Vir die deeg
3/4 k warm kraanwater
1 t aktiewe droë gis
1 1/2 E olyfolie
1 t suiker
2 1/4 k witbroodmeel
1/2 t sout
1/2 t gedroogde basiliekruid
1/2 t gedroogde origanum
1/2 t uiepoeier
1/4 t knoffelpoeier  
1/4 t gedroogde tiemie
kleefwerende sproei

Jy kan ook ‘n pakkie deeg by die Supermark koop of ‘n 'premix' pakkie gebruik. 

Vir die pizza-vulsels

Pizza Margherita: 
2 E olyfolie
2 knoffelhuisies, fyn gekap
Enige tamatiebasis-sous (Ek hou van die Ina Paarman 'Tomato & Basil' pastasous)
340 g Mozzarellakaas (gebruik vars of 'n bal wat jy kan skeur of sny, nie gerasper nie)
6-8 klein tamaties, in skywe gesny
2 E parmesaankaas
1/4 t gemaalde swartpeper
vars basiliekruidblare
origanum 

Vier-kaas Pizza:
Deense Feta
Mozzarellakaas
Bloukaas
Parmesaankaas
Roomkaassmeer
Origanum
Sout en peper

METODE:
Vir die deeg:
Vul 'n mengbak met warm kraanwater. Die temperatuur is belangrik, want dit help met gisaktivering en die rysproses. Meet 3/4 koppie water af. 
Gooi die water in die bak. 
Plaas een teelepel suiker onder in die bak en gooi die water oor. 
Sprinkel die gis oor die oppervlak van die water en laat staan vir twee minute.
Klits die olyfolie by.
Voeg die meel, basiliekruid, origanum, tiemie, knoffelpoeier, uiepoeier en sout by. 
Gebruik ’n houtlepel om die meel en geurmiddels by die water en olie te roer. 
Gebruik jou hand om die deeg te knie totdat dit 'n gladde bal vorm. 
Bedek met 'n skoon vaddoek en sit eenkant om te rys. 
Sodra die deeg gereed is, voorverhit jou oond tot 180-200 grade en spuit 'n pizza-pan liggies met kleefwerende sproei. 
Plaas die deeg op die pan en gebruik 'n koekroller om uit te rol. 
Druk die deeg plat en trek met jou hande uitwaarts tot dit die hele pan vol lê. 

Die samestelling van die Margherita pizza:
Klits die olyfolie en knoffel in 'n klein bakkie. 
Sprinkel dit oor die pizza sodat dit die hele oppervlak bedek. Laat slegs 'n 3/4 duim om die rand kaal. 
Smeer die tamatiebasis bo-oor die deeg. 
Plaas die geskeurde of gesnyde mozzarellakaas daarop.
Versprei die tamatieskywe oor die oppervlak van die pizza.
Plaas die pizza in die oond en bak vir 10 minute.
Sodra dit klaar is, haal die pizza uit die oond en sprinkel swartpeper en parmesaankaas oor.

Hierdie pizza moet warm bedien word, so plaas die vars basiliekruidblare daarop net voor jy dit opdien.

Sny in 8 skywe en bedien 2 snye per persoon.