Ontbeende lamsboud Rosemary & Garlic (Woolworths)  

Ratatouille:
1 groot eiervrug, in blokkies gesny
2 medium murgpampoentjies, in skywe gesny
2 soetrissies, enige kleur, gekap
4 medium ryp tamaties, gekap (of 1 blikkie tamaties in blokkies)
1 groot ui, fyn gekap
4 knoffelhuisies, fyn gekap
1 E tamatiepasta
½ t vars gemmer
½ t gedroogde origanum
4 E olyfolie
1 t vars tiemie of ½ t gedroogde tiemie
1 t vars basiliekruid, fyn gekap (plus ekstra vir garnering)
1 t vars pietersielie, gekap
Sout en swartpeper na smaak

Gladde kapokaartappels:
2 aartappels in blokkies gesny en saggekook
3 eetlepels botter
Sout en peper na smaak
Melk
Langlewe room 

METODE 
Koop die klaar gemarineerde, ontbeende lamsboud by Woolworths. 
Plaas die lamsboud in die oond in ‘n roosterpan en bedek vir eerste uur. 
Bak/ Rooster op 170 grade.
Die laaste 15-20 minute kan jy dit oopmaak en goudbruin en krakerig laat rooster. 
Laat die lamsboud ‘n paar minute rus voor jy dit sny en opdien. 

Ratatouille 

Was en sny alle groente in eweredige stukke.
Verhit olyfolie in 'n groot pan of pot oor mediumhitte.
Braai ui en knoffel tot geurig en sag.
Voeg eers eiervrug by, laat dit olie absorbeer en sag word.
Roer murgpampoentjies, soetrissies en tamaties by.
Geur met sout, peper en vars kruie.
Bedek en prut vir 30 minute, roer af en toe, tot groente sag is.
Proe, pas geurmiddels aan en garneer met vars basiliekruidblare voor opdiening.

NOTAS:
Ek verkies om groente apart te rooster voor dit gekombineer word in die tamatiesous vir 'n dieper geur.
Bêre oorskietkos in die yskas tot 4 dae; Geure verbeter oornag. Vries vir tot 2 maande in lugdigte houers.