Bedien: 4

2 kg ontbeende skaapboud
150 ml goeie kwaliteit balsamiese asyn
1 t donkerbruinsuiker
3 knoffelhuisies, fyngedruk
3 takkies roosmaryn, plus ekstra vir rooster
Seesout en swartpeper
'n Rooi ui, gehalveer
2 sjalotte of klein uie, gehalveer
1 heel knoffelbol, vel gelos
Olyfolie
300 – 400 ml droë rooiwyn

METODE:
Voorverhit die oond tot 220°C. 
Voeg die balsamiese asyn, suiker en knoffel in ’n klein kastrol. 
Kap die blare van die roosmaryntakkies fyn en voeg by die mengsel. 
Bring tot kookpunt en laat effens verdik oor matige hitte.  
Druk die lamsboud droog met papierhanddoeke en plaas in 'n roosterbak. 
Verf die balsamiese mengsel oor die vleis en gooi die ekstra roosmaryn, gehalveerde uie/sjalotte en knoffelbol rondom die vleis. 
Gooi die rooiwyn rondom die vleis. 
Bedruip met ‘n bietjie olyfolie en geur mildelik met sout en peper.
Plaas die vleis in die oond en laat rooster dit vir die eerste 20 minute op 220°C.
Verminder dan die hitte tot 180°C vir die oorblywende 70 minute vir medium en 1 uur 40
minute vir heeltemal gaar.
Laat rus die vleis jy dit sny en bedien met aartappels en geroosterde groente. 

Die oorblywende vloeistof in die pan maak 'n heerlike sous. 
Gooi dit deur ‘n sif en verminder tot dit effens verdik oor hoë hitte voordat jy dit oor die gesnyde lamsvleis gooi.