Rosure Versekeringsmakelaar (FSP: 6579) is in 1997 deur die bedryfsveteraan, Ronel Coetzee, gestig en onder haar bekwame leiding het die onderneming tot ʼn gerespekteerde en onafhanklike makelaar gegroei wat omvattende en bekostigbare korttermyn-versekeringsoplossings bied.

Rosure se toewyding aan uitnemendheid is dan ook met verskeie ‘Makelaar van die Jaar’-toekennings bekroon en hulle besondere groei-trajek word gekenmerk deur hulle uiteenlopende reeks versekeringsprodukte vir persoonlike en kommersiële kliënte.

Wat die persoonlike versekeringsdomein betref, bied Rosure dekking vir huisinhoud, voertuie, watertuie en persoonlike aanspreeklikheid om kliënte se bates en leefstyl ten volle te beskerm.

Rosure is ook vertroud met die unieke uitdagings wat besighede tans in die gesig staar en bied kliënte ʼn verskeidenheid kommersiële versekeringsoplossings. Dit behels eiendomsbeskerming, besigheid-onderbrekingsdekking en aanspreeklikheids-versekering wat ondernemings in sektore soos toerisme, gasvryheid en gesondheidsorg ondersteun.

Die landbousektor, een van die hoofrolspelers in Suid-Afrika se ekonomie, vind ook baat by Rosure se gespesialiseerde versekeringsprodukte vir gewasse en bates, wat beteken dat boere – ten spyte van onvoorspelbare elemente soos ongunstige weerstoestande, brande en veesiektes – steeds gemoedsrus kan geniet.

Rosure se teenwoordigheid word ook in verskeie nismarkte gevoel, met spesialis-versekeringsprodukte soos lugvaartversekering en kuber- en kontrakteurs-aanspreeklikheid, wat verseker kliënte kry dekking wat volgens hulle unieke behoeftes saamgestel is.

Rosure se onafhanklikheid stel hulle in staat om nou saam te werk met verskeie versekeringsmaatskappye. Hierdie outonomie verseker dat kliënte onbevooroordeelde advies en produkte ontvang.  

Die sleutel tot Rosure se sukses is sy toegewyde span professionele verteenwoordigers. Met altesaam 265 jaar se ervaring in die versekeringsbedryf bring die personeel 'n magdom kennis en kundigheid na die maatskappy. Hulle toewyding aan uitsonderlike diens en kliëntebetrokkenheid – vanaf die eerste konsultasie tot en met eisverwerking – speel ʼn kardinale rol in Rosure se uitmuntende reputasie as geloofwaardige makelaar. 

Rosure het tot ʼn prominente rolspeler in Suid-Afrika se korttermynversekeringsbedryf gegroei, en in ʼn altyd veranderende versekeringslandskap bly Rosure ʼn baken van standvastigheid vir al hul kliënte.