By continuing, you are agreeing to our Terms and conditions as well as our Use of Cookies.

Landbounuus: 19 Mei 2018

Landbounuus: 19 Mei  2018

Vandag in die nuus: 
  • Koringproduksie hoër as verwag; 
  • Vrystaat Landbou stel veiligheidstoepassing bekend; 
  • gesprekke oor grondonteiening aangeskuif; 
  • en landbouhandel onder die vergrootglas. 
Volgens die nasionale oesskattingskomitee se nuutste gewasproduksiesyfers vir kommersiële koring, moutgars en kanola vir tweeduisend en sewentien, is die finale produksie van koring vir dié seisoen, een miljoen, vyfhonderd vyf en dertig duisend ton. Dit is tienduisend, tweehonderd en vyftig ton meer as die finale oesskatting, wat in Februarie uitgereik is. Vir moutgars is die herberekende oesgrootte, driehonderd en sewe duisend ton. Die herberekende kanola-oesskattingssyfer, is drie en negentig duisend vyfhonderd ton. 

Vrystaat Landbou het onlangs ’n nuwe foon-toepassing bekendgestel om veiligheid op plase te bewerkstellig. Die Plaaswag werk onder andere met ’n paniekknoppie, en alle voorvalle word aan Vrystaat Landbou deurgegee. Die doel hiervan is om akkurate misdaadstatistieke te versamel.

Dan het Vrystaat Landbou ook onlangs aangekondig dat die datums waarop die openbare verhore vir artikel vyf en twintig van die grondwet sou plaasvind, uitgestel is. Die Vrystaatse verhore sal nou eers op twee, drie en vier Julie in Botshabelo, Welkom en Phuthaditjhaba plaasvind.

Die Agbiz-ekonoom, Sifiso Ntombela, meen die kumulatiewe landbouhandel-surplus het in die eerste twee maande van die jaar gestyg tot sewe komma vyf ses drie miljard rand. Die totale landbou-uitvoere is op twee en dertig komma drie sewe vyf miljard rand gewaardeer, terwyl invoere op vier en twintig komma agt een miljard rand gewaardeer is. 
Copyright © Ontbytsake 2018 - All rights reserved.  |  Privacy Policy  |  Terms & Conditions
 site