentjies gesny

2 cm vars gemmer, gerasper

Klein stukkie vars rissie, of soveel na smaak, fyn gesny

1 bossie vars koljanderblare, fyn gesny

100 ml sojasous

10 ml sesamolie

15 ml Willow Creek Koljandergeur olyfolie

5 ml suiker

Geroosterde sesamsaadjies vir oor sprinkel

Sjinese glasnoedels of rysnoedels

1 klein pakkie bevrore ertjies, ontdooi

Willow Creek Truffelgeur olyfolie

Ertjielote 

Maak eers die sous deur al die bestanddele te meng. Laat staan eenkant, nie in yskas. Gebruik die helfte van die pakkie ertjies en maak ‘n puree met jou stokmenger deur die ertjies met sout en Willow Creek se truffelgeurolie te meng Hou die res van die ertjies byderhand, geur met sout.

Bring ‘n kastrol gesoute water tot kookpunt en plaas die noedels in die kookwater. Skakel die hitte af.

Verwarm ‘n braaipan tot matige hitte. Droog die tuna-steak met kombuispapier af en smeer dit alkant goed met olyfolie. Braai die vis alkant mooi bruin. Pasop dat jy dit nie heeltemal gaarmaak nie, dan is dit baie droog.

Plaas ‘n hopie noedels in voorafverwarmde opdienborde. Sny die Tuna in skywe van ongeveer 5 mm en rangskik dit oor die noedels. Plaas ertjiepuree langsaan en sprinkel met die heel ertjies. Plaas laastens ertjielote bo-op. Skep van die pynappelsous bo-oor die vis, sprinkel met geroosterde sesamsaadjies en bedien.