ontbytSAKE vier ‘n suksesvolle BitterLekker Nuwe Talent Musiekkompetisie en Wynproe Geleentheid
Op Saterdag, 17 Augustus 2024, het RugTeenRug musiek weereens daarin geslaag om ‘n suksesvolle musiekvertoning en wynproe geleentheid by die B|Loved Klein Teater aan te bied. In samewerking met ontbytSAKE het daar ‘n triomf van klanke en smake gevloei.
Vroegmiddag is wynliefhebbers deur Allée Bleue uit die Stellenbosch-streek verwelkom. Die versameling wyn is noukeurig gekies om ‘n perfekte balans tussen die musiek- en smaaksensasie te skep. Wynkenners het gereed gestaan om inligting rakende die fermentasieproses, die wyn se komposisie en die wye reeks geurkomponente te deel.
Teen namiddag is gaste met die BitterLekker Musiekvertoning deur jong onafhanklike kunstenaars vermaak. ‘n Wye spektrum genres, van klassieke Afrikaanse liedjies tot moderne klanke, is gedek.
Die geleentheid was uitstekend georganiseer en het aan alle verwagtinge voldoen. Gaste het die stylvolle atmosfeer waardeer en die aand het sonder enige ongerief verloop. Die sukses van hierdie geleentheid bevestig net weereens ontbytSAKE se posisie as vooraanstaande platform vir die bevordering van onafhanklike kunstenaars in die musiekbedryf.
Ons aand is afgesluit met die aankondiging van die Nuwe Talent Wenner, JP Meyer en ‘n kontantprys ter waarde van R 25, 000 is deur Louis Mclaren, (Uitvoerende Vervaardiger van ontbytSAKE), aan hom oorhandig. JP het die gehoor met sy enkelsnit, Slangetjies en Leertjies, op hulle voete gehad.
Vir JP was die feit dat die gehoor sy liedjie uit volle bors kon saamsing reeds ’n mylpaal. “As ’n opkomende kunstenaar is dit moeilik om naam te maak, maar met RugTeenRug Musiek en ontbytSAKE se BitterLekker Nuwe Talent Kompetisie word die proses makliker gemaak.” JP noem ook dat sy emosies met hom weggehardloop het en hy stomgeslaan gestaan en luister het na die aankondiging van sy naam as wenner. Vir JP en die ander deelnemers was die atmosfeer, klank en beligting ook ’n onbeskryflike belewenis. JP weet vandag dat sy musiekloopbaan hoë hoogtes gaan bereik en hy sluit hierdie kompetisie af met die woorde: “Hou hierdie spasie dop!”
Die volgende deelnemers het saam met JP die verhoog betree:
- AJ de Vos, met sy enkelsnit “Hart Roep Hart”
- Carley, met haar enkelsnit “Baadjie”
- Elsjé, met haar enkelsnit “Stroom”
- Hartklop, met hulle enkelsnit “Dink jy nog aan my”
- Jay Morgan, met sy enkelsnit “Neon Ligte”
- Johan Anker, met sy enkelsnit “Soldaat”
- Just Mia, met haar enkelsnit “Ons teen die wêreld”
- Lu-Anél, met haar enkelsnit “Wys vir my”
- Thandi Stoltz, met die bekende treffer “Hoor hoe raas die stilte”
- Tihan, met die Theuns Jordaan treffer “Roeper van my hart”
- Tiffany Steyn, met die alombekende “Sonvanger”
ontbytSake wil graag al die deelnemers, wynkenners en ondersteuners bedank vir ’n onvergeetlike aand. Dit was ’n oomblik in tyd en ’n suksesverhaal soos min.
As jy ‘n onafhanklike kunstenaar is wat graag meer wil uitvind oor die geleenthede wat RugTeenRug Musiek bied, kontak gerus vir Muller Brandt (mullerb@rugteenrug.co.za) om deel te vorm van ons musiekfamilie.
Gaan volg ook gerus ons sosiale media platforms vir meer inligting:
Facebook:
ontbytSAKE: https://www.facebook.com/ontbytsake
RugTeenRug: https://www.facebook.com/profile.php?id=100090152690139
Instagram:
ontbytSAKE: https://www.instagram.com/ontbytsake/
RugTeenRug: https://www.instagram.com/rugteenrugmusiek/
YouTube:
https://www.youtube.com/channel/UCbT_jwbNoDw1-LDCYEFvPNA
TikTok:
https://www.tiktok.com/@ontbytsake_
Webwerf:
https://www.ontbytsake.co.za/
