8 - 12 hoenderdye en/of hoenderboudjies met vel
3 E olyfolie
2 E heuning
2 E tamatiepasta
1½ E gerookte paprika
1 t gemaalde komyn
1 t gemaalde koljander
1–2 t brandrissievlokkies
4 knoffelhuisies, fyngerasper
Sap van 1 lemmetjie
Skil van 1 lemmetjie, fyngerasper
1 E sojasous
1 t sout
½ t swartpeper
GROENSOUS:
1 k Griekse jogurt
½ k vars koljander
½ k vars pietersielie
1 klein jalapeño of groen brandrissie
1 knoffelhuisie
Sap van 1 lemmetjie
1 t lemmetjieskil, gerasper
2 E olyfolie
1–2 E water, indien nodig
½ t sout
½ t heuning
 VIR AFRONDING:
Vars koljander
Lemmetjiewiggies
Ekstra brandrissievlokkies
Ekstra olyfolie
Opsioneel: ’n skeut brandrissie-olie
METODE:
1. Marineer die hoender
Meng die olyfolie, heuning, tamatiepasta, paprika, komyn, gemaalde koljander, brandrissievlokkies, knoffel, lemmetjiesap en -skil, sojasous, sout en swartpeper saam.
Voeg die hoender by en vryf die marinade goed oor elke stuk hoender.
Bedek en plaas in die yskas vir 2–12 uur vir die beste geur.
2. Berei die groensous
Plaas die Griekse jogurt, vars koljander, pietersielie, jalapeño, knoffel, lemmetjiesap en -skil, olyfolie, sout en heuning in ’n voedselverwerker.
Verwerk tot ’n gladde, romerige groen sous.
Voeg ’n bietjie water by indien die sous te dik is.
Proe en pas die geur aan met ekstra lemmetjie, sout of heuning. Die sous moet vars, romerig, effens pittig en lekker suur wees.
3. Gaarmaak van die hoender
Voorverhit die oond tot 200 °C.
Plaas die gemarineerde hoender op ’n uitgevoerde bakplaat en bak vir ongeveer 35–40 minute. Draai die hoender een keer tydens die gaarmaakproses.
Smeer die hoender gereeld met enige oorblywende marinade.
Skakel die oond aan na roosterfunksie vir die laaste 3–5 minute om die hoender daardie pragtige, donker, gekarameliseerde kors te gee.
Die hoender moet ’n interne temperatuur van 75 °C bereik dan is dit mooi gaar.
BEDIEN: 
Smeer ’n ruim laag van die romerige groen koljandersous op ’n groot, plat opdienbord.
Plaas die warm hoender bo-op die sous.
Garneer met vars koljander en pietersielie.
Bedien ook met:
Lemmetjiewiggies
Brandrissievlokkies
’n Skeut olyfolie
CORLI SE KOMBUISE-WENK
Bedien die hoender saam met warm naanbrood of platbrood, bros geroosterde aartappels of klapperrys.
Vir ’n pragtige vars bykos kan jy ’n komkommer, avokado en koljanderslaai daarby bedien.
Die perfekte kombinasie van soet, branderig, rokerig, romerig en vars.