By continuing, you are agreeing to our Terms and conditions as well as our Use of Cookies.

Weervoorspelling

17 April

Weervoorspelling

Saterdag
'n Trog van lae druk ontwikkel oor die westelike binneland en dra by tot lig en verspreide donderweer oor Namibië asook die suidwestelike deel van Botswana. Buiten 'n paar wolke oor die Noord-Vrystaat kan ons landwyd mooiweer verwag. Verder sal aflandige lugvloei warm temperature teen die Weskus bring. Vredendal vandag met 38.7°C. 

Sondag
Die binnelandtrog verleng na die suide met donderweer wat nou uit Namibië oor die westelike binneland ontwikkel.  Die oostelike helfte van die land bly sonnig en warm terwyl die wes- sowel as suidkus onder hitte deurloop. Vredendal nou met 36°C en die hele suidkus (Agulhas tot Port Elizabeth) kan temperature tussen 30 en 35°C verwag.  

Maandag
Die Atlantiese Hoogdruk rug suid om die land terwyl die binnelandtrog die normale wes na oos beweging van weerstelsels volg. Donderweer, steeds lig en verspreid, sal gevolglik verder oos skuif. Die noordoostelike deel van die land bly egter warm en droog.

Dinsdag
Die trog oor die binneland kwyn geleidelik weg met donderweer, steeds lig en verspreid, wat nou tot die suidelike binneland beperk bly. Die noordooste bly sonnig en warm terwyl die Kaap ook mooiweer kan verwag.  

Woensdag
Die nuwe Atlantiese hoogdruk rug suid om die land en bring ligte reën op die suid- sowel as ooskus. Niks groots nie, maar enkele los donderselle mag moontlik op die oostelike platorand ontwikkel.  Die noorde van Namibië, die Weskaap asook die noordooste van die land bly sonnig en warm.

Donderdag
Die Atlantiese hoogdruk beweeg verder oos met neerslag wat noord uitbrei. Enkele reënbuie, nie baie nie, sal tussen die oostelike platorand en see uitsak. Temperature in die wes- en suidweste sal weer begin toeneem... Vredendal bv. met 35°C.
Copyright © Ontbytsake 2021 - All rights reserved.  |  Privacy Policy  |  Terms & Conditions
 site