By continuing, you are agreeing to our Terms and conditions as well as our Use of Cookies.

Mediumtermyn Somer-weervoorspelling

22 Januarie 2021

Mediumtermyn Somer-weervoorspelling

SATERDAG
'n Strook donderweer sal vandag teen die Weskus ontwikkel. Van Namibië in die noorde tot die Swartland in die Suide. Buiten dit sal daar ook los donderselle oor die Laeveld ontwikkel maar dit sal nie baie reën bring nie. Die suidweste kan baie warm weer verwag... Vredendal bv. met 43°C 

SONDAG
Die binnelandtog teen die weskus verdiep effens wat beteken dat donderweer met groter erns ontwikkel. Die res van die land bly sonnig en warm. Buiten die Weskaap wat warm bly, sal die Oos-Kaap nou ook baie warm word. Port Elizabeth met 38.3 grade as voorbeeld 

MAANDAG
Die binnelandtrog verswak en met swakker instroming van tropiese lug uit die noorde sal donderweer oor die sentrale binneland yl gesaai ontwikkel. Buiten dit bly die res van die land mooiweer en warm. 
 
DINSDAG
Met 'n laagdruk wat breed oorland lê bly dit sonnig en warm oor die sentrale binneland terwyl enkele los donderselle oor die suide van Namibië, westelike Karoo, Weste van die Limpopo asook teen die oostelike platorand ontwikkel. Buiten dit is daar ook 'n kleinigheidjie op die Suidkus maar nêrens enige groot reën nie.

WOENSDAG
Dit bly sonnig en warm in die Suidweste asook Noordooste terwyl 'n hoogdruk wat suid om die land rug ligte reën tussen die suid- en oostelike platorand en see bring. Buiten dit sal nuwe donderweer in die noorde van Namibië begin saampak terwyl daar steeds 'n  paar los donderselle in die suide ontwikkeL.

DONDERDAG
Met 'n hoogdruk wat steeds suid om die land lê, bly dit klammerig tussen die suide en oostelike platorand en see terwyl die wes en sentrale binneland asook die verre noorde mooiweer bly. Donderweer in die noorde van Namibië brei verder suid uit terwyl 'n relatiewe breë strook donderweer oor die noordelike binneland ontwikkel. Enkele groot donderselle sal oor die Drakensberge opstaan. 
Copyright © Ontbytsake 2022 - All rights reserved.  |  Privacy Policy  |  Terms & Conditions
 site