By continuing, you are agreeing to our Terms and conditions as well as our Use of Cookies.

Landbounuus: 23 Maart 2019

Landbounuus: 23 Maart 2019

Vandag in die nuus: 
  • Beesvleis-uitvoere weer op dreef; 
  • rekord sitrus-uitvoere in die visier; 
  • perdesiekte ruk hand uit; 
  • en agri-besigheidsvertroue styg, maar bly ondergemiddeld. 
Volgens die nuutste verklaring van die department van landbou, bosbou en visserye oor Suid-Afrika se bek-en-klouseer-status, het department tot dusver suksesvol onderhandel vir die hersiening van gesondheidsertifikate, vir die uitvoer van beesvleis na Bahrein, Egipte, Jordanië, Koeweit, Lesotho, Mosambiek, Qatar, Swaziland en die Verenigde Arabiese Emirate. China se grense bly egter gesluit vir Suid-Afrikaanse wol. 

’n Rekord-oes van ongeveer eenhonderd sewe en dertig miljoen kartonne sitrusvrugte, gaan vanjaar na meer as dertig lande uitgevoer word. Dié rekord, wat onlangs deur die sitrusbemarkingsforum aangekondig is, is nul komma sewe persent meer as verlede jaar se uitvoere. 

Die departement van landbou, bosbou en visserye het onlangs aangekondig, dat uitbrekings van Afrika-perdesiekte in Februarie en Maart vanjaar, in Gauteng en Mpumalanga gerapporteer is. Buiten ’n gedeelte van die Wes-Kaap, is perdesiekte endemies aan die grootste gedeelte van Suid-Afrika, en uitbrekings vind oor die algemeen in die somermaande plaas. Geen uitbreking is in die perdesiekte-beheerde gebied van die Wes-Kaap aangemeld nie. 

Die Agbiz-besigheidsvertroue-indeks het in die eerste kwartaal van tweeduisend en negentien, tot ses en veertig gestyg. Dit is ’n verbetering van vier punte sedert die laaste kwartaal van tweeduisend en agtien. Agbiz meen egter dit is onder die gemiddelde vlakke, en dui daarop dat lanboubesighede steeds onseker is oor sake-toestande in Suid-Afrika. 
Copyright © Ontbytsake 2019 - All rights reserved.  |  Privacy Policy  |  Terms & Conditions
 site