By continuing, you are agreeing to our Terms and conditions as well as our Use of Cookies.

Weervoorspelling

23 Januarie 2021

Weervoorspelling

Tropiese sikloon Eloise sal vandag oor die suide van Mosambiek inbeweeg en a.g.v. oppervlak wrywing geleidelik swakker begin word. Dit sal egter 'n geweldige hoeveelheid vogtige tropiese lug oor die suide van Mosambiek deponeer met donderweer wat dan later oor die Laeveld begin instoot. Daar is ook 'n strook donderweer oor die sentrale binneland, maar dit sal nie baie reën oplewer nie. Verder sal 'n kouefront oor die suidkus skraap met 'n paar reënbuitjies. 

Oorblyfsels van Eloise dra op hierdie stadium steeds by tot swaar weer oor die Laeveld asook die noordelike deel van KZN. Buiten dit kan die hele noordoostelike deel van die land donderweer ervaar maar dit sal geïsoleerde selle wees wat lukraak ontwikkel. 

'n Hoogdruk wat oos van die land inskuif sal bydra tot vermenging van seelug en tropiese lug, wat steeds oorland beskikbaar is. Dit sal stormagtige weer in die noorde van KZN verseker. Die moontlikheid van swaar weer met harde reënbuie is nie uitgesluit nie.

Oorblyfsels van Eloise sal oos van die land wegbeweeg maar daar is steeds instroming van tropiese lug uit die noorde. Dit sal bydra tot donderweer oor die hele noordoostelike helfte van die land wat sal lukraak en verspreid sal ontwikkel. Verder kan die Suidkus op hierdie stadium ook klammerige weer verwag.  

'n Kouefront wat oor die suidkus skraap, bring nog bietjie reën op die suidkus terwyl die binnelandtrog effens verdiep. Instroming van tropiese lug uit die noorde sal gevolglik toeneem met swaar weer wat veral in die Noordwes Provinsie, Drakensberge en Oos-Kaap plato verwag kan word.  

Teen Donderdag sal donderweer in die noordooste voortduur met swaar weer wat op hierdie stadium veral in die Drakensberg omgewing en noordoostelike deel van die Vrystaat verwag word. In kontras met nat weer in die noordooste bly die weskus asook westelike binneland heelweek sonnig en droog. 
Copyright © Ontbytsake 2021 - All rights reserved.  |  Privacy Policy  |  Terms & Conditions
 site